إعـــــــلان

Collapse

.

,
See more
See less

نفسك فيي سواق خاص يريحك من عذاب القيادة.. اتفضل ممكن أفيدك

Collapse
X
 
  • Filter
  • الوقت
  • Show
Clear All
new posts

  • نفسك فيي سواق خاص يريحك من عذاب القيادة.. اتفضل ممكن أفيدك

    السائق الخاص

    لحد فترة قريبة جدا (سنتين) كنت لا أؤمن تماما بفكرة ان يكون في حد بيسوقلي .. طب ليه هو انا اعرج .. و بعدين كنت باسمع عن مشاكل كتير بتحصل بسبب السواقين .. و لذا تحاشيت هذا الأمر ..

    ثم مرض والدي رحمة الله عليه فاضطررت لتعيين سواق خصوصي علشان مكونتش قادر الاحق على المشاوير..
    في خلال السنتين دول تناوب عليا عدد كبير من السواقين مما يمكنني من عرض تجربتي لعلها تكون مفيدة ..

    لماذا نحتاج الى سواق:

    1 - عادة احنا كلنا بنسوق فترات طويلة بنكون فيها سايقين بنص عقل (نص تركيز يعني) و النص التاني مركز في البيت و العيال و الشغل و المشاكل ... و ده بيتحسن كتير في وجود سائق محترف
    2 - احنا لو حسبنا الفلوس اللي بندفعها تيبسات (بقشيش يعني) للبواب اللي بينضف العربية و باركات وسط البلد سواء القانونية او الاجبارية و و حسبنا البنزين اللي بنحرقة في البحث عن ركنة و قيمة الوقت اللي بيضيع في مشوار تافه مش محتاج وجودك اصلا و صيانات العربية و توصيل المدام و الاولاد و ماما الحاجة و حماتك و بقشيش الولد اللي بيشيل مشتروات السوبر ماركت هتلاقي انك بتدفع تقريبا اكتر من مرة و نص مرتب السواق و انت شغال عبد مملوك عند كل الناس دول ..
    3 - للستات و ربات البيوت اللي بيسوقو و هم مركزين في الحلل او مستعجلين يلحقو الولد اللي مركون على رصيف المدرسة او ميعاد تدريب السباحة بتاع البنت.. مرتب السواق في ستة اشهر بيساوي تقريبا تمن تصليح العربية خلال نفس الفترة .. حيث ان متوسط الحوادث الحريمي هي 3 الى 5 حوادث سنويا (باكرر ده للنوعية دي بس من الستات)




    * مرتبات السواقين

    تتراوح مرتبات السواقين الملاكي بين 600 و 1200 جنيه و الفرق الكبير ده سببه فرق سنين الخبرة و المؤهلات الدراسية و البعد أو القرب بين سكن السواق و سكنك
    المتوسط لسائق عمره 30 الى 40 سنة هو 750 جنيه

    يفضل دفع مرتب السواق اسبوعيا
    ليه
    علشان هو كده كده مهما كان مرتبه هيطلب منك فلوس قبل اخر الشهر حيث ان (الكاشات خلصت يا باشا) فعلشان تريح دماغك اديله مرتبه بالاسبوع مع العلم ان الشهر 4 اسابيع و نصف (ما عدا فبراير)

    * الورق المطلوب من السواق

    طبعا الرخصة و البطاقة اصول (لازم يكونو معاه مفيش حاجة اسمها معايا الصورة فقط او اصلي بغير العنوان في الرقم القومي)
    فيش و تشبيه موجه لك شخصيا
    صورة مؤهل دراسي ان وجد (لو مفيش لازم تمتحنه في القراءة) مينفعش سواق لا يقرأ هيلبسك في الحيطة
    وصل نور يطابق عنوان البطاقة و ان لم يوجد فلابد من عقد ايجار او تمليك بعنوانه الحالي مع زيارة مفاجأة منك للبيت عنده ( ساعة مغربية كده) و يكون هو معاك فيها .. لاحظ انطباعات الناس في الحته بتاعته و هو داخل عليهم

    * الورق اللي يملاه السواق

    طلب وظيفة بخط يده ( و دي بتكون مفيده جدا و هاقولك ليه) فور موافقتك عليه

    عقد سائق خصوصي ( نسخة واحدة تظل معك) برضو فور الموافقة و يكتب فيه انه سائق تحت التدريب بمكافأة لمدة 3 او 6 اشهر (لتجنب المسائلة الضريبية)

    عقد ادارة و مسئولية ( انه سائق له الحق في ادارة السيارة و المشي بها في الشوارع و دفع المخالفات مع مسئوليته الشخصية عن سلامة كلا من السيارة و الركاب و سيارات الغير و المشاة من الساعة 9 ص الى 6 مساءا مع احتمال تمديد هذه الفترات لمقتضيات العمل) و هذا العقد يصدق عليه من الشهر العقاري و يكتب فيه مرتب لا يزيد بحال عن 200 جنيه (و ده بيكون خلال اسبوع من الموافقة)
    فائدة العقد ده انه لو لا قدر الله السواق خبط حد و الحد ده مات او اصيب .. ابسط شيء هيعمله انه هيسيب العربية و يخلع



    ايصال أمانة بقيمة لا تقل عن 20 الف جنيه و هذا شرط لا تتهاون فيه بأي حال من الاحوال (كلهم بيرفضو في البداية بس بيوافقو في النهاية) و هنا تظهر قيمة طلب الوظيفة المحرر بخط يده لمطابقة الخطوط

    الحلقة الجاية انواع السواقين و طرق تقييمهم و الاسلوب الامثل للتعامل معاهم
    ده لو الموضوع عجبكم
    [SIZE=4][COLOR=darkred][/COLOR][/SIZE]
    ::--لا حيلة في الرزق--::
    ::-- م/باســــم شوقـي--::

  • #2
    احنا معينيين سواقين عندنا في الشركة...
    بس حضرتك عامل حاجات أكثر تعقيداً من اللي إحنا عاملينها:)

    و مديرتي محتاجة سواق في فترة الصيف...لو قلتلها علي الحاجات دي...ممكن تسيب شغلها و تشتغل هي سواقه أريحلها :)

    ربنا يبارك في حضرتك
    [CENTER][SIGPIC][/SIGPIC][/CENTER]

    Comment


    • #3
      متابع باهتمام
      وموضوع جامد جدا وجديد
      https://t.me/pump_upp

      Comment


      • #4
        موضوع جميل و فيه معلومات لأول مرة بسمع عنها....
        أنا كنت فاكر الموضوع أبسط من كدا بكتير ... :)
        اعذروني عشان مش بقدر افتح المنتدى كتير
        ده الايميل و هيجيلي مباشرة على التليفون لأي استفسار
        [email]mina.nilemotors@gmail.com[/email]
        و السكايب
        mina.nilemotors

        Comment


        • #5
          lموضوع أكثر من رائع

          Comment


          • #6
            طيب ما هى ساعات عمله

            المشاركة الأصلية كتبت بواسطة الريس مشاهدة المشاركة
            السائق الخاص

            لحد فترة قريبة جدا (سنتين) كنت لا أؤمن تماما بفكرة ان يكون في حد بيسوقلي .. طب ليه هو انا اعرج .. و بعدين كنت باسمع عن مشاكل كتير بتحصل بسبب السواقين .. و لذا تحاشيت هذا الأمر ..

            ثم مرض والدي رحمة الله عليه فاضطررت لتعيين سواق خصوصي علشان مكونتش قادر الاحق على المشاوير..
            في خلال السنتين دول تناوب عليا عدد كبير من السواقين مما يمكنني من عرض تجربتي لعلها تكون مفيدة ..

            لماذا نحتاج الى سواق:

            1 - عادة احنا كلنا بنسوق فترات طويلة بنكون فيها سايقين بنص عقل (نص تركيز يعني) و النص التاني مركز في البيت و العيال و الشغل و المشاكل ... و ده بيتحسن كتير في وجود سائق محترف
            2 - احنا لو حسبنا الفلوس اللي بندفعها تيبسات (بقشيش يعني) للبواب اللي بينضف العربية و باركات وسط البلد سواء القانونية او الاجبارية و و حسبنا البنزين اللي بنحرقة في البحث عن ركنة و قيمة الوقت اللي بيضيع في مشوار تافه مش محتاج وجودك اصلا و صيانات العربية و توصيل المدام و الاولاد و ماما الحاجة و حماتك و بقشيش الولد اللي بيشيل مشتروات السوبر ماركت هتلاقي انك بتدفع تقريبا اكتر من مرة و نص مرتب السواق و انت شغال عبد مملوك عند كل الناس دول ..
            3 - للستات و ربات البيوت اللي بيسوقو و هم مركزين في الحلل او مستعجلين يلحقو الولد اللي مركون على رصيف المدرسة او ميعاد تدريب السباحة بتاع البنت.. مرتب السواق في ستة اشهر بيساوي تقريبا تمن تصليح العربية خلال نفس الفترة .. حيث ان متوسط الحوادث الحريمي هي 3 الى 5 حوادث سنويا (باكرر ده للنوعية دي بس من الستات)




            * مرتبات السواقين

            تتراوح مرتبات السواقين الملاكي بين 600 و 1200 جنيه و الفرق الكبير ده سببه فرق سنين الخبرة و المؤهلات الدراسية و البعد أو القرب بين سكن السواق و سكنك
            المتوسط لسائق عمره 30 الى 40 سنة هو 750 جنيه

            يفضل دفع مرتب السواق اسبوعيا
            ليه
            علشان هو كده كده مهما كان مرتبه هيطلب منك فلوس قبل اخر الشهر حيث ان (الكاشات خلصت يا باشا) فعلشان تريح دماغك اديله مرتبه بالاسبوع مع العلم ان الشهر 4 اسابيع و نصف (ما عدا فبراير)

            * الورق المطلوب من السواق

            طبعا الرخصة و البطاقة اصول (لازم يكونو معاه مفيش حاجة اسمها معايا الصورة فقط او اصلي بغير العنوان في الرقم القومي)
            فيش و تشبيه موجه لك شخصيا
            صورة مؤهل دراسي ان وجد (لو مفيش لازم تمتحنه في القراءة) مينفعش سواق لا يقرأ هيلبسك في الحيطة
            وصل نور يطابق عنوان البطاقة و ان لم يوجد فلابد من عقد ايجار او تمليك بعنوانه الحالي مع زيارة مفاجأة منك للبيت عنده ( ساعة مغربية كده) و يكون هو معاك فيها .. لاحظ انطباعات الناس في الحته بتاعته و هو داخل عليهم

            * الورق اللي يملاه السواق

            طلب وظيفة بخط يده ( و دي بتكون مفيده جدا و هاقولك ليه) فور موافقتك عليه

            عقد سائق خصوصي ( نسخة واحدة تظل معك) برضو فور الموافقة و يكتب فيه انه سائق تحت التدريب بمكافأة لمدة 3 او 6 اشهر (لتجنب المسائلة الضريبية)

            عقد ادارة و مسئولية ( انه سائق له الحق في ادارة السيارة و المشي بها في الشوارع و دفع المخالفات مع مسئوليته الشخصية عن سلامة كلا من السيارة و الركاب و سيارات الغير و المشاة من الساعة 9 ص الى 6 مساءا مع احتمال تمديد هذه الفترات لمقتضيات العمل) و هذا العقد يصدق عليه من الشهر العقاري و يكتب فيه مرتب لا يزيد بحال عن 200 جنيه (و ده بيكون خلال اسبوع من الموافقة)
            فائدة العقد ده انه لو لا قدر الله السواق خبط حد و الحد ده مات او اصيب .. ابسط شيء هيعمله انه هيسيب العربية و يخلع



            ايصال أمانة بقيمة لا تقل عن 20 الف جنيه و هذا شرط لا تتهاون فيه بأي حال من الاحوال (كلهم بيرفضو في البداية بس بيوافقو في النهاية) و هنا تظهر قيمة طلب الوظيفة المحرر بخط يده لمطابقة الخطوط

            الحلقة الجاية انواع السواقين و طرق تقييمهم و الاسلوب الامثل للتعامل معاهم
            ده لو الموضوع عجبكم
            طيب حضرتك قلت المرتب لكن ما قلتش عن ساعات عمله يعنى لو مثلا عن 8 ساعات عمل و انا كان عندى مناسبه و عايزة باللليل معايا ؟؟ او لو عندى سفرية و ارجع اخر النهار او تانى يوم .. يعنى تتم محاسبته ازاى

            Comment


            • #7
              و هل فعلا فيه سواق بيوافق بكل الشروط دي ؟؟؟؟؟؟؟؟؟؟
              [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

              [URL="https://goo.gl/30fu9U"]Registered Migration Agent - MARN 1575106[/URL]
              [/COLOR][/CENTER][/SIZE]

              Comment


              • #8
                المشاركة الأصلية كتبت بواسطة itisnotme مشاهدة المشاركة
                طيب حضرتك قلت المرتب لكن ما قلتش عن ساعات عمله يعنى لو مثلا عن 8 ساعات عمل و انا كان عندى مناسبه و عايزة باللليل معايا ؟؟ او لو عندى سفرية و ارجع اخر النهار او تانى يوم .. يعنى تتم محاسبته ازاى
                الف شكر لردك و جل من لا يسهو يا سيدي
                الحقيقة انت لما بتتفق مع سواق قل له مواعيد الشغل بتكون تقريبا من كذا ل كذا
                عادة لا تقل عن 10 ساعات (زي اي شغل طبيعي)
                بتقوله كمان (بلطف و لكن بحزم) هييجي يوم همشيك بدري و اوقات هأجز و اوقات الشغل و المواعيد بتحكمنا

                و لكن
                في النهاية المجهود الاضافي لازم يقدر بشكل معقول (المتوسط 3 الى 5 جنيهات في الساعة مع خصم نص عدد الساعات اللي مشي فيها بدري) و لازم تفهمه ان البونص ده بيكون اخر الشهر مش مع المرتب الاسبوعي
                ليه بقى
                اولا علشان غلط تديله الفلوس و هو تعبان مش هتعجبه مش هتعجبه
                (في حد هيقولي اعط الأجير حقه قبل ان يجف عرقه .. بس ده موظف مش أجير - أظن الحديث كان بيتكلم على عامل اليومية)

                ثانيا علشان ميغيبش تاني يوم ( بيحسبها بعقله انه كده معاه مرتب يومين .. ف ايه المانع يغيب)

                ثالثا علشان تفضل معاملته ليك كويسة لحد اخر الشهر انتظارا للبونص

                حاجة اخيرة

                مفيش مانع ابدا لو اتأخر السواق اوي اوي تديله فلوس تاكسي لو كان سكنه بعيد - الرحمة حلوة
                [SIZE=4][COLOR=darkred][/COLOR][/SIZE]
                ::--لا حيلة في الرزق--::
                ::-- م/باســــم شوقـي--::

                Comment


                • #9
                  المشاركة الأصلية كتبت بواسطة ak1981 مشاهدة المشاركة
                  و هل فعلا فيه سواق بيوافق بكل الشروط دي ؟؟؟؟؟؟؟؟؟؟
                  كل سواقين الملاكي و صدقني
                  [SIZE=4][COLOR=darkred][/COLOR][/SIZE]
                  ::--لا حيلة في الرزق--::
                  ::-- م/باســــم شوقـي--::

                  Comment


                  • #10
                    المشاركة الأصلية كتبت بواسطة ak1981 مشاهدة المشاركة
                    و هل فعلا فيه سواق بيوافق بكل الشروط دي ؟؟؟؟؟؟؟؟؟؟
                    اذا كان معظمنا بيشتغل في شغلانات تحت ظروف أسوأ من دي وموافق وساكت وحاطط 100 جزمة في بقه !!!

                    Comment


                    • #11
                      يا استاذى الفاضل انا كنت باشتغل فى مكان صاحب الشغل بيكسب ملايين ومش بيرضى يصرف المرتبات الا لما طوب الارض يتخانق معاه و يكون عدى 20 يوم على الاقل من الشهر الجديد -- انا شايف فكر القبض بالاسبوع ده هايله
                      سبحان الله وبحمده سبحان الله العظيم

                      Comment


                      • #12
                        المشاركة الأصلية كتبت بواسطة noon_eg مشاهدة المشاركة
                        يا استاذى الفاضل انا كنت باشتغل فى مكان صاحب الشغل بيكسب ملايين ومش بيرضى يصرف المرتبات الا لما طوب الارض يتخانق معاه و يكون عدى 20 يوم على الاقل من الشهر الجديد -- انا شايف فكر القبض بالاسبوع ده هايله
                        طبعا

                        بكدة الحياة بنكون مستمرة بهدوء اكتر
                        [SIZE=4][COLOR=darkred][/COLOR][/SIZE]
                        ::--لا حيلة في الرزق--::
                        ::-- م/باســــم شوقـي--::

                        Comment


                        • #13
                          الموضوع جديد عليا اويي

                          شكراً يا "ريس"

                          Comment


                          • #14
                            متابع بإهتمام...................

                            موضوع جديد ومفيد......شكرا للمهندس باسم شوقى لمشاركتنا خبرته....

                            سؤال...ايه الفرق بين السائق الجامعى وغير حاملى المؤهل....

                            ونفس الكلام فى السن......
                            [SIGPIC][/SIGPIC][CENTER]
                            [/CENTER]

                            Comment


                            • #15
                              ربنا يخليك لينا ياريس

                              ههههههههههههه


                              اصلك جيتلي في وقتك

                              عندي س}ال و نفسي حد يجاوبني عليه

                              عايز سواق للمهمة الأتية تحديدا :

                              مشوار المنصورة القاهرة ذهاب و إياب طبعا

                              ثلاث أيام في الأسبوع

                              هانطلع الساعة 7 و نبقى هنا على الساعة 5

                              بعربيتي طبعا

                              اديله كام ؟؟؟

                              ويتحاسب بالشهر ولا بالأسبوع و لا بالطلعة ؟؟؟
                              [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                              Comment

                              Working...
                              X