انا نازل بكرة سوق السيارات ....ادعولى

[sayedmsm2]

انا نازل بكرة سوق السيارات
عايز اشترى عربية ف حدود 42000
غالبا هتكون دايو لانوس
او اكسنت
او بيجو 405
واحتمال فليشيا
على حسب ما الاقى الحالة الجيدة و حدود السعر اللى معايا
ايه رايكم ؟
ماذا تفعل لو كنت مكانى ؟
ولو عندكم نصيحة الرجاء تقديمها
الف شكر للجميع

[أبو عبدالله]

انصحك انك تتريث في الشراء
يعني متكنش مستعجل
وبلاش فيليشيا لأن الدركسيون بتاعها صعب قوي والتكييف كمان
لو لانوس هيبقى كويس اكيد
ولكن تريث ولا تستعجل
وطبعا قبل ده كله الاستخارة ثم الأستخارة ثم الاستخارة لكي ترزق الخير
لأن لا احد يعلمه الا الله فاطلبه منه
وربنا يوفقك لما يحبه ويرضاه ان شاء الله

وخلي الأفضل لك ان العربيه تكون من موديلات ما بعد 2000 افضل

[elgabry1977]

اي عربيه هتستقر عليها لازم ترفعها و تكشف عليها قبل ما تشتريها

[madoo]

خليك فى البيجو او الدايو لانوس
ابعد عن الفيليشا انا سوقتها بجد عذاب مع الدريكسيون والدبرياج تنزل منها ولا كأنك كنت فى خناقه

[mcml_13]

انا شايف تسيبك من الكلام ده و لو عرفت توقع كرستالة يبقى احسن كتييييييييير
و ياريت تبعد عن اللانوس دى بالذات عشان عربية خسارة فيها الفلوس .
انا ركبتها اكتر من مرة و مع ناس كتير و للاسف كل مرة انطباعى عنها بيبقى اسوأ من اللى قبلها
الفليشيا و الاكسنت كويسين شوية بس لو عاوز رأيى انا الاكسيل احسن منهم بكتير خصوصا لو لقيت واحدة 1500 كاملة (باور و تكييف و زجاج كهربا ) تبقى حلوة قوى قوى و هتلاقيها فى حدود السعر ده او اقل كمان (ممكن تخلص على 35 ولا حاجة )
يبقى اقتراحى ليك
1-كريستالة
2- اكسيل
3- اكسنت

[ahmedhilmy]

انا شايف تسيبك من الكلام ده و لو عرفت توقع كرستالة يبقى احسن كتييييييييير
و ياريت تبعد عن اللانوس دى بالذات عشان عربية خسارة فيها الفلوس .
انا ركبتها اكتر من مرة و مع ناس كتير و للاسف كل مرة انطباعى عنها بيبقى اسوأ من اللى قبلها
الفليشيا و الاكسنت كويسين شوية بس لو عاوز رأيى انا الاكسيل احسن منهم بكتير خصوصا لو لقيت واحدة 1500 كاملة (باور و تكييف و زجاج كهربا ) تبقى حلوة قوى قوى و هتلاقيها فى حدود السعر ده او اقل كمان (ممكن تخلص على 35 ولا حاجة )
يبقى اقتراحى ليك
1-كريستالة
2- اكسيل
3- اكسنت

انا رايي كريستالة بس مش هتلاقي حاجة في حدود السعر اللي محدده و بعدين طبعا لانوس اكسنت و اخيرا الاكسيل

[Terrible_DaRsH]

اكسنت فعلا كويسة جدا .

و هيتبقي معاك مبلغ كمان .

[ahmed76]

اول حاجه ماتشتريش من تاجر
واتأكد ان العربيه كانت مع صاحبها سنه ونص على الاقل علشان تتاكد انه مش بيتاجر
تانى حاجه :
بيجو 405
لانوس
بصراحه عربيتين اثبتوا وجودهم فى مصر وان شاء الله هتكون واحده منهم عربيتى القادمه
واللى يقولك غير كده انزل الشارع وشوف كام عربيه ماشيه فى مصر و عاملين ازاى
ربنا معاك وبالتوفيق ان شاء الله

[أبومعاذ]

السوق كله اشتغالات و تجار خد بالك

[OilMan]

زود شويه لو تقدر توقع فيرنا 2004 الكورى تبقى ميه ميه

[eslamrace]

مفيش فى ايدى غير انى اقولك خللى بالكمن التجار وربنا يوفقك وتلاقى اللى بتدور عليه وتكون حاجه تمام

[M.FOUAD]

ابعد عن اي عربية فيها توكيلات حتى لو حاسس انة مش تاجر حاول تشتري من مالك العربية نفسة يعني ابعد عن الوسطاء خالص
لف السوق كلة بعد الصلاة و اختار اللي هيعجبك و متبداش تشتري غير على الساعة 3 كدة هتلاقي الكلام في الاسعار بدا يتغير بالذات مع الناس اللي جايين من الاقاليم لانهم بيكونوا عايزين يبيعوا و متخفش مفيش حاجة هتتباع غير قليل اوي لان السوق نايم خالص و هتشوف بنفسك
لو فية عربية عجبتك متكشفش عنها في البنزينة اللي هناك عشان العمال اللي هناك ماشيين مع الفلوس و انصحك بردة متسجلش في الشهر العقاري اللي هناك احسن حاجة تتفق مع صاحب العربية على ميعاد الكشف في التوكيل مثلا ثاني يوم و تسجل بعد كدة براحتك
متحصرش نفسك في موديل معين يعني مثلا لو لقيت كريستالة حالتها حلوة و ب45 الف مثلا متضيعهاش عشان فرق الفلوس اسال على اغلب العربيات اللي في رانج السعر و بعد كدة فاصل براحتك و متتخضش لو سمعت ارقام فلكية كل دة بيتغير وقت الكلام في الفلوس
و ربنا يوفقك

[robeir]

ليه يا حماعه كل هذا التحذير من التجار !!التجارة فى السيارات ذى اى تجاره فيهل الامين و الغشاش...
وفى تجار فى السوق مش بيشتغلوا غير فى العربيات النظيفه جدا علشان يحافظوا على سمعتهم و فى ناس بتروح لهم مباشرة
و ترتاح من اللف و بتكون مضمونه..المشكله الوحيده ان سعر السياره بيزيد بس مش اكتر من الف جنيه...
و ربنا يوفقك فى عربيه مناسبه...

[Drift_Lover]

انا شايف تسيبك من الكلام ده و لو عرفت توقع كرستالة يبقى احسن كتييييييييير

ازاي كريستاله ب 42000

و ياريت تبعد عن اللانوس دى بالذات عشان عربية خسارة فيها الفلوس .

بصراحة لا تعليق

انا ركبتها اكتر من مرة و مع ناس كتير و للاسف كل مرة انطباعى عنها بيبقى اسوأ من اللى قبلها .

ماعتقدش

الفليشيا و الاكسنت كويسين شوية

ازاي فيليشيا والراجل بينكلم في 42000. دي لو فابريكه بالكامل وماكسرتش ال 100000 كم . بتعمل 32000 جنيه

وأكسنت أيه بالظبط. ماتعومش الراجل في النصيحة. موديل كام و 1300 ولا 1500 وكربراتير ولا انجكشن.

بس لو عاوز رأيى انا الاكسيل احسن منهم بكتير خصوصا لو لقيت واحدة 1500 كاملة (باور و تكييف و زجاج كهربا ) تبقى حلوة قوى قوى و هتلاقيها فى حدود السعر ده او اقل كمان (ممكن تخلص على 35 ولا حاجة ).

ازاي نقارن الاكسيل بالانوس.
.


أخي صاحب السؤال:

بداية ربنا يوفقك. واهم حاجه طبعآ صلاة الاستخارة.

42000 جنيه.

أصعب فئة سعريه للمستعمل ممكن نتكلم فيها. وانا مريت بنفس تجربتك دي.

لو ممكن تزود شويه: من 47 : 52 وتجيب كريستاله.

طبعآ الاكسيل والفيليشيا والاكسنت الكربراتير خارج المنافسه في هذه الفئه السعرية.

الاكسيل : من 26 الي 35 حسب الموديل والكماليات و 1300 ولا 1500

الاكسنت كبراتير: من 32 : 37 لحد موديل 99 وحسب الكماليات والسعه اللترية.

الفيليشيا والكومبي : من 26 : 32 حسب الموديل والحاله طبعآ.

لكن لو بنتكلم في 42000 بالتحديد:
عندك:

1- لانوس 2000 او 2001 كامله مانيوال فابريكه s بالكامل
2- لانوس 2003 هاف (se تكييف وباور) وبرده فابريكه بالكامل.
3- نوبييرا 2001 او 2003 كامله مانيوال.
3- تويوتا كرولا 94 كامله.
4- لانسر بطه وممكن اقل من 42000 بالفين تلاته.


نصيحتي ليك لوجه الله. اللانوس او النوبيرا(اوسع وموتور 1600أقوي). ومش علشان معايا لانوس.

- موديل عالي.
- قطع غيار ببلاش.
- شكل جديد (ودي ازواق).
- سهل التعامل معاها كصيانة.


وصدقني انا كنت في نفس حيرتك وفي حدود مبلغ 40000 ولكن استقريت علي اللانوس.

[akram2010]

لو تقدر تلاقى فيرنا تبقى كسبت. ماكينه 112 حصان على ما اعتقد ودة اقوى قوة حصان فى نطاق 1600 سىسى .اما اللانوس اعتقد 86 حصان فقط على ماكينه 1500 سىسى وفرامل تعبانه وشكلها بيقدم بسرعه وبودى صاجه منفخ مع اى سمكرة بيخلى شكلها اسوء . زجاج خلفى بدون اى سلك رفع تكاثف البخار فى مناطق السواحل زى عربيات زمان .