مشكلتى فى القيادة ليلاً

[uhlphp]

اثناء القيادة ليلاً وخاصتاً فى طرق السفر بحب امشى على السرعة الرسمية واعتقد ان من حقى امشى فى الشمال طالما سرعتى ليست اقل من السرعة الرسمية ولكن بلاقى مشكلتين

الاولى ان الملاكى والميكروباصات اللى طايرة على الطريق يجى ورايا وينور النور العالى عشان اسيب الشمال والنور ده بيضرب فى المراية الجانبية ثم الى وجهى وده بيخلنى مش شايف حاجة قدمى ومش عارف اعمل اية .

الثانية هى النور العالى من السيارات فى الاتجاه المقابل اجد نفسى لا اسطتيع الروية امامى جيداً وايضاً مش عارف اعمل اية .

[alzelafy]

خليك فى وسط الطريق دائما و لما حد يقلبلك نور تعالى على اليمين و عديه و ارجع تانى للوسط لان لليمين مشاكل و للشمال مشاكل او شوف سواق ميكروباص طاير و طير وراة دا غالبا بيكون حافظ الطريق و خلى بينك و بينو مسافه لا تقل عن30مترعشان لو لبس تبقى انتا فى السليم و اخوك شسش بيش فى السواقه بليل و بعمل كدة

[M.almaghraby]

فيم الازاز الي ورا عشان النور دا والزينون كمان

[MoToRiZeR]

هو المفروض محدش يمشي علي أقصي الشمال لأن دي حارة التخطي .. يعني المفروض نمشي فيها لتخطي سيارة ثم نرجع للحارة اللي قبلها .

و نظرياَ لأني برضه بمشي بالسرعات الرسمية ليلاَ و نهاراَ فا انا ببقي أبطأ سيارة علي الطريق! (أهلاَ بيك في مصر) .. يعني مثلاَ عالمحور لو حتة مفيهاش رادار ببقي انا الوحيد اللي 90 .. عالدائري مفيش غيري 90 حتي التريلات بتطلع مني ! عالصحراوي بالليل عينك ما تشوف إلا النور ! لذلك انا لو تعبان و مش مركز كويس .. بقلب مراية الصالون و أمسك تاني حارة من اليمين .. و ياكش تولع بقي مبغيرش الحارة حتي لو واحد جه رمي نفسه قدامي .

[Rembrandt]

هو المفروض محدش يمشي علي أقصي الشمال لأن دي حارة التخطي .. يعني المفروض نمشي فيها لتخطي سيارة ثم نرجع للحارة اللي قبلها .
.

للاسف فى ناس كتيير أوى مش عارفة النقطة دى

[blazer]

هو المفروض محدش يمشي علي أقصي الشمال لأن دي حارة التخطي .. يعني المفروض نمشي فيها لتخطي سيارة ثم نرجع للحارة اللي قبلها .
.

طيب ما فىه طرق سريعه كتير حارتين بس زى طريق وادى النطرون
فلازم تمشى على الشمال لو انت سرعتك عاليه واليمين للبطىء
وموضع انك تمشى فى النص دا معتقدش انه صح لانك كدا هتقفل الطريق بعربيتك

[PoweRPassioN]

هو المفروض محدش يمشي علي أقصي الشمال لأن دي حارة التخطي .. يعني المفروض نمشي فيها لتخطي سيارة ثم نرجع للحارة اللي قبلها .

و نظرياَ لأني برضه بمشي بالسرعات الرسمية ليلاَ و نهاراَ فا انا ببقي أبطأ سيارة علي الطريق! (أهلاَ بيك في مصر) .. يعني مثلاَ عالمحور لو حتة مفيهاش رادار ببقي انا الوحيد اللي 90 .. عالدائري مفيش غيري 90 حتي التريلات بتطلع مني ! عالصحراوي بالليل عينك ما تشوف إلا النور ! لذلك انا لو تعبان و مش مركز كويس .. بقلب مراية الصالون و أمسك تاني حارة من اليمين .. و ياكش تولع بقي مبغيرش الحارة حتي لو واحد جه رمي نفسه قدامي .

+999999999999

[MoToRiZeR]

طيب ما فىه طرق سريعه كتير حارتين بس زى طريق وادى النطرون
فلازم تمشى على الشمال لو انت سرعتك عاليه واليمين للبطىء
وموضع انك تمشى فى النص دا معتقدش انه صح لانك كدا هتقفل الطريق بعربيتك

ماهو انا بتكلم نظرياَ .. إنما علي أرض الواقع في مصر البطئ بيمشي عالشمال و الموتوسيكل بيمشي عالرصيف و الناس بتمشي في الحارة اللي في النص و كله شغال يعني !

إنما الصح حتي لو الطريق حارتين بس .. تمشي عاليمين .. و في التخطي تدي إشارة شمال و تعدي و ترجع الحارة اليمين بعد ما تكون شفت العربية اللي عديتها بالكامل في المراية -مش زي الناس اللي هنا بتتخطي و يبقي إكصدام في إكصدام- و تكون متعدتهاش بأكتر من 100 متر يعني متكترش من المشي في الحارة الشمال .. و قانوناَ يمنع علي السيارة اللي بتتخطاها إنها تزود سرعتها أثناء تخطيك لها .. و الحارة الشمال تكون فاااضية دايماَ ا عدا لسيارات الطوارئ زي الإسعاف و خلافه .

الكلام ده طبعاَ للبلاد المحترمة .

إنما في مصر زي ما بتقول التقسيم بيبقي سريع و بطئ .. بطئ ده متعرفش ماشي كام عندك من 60 و 40 لحد الوفاة! و السريع ده برضه لحد ما ربنا يقدره ! من 140 و 160 لحد سرعة الصوت لو يقدر ! مفيش تقسيم للسرعة حسب الحارة و التخطي بالبركة كدة و بارك الله فيما رزق ! واحد ماشي 140 عالشمال عشان شايف إنه سريع يجيله واحد 160 يقلبله نور يقوم مهدي و جي يمين يلبس في واحد كان جي عاليمين علي 120 و يالا بينا .

فا إنت بتبقي مش عارف اللي هيجيلك يتخطاك ده هيبقي جي علي سرعة كام ! لأن مفيش حد أقصي للطريق .. و مفيش قانون .. و مفيش ذوق .. و مفيش دماغ .. لذلك في مصر كل واحد بيعمل اللي يريحه .. يعني اللي بيحب يمشي علي أقصي الشمال علي 40 بيعمل كدة بمنتهي الفخر .. و اللي يحب يمشي 180 علي طريق سرعته 90 بيعمل كدة برضه و كله بيعيش "إذا حالفه الحظ" !

إنما الصح دايماَ تسيب الحارة أقصي الشمال فاضية .. فيه طرق حارتين بس رايح جي ! مفيهاش سريع و بطئ بقي.

[MoToRiZeR]

مكرر

[yahiahelaly]

للاسف فى ناس كتيير أوى مش عارفة النقطة دى

+++1111111111111111111111

[silver_som3a]

خليك علي نفس الهمه ديه يا موتو و ان شاء الله ربنا حيكرم الناس المحترمين اللي زيك

[silver_som3a]

اموت و اعرف الناس اللي بتاخد غرز و كده لو مات لا قدر الله و هو علي السرعه ديه و التصرف ده حيعملو ايه؟ يعني حجتهم حتبقي ايه؟

كام واحد هنا كان يعرف ناس ماتت علي الطريق بسبب الحجات ديه سواء منهم او من غيرهم...

[blazer]

إنما في مصر زي ما بتقول التقسيم بيبقي سريع و بطئ .. بطئ ده متعرفش ماشي كام عندك من 60 و 40 لحد الوفاة! و السريع ده برضه لحد ما ربنا يقدره ! من 140 و 160 لحد سرعة الصوت لو يقدر ! مفيش تقسيم للسرعة حسب الحارة و التخطي بالبركة كدة و بارك الله فيما رزق ! واحد ماشي 140 عالشمال عشان شايف إنه سريع يجيله واحد 160 يقلبله نور يقوم مهدي و جي يمين يلبس في واحد كان جي عاليمين علي 120 و يالا بينا .

تصدق انا لسه كنت الاسبوع اللى فات ماشى فى طريق القاهره- اسكندريه الصحراوى
وفكرت فى الموضوع دا
ان الطريق المفروض متقسم تبقا لان اقصى سرعه 100 كم/ساعه
والناس مش ملتزمه بلموضوع دا الا فى حاله وجود رادار
فبيعملوا الحاره الشمال دى لسرعه كام ؟ 140 ولا 180 ؟ و فوق ال 180
اكتشفت ان تقريباا لناس متعوده ان الحاره الشمال للسرعات فوق ال 130 و اللى بعديها للسرعات من 100-130 و اللى بعديها اقل من كدا
دا تقريبا بعنى

[mo7a_mo7a]

لك الله يا مصر

[homme49]

خليك فى وسط الطريق دائما و لما حد يقلبلك نور تعالى على اليمين و عديه و ارجع تانى للوسط لان لليمين مشاكل و للشمال مشاكل او شوف سواق ميكروباص طاير و طير وراة دا غالبا بيكون حافظ الطريق و خلى بينك و بينو مسافه لا تقل عن30مترعشان لو لبس تبقى انتا فى السليم و اخوك شسش بيش فى السواقه بليل و بعمل كدة

أرجو مراجعة مسافة ال 30 متر خلف أى ميكروباس فى طريق السفر حيث أن تلك المسافة ليست بمسافة آمنه فى السرعات العالية و لا تسمح بسرعة التصرف بشكل سليم

أما بالنسبة للنور المبهر فيمكنك تجربة إرتداء نظارة ذات عدسات أنتى رفلكشن لمنع إنعكاس الضوء المبهر لعينيك