سيارات فودافون...معروضة للبيع بسعر جيد جداً!

[Ahmed Samy]

المشكلة ان أي جناية هاتحصل بالعربية...أول حد هايلبس هو صاحبها الأساسي...لحين إثبات انه باعها فعلاً و لحين ما يجيبوا الشخص اللي إشتراها منه!!!

ولا دي مشكلة

محضر استلام سيارة زي بتاع الإيجار كده

انت طلعت بتشتغل في فودافون انت كمان

[mshamy]

ولا دي مشكلة

محضر استلام سيارة زي بتاع الإيجار كده

تمام يا دوك
انا لما بعت عربيتي السابقة الرخصة كان لسه فيها سنتين وشوية
و عملت للمشتري توكيل

و إقرار إستلام السيارة من ساعة و تاريخ بيعها و بالشهود و بصورة بطاقتة كمان

[karim fathy]

طب ما الواحد بيشوف ناس بجلاليب وصعيدة وركبين بى ام ومرسيدس بس ما بنتريئش عليهم علشان عرفين ان دول جايبنها من فلوسهم لكن احنا مستكترين على الغلابة انهم يكسبو عربية بى ام

[som3aa]

اولا يا جماعة المسابقة صادقة 100% لسبب بسيط , فودافون اشترت العربيات ب 10 مليون بالكتير و فودافون فى سنة 2008 هنا فى مصر كسبانة 2 مليار و 700 مليون يعنى تمن العربيات 0.37% , يعنى تخيل حضرتك صافى دخلك السنة اللى فاتت لو قولنا 60000 الف فى السنة تدفع 222 جنيه نقابل دعاية و يخلوا نص الشعب يتكلموا على الموضوع زى ماحنا قاعدين نتكلم كدا , احسبها بنفسك لو مرتبك 5000 جنيه فى الشهر ممكن تدفع 222 جنيه بسهولة و لا لأ؟؟ فودافون صافى مكسبها فى سنة 2.7 مليار يعنى 10 مليون بالنسبة لهم زى ال 222 جنيه بالنسبالك فعلشان كدا انا متاكد مليار فى المية ان المسابقة حقيقية.

ثانية ليه ابو عمة بيكسب و اللى بيتكلم ب 20000 الف جنيه فى الشهر مبيكسبش , لان فى كام واحد فى مصر بيتكلم ب20000 الف فى الشهر و فى كام مليون ابو عمة؟؟

دا بالنسبة ليه المسابقة حقيقية , محدش يشكك ابدا فى المسابقة الموضوع دا منتهى بالعقل و المنطق.

بعدين اساسا المسابقة كالعادة فتحت مجال للفتى لان احب اوضح ان فودافون مبتبعتش sms للكسبان دى بتكلموا فى التليفون و معظم اللى بيردوا بيفتكروا حد بيهزر معاهم.
بالنسبة للجدل اللى حصل هياخد منى الموضوع وقت لحد مكتب رايى

[silver_som3a]

very high ya som3a

[solid_khaled]

موافقك و ابصم بالعشرين كمان

لا عربيات و لا لبس و لا شكل بيعملوا بني أدم ........

أبويا اللي تعب و شقي و ربانا

رفض يصرف في هجص و عربيات

و فضل راكب ال 128 من سنة 1979 لحد 1999

و ما غيرش الا اما طلع معاش و جابها من مكافئته

هل ده معناه ان ابويا اقل من اللي راكب بي إم؟

لأ ..... أبويا عندي احسن من دول كلهم ...... و احسن من ناس كتييييييييييييير كل همها المنظرة .......

و ابويا رباني و علمني صح ..... لحد ما كبرت و اشتغلت ..... و ركبت عربية من عرقي و غيرتها كمان ....

على فكرة ايام الجامعة ماكانش بيبقى معايا فلوس اركب تاكسي ...... و كنت باتشعبط - حرفيا - في باب الاوتوبيس ..... و كنت باعمل ابونيه في الاوتوبيس .... و اضطر استنى الاوتوبيس ابو ربع جنيه لان الابونيه مش ساري غير فيه ...... و لو كان معايا اتنين جنيه اروح بيهم بالميكروباص رايح راجع يبقى يا سعدي يا هنايا ...... و ده شرف ليا ..... و عمري ما اتكسفت اقول اني باركب اوتوبيس و ميكروباص ....... ممكن دلوقتي واحد يشوفني راكب عربية زيرو بالمنطق ده يقول "الله يرحم ايام ما كان بيتشعبط" ...... بالعكس ..... الايام دي علمتني اقدر النعمة و احمد ربنا بجد ...... و علمتني قيمة النعمة بدل ما اهينها و ابهدلها ...... و علمتني كتير ....... و الحمد لله أولا و أخيرا

ربنا يبارك له ......


يا ترى كان هيبقى ايه شعوري لو فرقع فلوسه في عربيات و مناظر كدابة بدل ما يعلمنا ؟؟؟؟؟


فعلا ........ ال 128 دي تتشرف ان ابويا ركبها ........ مش العكس ........

كلامك جميل جدا وربنا يكرم و يديك على اد تعبك

[Ignition-Kid]

موافقك و ابصم بالعشرين كمان

لا عربيات و لا لبس و لا شكل بيعملوا بني أدم ........

أبويا اللي تعب و شقي و ربانا

رفض يصرف في هجص و عربيات

و فضل راكب ال 128 من سنة 1979 لحد 1999

و ما غيرش الا اما طلع معاش و جابها من مكافئته

هل ده معناه ان ابويا اقل من اللي راكب بي إم؟

لأ ..... أبويا عندي احسن من دول كلهم ...... و احسن من ناس كتييييييييييييير كل همها المنظرة .......

و ابويا رباني و علمني صح ..... لحد ما كبرت و اشتغلت ..... و ركبت عربية من عرقي و غيرتها كمان ....

على فكرة ايام الجامعة ماكانش بيبقى معايا فلوس اركب تاكسي ...... و كنت باتشعبط - حرفيا - في باب الاوتوبيس ..... و كنت باعمل ابونيه في الاوتوبيس .... و اضطر استنى الاوتوبيس ابو ربع جنيه لان الابونيه مش ساري غير فيه ...... و لو كان معايا اتنين جنيه اروح بيهم بالميكروباص رايح راجع يبقى يا سعدي يا هنايا ...... و ده شرف ليا ..... و عمري ما اتكسفت اقول اني باركب اوتوبيس و ميكروباص ....... ممكن دلوقتي واحد يشوفني راكب عربية زيرو بالمنطق ده يقول "الله يرحم ايام ما كان بيتشعبط" ...... بالعكس ..... الايام دي علمتني اقدر النعمة و احمد ربنا بجد ...... و علمتني قيمة النعمة بدل ما اهينها و ابهدلها ...... و علمتني كتير ....... و الحمد لله أولا و أخيرا

ربنا يبارك له ......


يا ترى كان هيبقى ايه شعوري لو فرقع فلوسه في عربيات و مناظر كدابة بدل ما يعلمنا ؟؟؟؟؟


فعلا ........ ال 128 دي تتشرف ان ابويا ركبها ........ مش العكس ........

ٌُ Respect