العملاق الصيني قادم لا محالة في صناعة السيارات في كل الأنواع

[Sameh]

جايين جايين فى كل المجالات
المشكلة إن فى الوقت اللى إحنا قاعدين هنا نناقش هل ينجحوا أو لا ينجحوا ، هم بيشتغلوا وهيوصلوا وإحنا هنكون ساعتها برضوا بنتناقش بكل أسف

(إحنا العالم التالت مش المنتدى)

[ouba2]

لن يحدث أن تصبح السيارات الصينية ذات جودة يعتمد عليها

[Single]

كل ما اسمع الجدل حول الصين و التشكيك في كل ما نعرفه و ما لا نعرفه ، أتذكر أول ما نزلت الهيونداي و الدايو ، اظن وقتها كنت بسمع نفس الكلام و استحالة استمرار مثل هذه النوعية السيئة من السيارات في شوارعنا .... مجرد خاطر

[جمال]

كل ما اسمع الجدل حول الصين و التشكيك في كل ما نعرفه و ما لا نعرفه ، أتذكر أول ما نزلت الهيونداي و الدايو ، اظن وقتها كنت بسمع نفس الكلام و استحالة استمرار مثل هذه النوعية السيئة من السيارات في شوارعنا .... مجرد خاطر

ده مش مع الكورى بس , ده من اياك اول نزول اليابانى وكانت الناس خايفة منها و تذم فيها لاننا ايامها كنا لانعرف الا الاوروبى و الامريكى فقط

[citadeldeath]

أعتقد يا جماعة إن السيارات الصيني سيكون لها شأن كبير في المستقبل القريب المنظور، تماماً مثلما قال الجميع عن السيارات اليابانية والكورية أول ظهورها، فالجميع يتذكر ذلك الموديل المغمور تويوتا كراون عام 1957 الذي حطّ على شواطئ كاليفورنيا، وبيع منه ما يقرب من 287 وحدة في عامه الأول بأمريكا، وكُلنا يتذكر ذلك الموديل الهاتشباك إكسيل الذي طُرح في الثمانينيات بأمريكا، وانظروا ما آل إليه صانعيهما "تويوتا" ببلوغها المركز الأول عالمياً، و"هيونداي" الأولى في كوريا وشرائها للعلامة "كيا" الشقيقة. عموماً، يرى جميع المراقبين أن الغزو الصيني يفوق مثيله الياباني والكوري في التوغّل بالأسواق.. ورأيي أنه بحلول 2015 على أقصى تقدير، سنرى الصين قوة لا يُستهان بها في عالم السيارات، فضلاً عن عدم إغفال القوة الهندية التي تكبر يوماً بعد يوم..

[ahmedfd]

أعتقد يا جماعة إن السيارات الصيني سيكون لها شأن كبير في المستقبل القريب المنظور، تماماً مثلما قال الجميع عن السيارات اليابانية والكورية أول ظهورها، فالجميع يتذكر ذلك الموديل المغمور تويوتا كراون عام 1957 الذي حطّ على شواطئ كاليفورنيا، وبيع منه ما يقرب من 287 وحدة في عامه الأول بأمريكا، وكُلنا يتذكر ذلك الموديل الهاتشباك إكسيل الذي طُرح في الثمانينيات بأمريكا، وانظروا ما آل إليه صانعيهما "تويوتا" ببلوغها المركز الأول عالمياً، و"هيونداي" الأولى في كوريا وشرائها للعلامة "كيا" الشقيقة. عموماً، يرى جميع المراقبين أن الغزو الصيني يفوق مثيله الياباني والكوري في التوغّل بالأسواق.. ورأيي أنه بحلول 2015 على أقصى تقدير، سنرى الصين قوة لا يُستهان بها في عالم السيارات، فضلاً عن عدم إغفال القوة الهندية التي تكبر يوماً بعد يوم..

كلام جميل و متفق معاه 100%.
و متأكد إن الصيني بيقفز مش بيخطو خطوات نحو مكانة كبيرة في عالم السيارات و قريباً..
مشكلتي الشخصية مع الصيني نفسية بحته على الأقل دلوقتي.. يعني بعض الماركات الصيني مشيوا في سكة التقليد الساذج اللي بيخلي بعض الناس تقلق منهم.. لو قلنا تقليد شكل و نقل تكنولوجيا زي ما كان اليابانيين و الكوريين بيعملوا reverse engineering زمان يبقى من حق الصينيين يعملوا و مفيش مشكلة .. بس في ماركات بتقلد شكل اللوجو و حتى الإسم.. يعني في ليبيا شفت عربيات نص نقل نسخة بالكربون من التويوتا الهاي لوكس و كان إسمها TOYA AUTO..
يعني بس هيا دي الحاجات اللي تخليك تقلق شوية مع الإعتراف طبعاً بالعربيات المحترمة و المجربة و المصروف عليها زي البريليانس و الشيري A11 و غيرهم.

[Sameh]

هم عاملين زى الترزى بيفصل على قد الفلوس اللى مع الزبون ، إنما عندهم كل حاجة ، هم عملوا مركبة فضاء وأرسلوا بنى آدم للفضاء ، هل ده حصل بجودة منخفضة زى اللى بنشوفها فى المنتجات اللى بتنزل هنا ؟؟

[shankosi]

شوفت في قناة الجزيرة الثقافية برنامج عن صناعة السيارات في الصين والناس دول رغم ان عندهم مستوى المعيشة متدني لفئات ناس كتير إلا إن حياتهم كلها معاناة وتعب والأطفال بيتربوا تربية عسكرية من صغرهم ويمكن ده بسبب المنهج الشيوعي اللي متبعينه

بصراحة يستحقوا الاحترام وعلى الأقل بيحاولوا وكل مجهود إنساني لازم يكون له تقدير بس مع الأسف الكلام ده مبيحصلش هنا

العربيات بتاعتهم وان كانت بجوده رديئة فهي ثمنها متوافق مع جودتها بس التجار في مصر سعروها عالي جداً وعلى ما فهمت ان في سيارات صيني بعد سعرها وشحنها وجمركها وتأمينها ورسومها لا تتجاوز 24 الف جنيه متضمنه كمان مكسب جيد للوكيل او التاجر بس هي في الحقيقة بتتباع بأكتر من خمسين ألف جنيه يكني أكتر من 100% مكسب

طيب لو العربية دي بتتباع بسعرها الحقيقي وقطع غيارها مش محتكرة كان حد تجرأ وقال عليها رديئة؟

بالعكس كنا قلنا عليها جيدة ويمكن ممتازة

لازم نعرف ان المتسبب الحقيقي في فشل العربيات الصيني في مصر هم المصريين وليس الصينيين

زي ما إحنا بنفسنا أفشلنا حجات كثيرة كويسة في حياتنا

[Sameh]

العربيات بتاعتهم وان كانت بجوده رديئة فهي ثمنها متوافق مع جودتها بس التجار في مصر سعروها عالي جداً وعلى ما فهمت ان في سيارات صيني بعد سعرها وشحنها وجمركها وتأمينها ورسومها لا تتجاوز 24 الف جنيه متضمنه كمان مكسب جيد للوكيل او التاجر بس هي في الحقيقة بتتباع بأكتر من خمسين ألف جنيه يكني أكتر من 100% مكسب

طيب لو العربية دي بتتباع بسعرها الحقيقي وقطع غيارها مش محتكرة كان حد تجرأ وقال عليها رديئة؟

بالعكس كنا قلنا عليها جيدة ويمكن ممتازة

لازم نعرف ان المتسبب الحقيقي في فشل العربيات الصيني في مصر هم المصريين وليس الصينيين

هو ده مربط الفرس

[amirhamed]

اعتقد بعد 5 سنوات حتى يتم اثبات كفاءة هذه السيارات في الشورع المصريه