حب استطلاع مش اكتر الدريفت الواهم دى بيتعمل ازى

[eslam_wega]

بالصدافة كدا وانا على يوتيوب لقيت الفيديو دة

والساق الماهر هو
KEN BLOCK


وهو بطل العالم فى الرالى
سوالى بقا الدريفت الى بيكون العجل فى اتجاة وجسم العربية فى اتجاة تانى دة بيتعمل ازى (من باب العلم بالحاجة بس )

ودلوقتى اسيبكم مع الفيديو الروعة


[youtube]http://www.youtube.com/watch?v=HQ7R_buZPSo[/youtube]

[Ahmed Samy]

انت تدوس بنزين على الأخر

وسيب الباقي على ربنا

هههههههههه


طبعا الموضوع محتاج ممارسة طويلة و تمرين للقدرة على التحكم في زحف العربية و ليس دفعها

يعنه هو بيعمل التوجيه بالمقود ليحدث أثر بعد ثواني من التوجيه نفسه

و التجاه النهائي مش معتمد على قدر التوجيه بس

على السرعة و الدفع و الأرضية كمان


الدريفت ده مش تعليم

ده إحساس

[كابوس الليل]

الواد ده تحفة وشكله بيدرب على الدريفت وهوا ف اللفة
انت شفت الحتة الى بيلف فيه وجابوها براخة ولمس لمسة خفيفة من ورا ف القمع؟؟
كمان انت مش محتاج تتعلم ادريفت بص الاول للعربية الى معاه

[Terrible_DaRsH]

اولا الرجل ده بيفكرنى بنفسي و انا بلعب اندر جراوند

ثانيا الموتور ده اكيد متعدل هو و العربية كلها

ثالثا الهاند بريك ليها دور كبير عند بداية دوران العربية بعدها توجيه السيارة و التحكم فيها يبقي عن طريق السواق

[JAM]

الواد دا بيسحر للعربيات... وانتم لو دورتوا على اسمه فى اليوتيوب هتلاقوله حاجات من النوع اللى الواحد بيتيس وهوا بيتفرج عليها

[E30power]

الدريفت ده مش تعليم

ده إحساس

+111111111

طبعا بعيد عن الكائن الخرافى الى بيسوق دة دة طااااااااار بالعربية يا عم فى اخر فيدو عملة فى التوب جير لما استضافوة ..ايوة طار بالعربية مش بهزر ولا حد ضاربنى على دماغى...
وكمان معدل الامبريزا تعديل خيالى وعلى ما اعتقد بيخليها تطلع اكتر من 500 حصان وبعيدا طبعا انها دفع رباعى .....

انا شوفتلة حاجاات كتير فعلا الراجل دة فنااااان ودماغة عالياا موووت بالامبريزا....

[E30power]

بما اننا دخلنا فى عالم الدرفتات.....
فى حاجة هتجننى بقى هطير برج من نفوخى.... هموا ازاى بيخلوا العربية تحفر وهيا واقفة فى مكانها؟؟؟
وازاى بتكبس بنزين وماسك فرامل فى نفس الوقت ودية شفتها كتير فى الدفع الخلفى يعنى لو شادين الهاند هتكون مفروض ماسة العجلة ومتلفش ولو الفرامل مهو اكيد بتمسك الاربع فرد برضك..؟؟؟؟!!!
هتولى حل بقى يقنعنى بالدوشة دية

[magyver]

بجد سواااق ماهر جداااااا
وفعلا الدريقت دة احسااااااس ومعاة عربية بنت تيييييييييت خراافة

[fadynabil]

يا راجل حرام عليك .. أول ماتشطح تنطح كده

كين بلوك مرة واحده ... الواد ده كارثة فعلا وهمي ... عنده تحكم فظيع ع العربيه

[tamertamer]

اولا العربية هنا مش عربية عادية
اولا الهند بريك دية رياضى متكامل مع نظام العفشة الرياضى المتكامل الواصل الى قوة المتور والدفع الرباعى للسلاسة فى المنحنيات القوية وغير كدة وكدة انت عشان تعمل عربية ذى دية عايز مبلغ كبير وغير كدة كمان نوع الارضية المتبع عليها مثل هذة الانواع مش موجودة فى مصر احنا هنا فى مصر فقراء جدا فى مثل هذة الانواع انا كنت بحاول اعمل الحجات دية بس للاسف العملية عيزة مصريف جبارة فعلا واولا انت تبتدى تلف على رملة عشان تاخد على العربية ولازم تكون حافظ ابعدها حلو اوى ويستحسن تبقا هتش باك وتجبها دفع خلفى وتفرج على اللعب بس ابقا هات معاك بنك فلوس وانت جى

[Mzeid]

أولا الدريفت إحساس بالسيارة و زحلقتها على الأرض مش أكثر ..
ثانيا الدريفت بيكون احسن على سيارة دفعها خلفي ..
ثالثا الدريفت بيتم بكذا طريقة هرفعهم في ملف txt بس الاقيهم الاول

[Mzeid]

بس عموما الطريقة المنتشرة و هي طريقة المبتدئين و هي رفع الهاند و تسقيط نقلة و لف الدريكسيون في اتجاه المنحنى او الاتجاه المراد توجيه السيارة له و بعدين الضغط على البنزين و لف الدريكسيون عكس الاتجاه الاول ..
و في طرق تانية زي الضغط على الدبرياج و تركه عدة مرات ورا بعض ..
و فيه طريقة لف الدريكسيون بحدة في احد الاتجاهات على سرعة عالية نسبيا ..

[Mzeid]

[youtube]http://www.youtube.com/watch?v=UBWRO0TlCn4&feature=PlayList&p=37468F44AC2 41F41&index=43&playnext=3&playnext_from=PL[/youtube]

[eslam_wega]

يا نهار ابيض دى صعبة ومش نافع معها فيديو دى عايز جلسة تدريب مع جين بلاك

[M_Nabil]

بما اننا دخلنا فى عالم الدرفتات.....
فى حاجة هتجننى بقى هطير برج من نفوخى.... هموا ازاى بيخلوا العربية تحفر وهيا واقفة فى مكانها؟؟؟
وازاى بتكبس بنزين وماسك فرامل فى نفس الوقت ودية شفتها كتير فى الدفع الخلفى يعنى لو شادين الهاند هتكون مفروض ماسة العجلة ومتلفش ولو الفرامل مهو اكيد بتمسك الاربع فرد برضك..؟؟؟؟!!!
هتولى حل بقى يقنعنى بالدوشة دية

دى ياباشا بيسموها تلات دواسات بنزين وفرامل ودبرياج مع بعض بس هيه ليها سينس معين عشان العربية متتحركش بس لو بتعملها كثير سلملى على الاسطوانه والديسك والتيل والكوتش وغيره يعنى الحركة دى بتأذى العربية اكثر من التخميس بمراحل ولو حبيت ابقى احطلك فيديو ليها المهم سيبك من الكلام ده وشوفوا الدرفتايه الـ 360 السوبر دى وعاوز رأيكم فيها [youtube]http://www.youtube.com/watch?v=2XgHyw2teWs[/youtube]