أنا ورمضان والسواقة

[madoo]

اعتقد ان الموضوع كله تحكمه اخلاق كل شخص لانه مهما اتعصب سواء صايم او لا اكيد عند حدود مش بيتخطاها واللى بيتخطاها مش هيفرق معاه صايم ولا لا وربنا يهدينا جميعا

على فكره انتى كلامك صح وجبتى من الاخر

العمليه عمليه اخلاق وتربيه وادب واحترام ملهاش بقى علاقه برمضان او صيام ماهو ممكن فعلا تشوف خناقه وزعيق الصبح هو بيبقى لسه يلحق يجوع او يعطش
هى عمليه حجج فارغه ويلزقها فى كلمه صايم صايم

[anelkar]

خلاص يا جدعان كل واحد يكتب التهزييئ الي يعجبه في ورقه والي يضايقه يديله الورقه واللهم اني صائم
ولو واحد خبطك ولا حاجه اديله الورق كله

[Terrible_DaRsH]

خلاص يا جدعان كل واحد يكتب التهزييئ الي يعجبه في ورقه والي يضايقه يديله الورقه واللهم اني صائم
ولو واحد خبطك ولا حاجه اديله الورق كله

فكرتنى بالقرموطى .

هو ورقة انتى طالق راحت فين :):)

[mobitic]

أنا كمان أول مرة بمر بتجربة السواقة فى رمضان وعلشان كده أخدت أجازة اسبوعين

[Samah AbdAllah]

ما تقلقيش من زحمة قبل الفطار إن شاء الله مش هتحسى بيها أوى لأن الفطار متأخر جدا الساعة 6:30 بعد تعديل الساعة الأسبوع الجاى إن شاء الله و أقصى شركة بتقعد للساعة 3:00 فمش هيبقى فيه كثافة مرورية عالية قبل المغرب بإذن الله و على فكرة إحنا بقالنا كده سنتين الحمد لله

هم هيغيروا الساعة فى رمضان؟؟؟؟؟؟؟؟؟؟؟

[M.Osman]

هم هيغيروا الساعة فى رمضان؟؟؟؟؟؟؟؟؟؟؟

http://www.nilemotors.net/Nile/89167-21.html

[Samah AbdAllah]

ده بقا تهريج واستهبال بجد
مكنوش عاملوه من الاول مش يغيروه عشان الناس تفطر بدرى ماهى هى هنصوم نفس عدد الساعت بس الفرق نقضيهم نوم

اعتذر لو خرجت عن سياق الموضوع

[ams]

للأسف رمضان اللي فات كنت بشوف يومياَ كمية خناقات بشعة و ناس مش قادرة تمسك نفسها
و كل واحد بينزل يتخانق و يبرر للي قدامه و يقوله "يا عم انا صايم و مش طايق نفسي متعصبنيش!!"
يا عم طالما مش طايق الصيام و حاسه عبء عليك كدة إفطر !! مجوع نفسك عالفاضي .. و هو ده صيام يتقبل
و الله بسمع كمية شتايم غير أي وقت في السنة .. و واحد يمسك واحد ينزل فيه ضرب في وسط الشارع و اما الناس تحوش يقعد يقول اللهم إني صايم !! اللهم إني صايم !!! كدة ضيعتلي صيامي يا إبن ال ........ !!!! و يروح يضربه تاني .

مع خالص إحترامي .. نفاق هذا الشعب يتجلي في رمضان بمنتهي الأسف .

الناس بتقل أدبها علي بعضها الصبح و تقول دعاء الإفطار المغرب .. تسب الدين و العياذ بالله الساعة 5 و تصلي التراويح الساعة 8 .. زي كدة اللي بيقول دعاء السفر و يا رب إحفظني و يطلع يسوق علي 160 .. نفاااااق .. الناس دي متخيلة -أستغفر الله العظيم- إنها ينفع تنصب علي خالقها من كتر الفساد اللي عايشة فيه .

الدين أخلاق .. و الأخلاق لا تتجزأ .

كلام جميل و منطقى
بس انت ليه متكلمتش عن الجزء الايجابى
زى مثلا الناس التى توقفك فى الشارع ساعة الفطار و تفطرك بعصير او بلح او تمر او حتى وجبة كاملة انا مش هنسى ابدا يوم كنت راجع فى المترو و المغرب اذنت لاقيت راجل واقف عالسلم و معاه ميه و عصير و بشوش جدا تحس انه ملاك نازل لك مخصوص هو الراجل ده مش عنده بيت او عيال او طالع عينه فى الشغل او عنده مرض ما او اواو اكيد عنده بس هو اصر يخدمك ابتغاء مرضاة الله

[نور العمر]

كلامكوا تمام .. زي ما في سلبيات في إيجابيات
المهم .. ضبط النفس .. وبلاش نتعصب .. وبلاش نضيع صيامنا
ولو حد خرج عن شعوره معاك فوت انت وحافظ على صيامك

ربنا يلطف .. لإن المدخنين في الصيام بيكونو مش طبيعيين بالمرة
خصوصا المدخنين بشراهة 3 واربع وخمس علب في اليوم

كمان رمضان جي في عز رمض الحر ... رجع لأصله ... هو اسمه رمضان عشان كانت بدايته في عز رمض الحر .. وفيه مرضى مبيستحملوش العطش زي مرضى السكر

حتقولو في رخصة إفطار... كتير من اصحاب الرخصة ما بيهونش عليهم الفطار في رمضان ... زي جدتي ربنا يعطيها الصحة

ربنا يقدرنا على إقامة شهر رمضان إيمانا واحتسابا ليلا ونهارا

وكل سنة وانتو طيبين

[amrico]

كل عام وانتم بخير

[Samah AbdAllah]

كل سنة وانتى طيبة ورمضان كريم عليكى وعلى الامة الاسلامية

واحنا صغيرين اول ما ابتدينا نصوم برضه كان فى الصيف والحر
وان شاء الله رمضان يساعد الناس على ضبط النفس وربنا يهدى الجميع

على فكرة حاولت ابعتلك رسالة خاصة عشان اقولك كل سنة وانتى طيبة لقيتك لغيتى خاصية استقبال الرسائل


ابقى ابعتلى رقم موبايلك عشان اطمن عليكى

كل سنة وانتى طيبة مرة تانية

[amr.elsayed]

للأسف رمضان اللي فات كنت بشوف يومياَ كمية خناقات بشعة و ناس مش قادرة تمسك نفسها
و كل واحد بينزل يتخانق و يبرر للي قدامه و يقوله "يا عم انا صايم و مش طايق نفسي متعصبنيش!!"
يا عم طالما مش طايق الصيام و حاسه عبء عليك كدة إفطر !! مجوع نفسك عالفاضي .. و هو ده صيام يتقبل
و الله بسمع كمية شتايم غير أي وقت في السنة .. و واحد يمسك واحد ينزل فيه ضرب في وسط الشارع و اما الناس تحوش يقعد يقول اللهم إني صايم !! اللهم إني صايم !!! كدة ضيعتلي صيامي يا إبن ال ........ !!!! و يروح يضربه تاني .

مع خالص إحترامي .. نفاق هذا الشعب يتجلي في رمضان بمنتهي الأسف .

الناس بتقل أدبها علي بعضها الصبح و تقول دعاء الإفطار المغرب .. تسب الدين و العياذ بالله الساعة 5 و تصلي التراويح الساعة 8 .. زي كدة اللي بيقول دعاء السفر و يا رب إحفظني و يطلع يسوق علي 160 .. نفاااااق .. الناس دي متخيلة -أستغفر الله العظيم- إنها ينفع تنصب علي خالقها من كتر الفساد اللي عايشة فيه .

الدين أخلاق .. و الأخلاق لا تتجزأ .

متفق مع حضرتك فى كل اللى انت قلتوا انا لسة شايف 3 خناقات ورا بعض
وكلهم بسبب اسباب تافهة كل واحد ينزل من عربيته يقول للتانى
بقولك ايه الواحد صايم متعصبنيش باين عليها موضة ولا ايه
وربنا يعفوا عنا ويرحمنا من النوعية ديه من البشر
وكل سنة وانتم بخير وصحة وسعادة ورمضان كريم

[ابو حسين]

كل عام وانتم بخير

وان شاء الله خير

[D . a .\ AYMAN]

رمضان كريم علينا جميعا وكل سنة وكلكوا طيبين

اعتقد ان الموضوع كله تحكمه اخلاق كل شخص لانه مهما اتعصب سواء صايم او لا اكيد عند حدود مش بيتخطاها واللى بيتخطاها مش هيفرق معاه صايم ولا لا وربنا يهدينا جميعا

انا شايف إن العقل والمنطق بيقول كده ...

وفضلت مقتنع بكدة لمدة طويلة جدا لحد ما مرة قابلت واحد من زملائي في العمل اللى يشوفه في غير رمضان من أدب وذوق وأخلاق وصبر لو شافه في رمضان مش هايعرفه من إسلوبه العصبي جدا ونافد الصبر الى درجة غير طبيعية ... بس برضه بصراحة عمري ماشفته قل أدبه أو أخلاقه على أحد ...

ساعتها بس عرفت إن في ناس فعلا الصوم بيكون مشقة كبيرة جدا عليها وبيأثر فعلا بالسلب على إسلوب حياتها اليومي

ده بقا تهريج واستهبال بجد
مكنوش عاملوه من الاول مش يغيروه عشان الناس تفطر بدرى ماهى هى هنصوم نفس عدد الساعت بس الفرق نقضيهم نوم

اعتذر لو خرجت عن سياق الموضوع

قانون التوقيت الصيفي والشتوي ينص على زيادة عدد الساعات في مصر عن التوقيت الأصلي لها بمقدار ساعة واحدة في القترة من شهر مايو وحتى شهر إكتوبر من كل عام عدا شهر رمضان إذا توافق موعده داخل هذه الفترة

مصر أصلا توقيتها gmt+2 وفي الصيف بيكون gmt+3 ودا أصلا توقيت الرياض في السعودية لكن إحنا بنطبقه لتوفير إستهلاك الكهرباء في فترة الصيف

[most_wanted]

انا مش عارف الناس بتتعصب ليه وهي صايمه مفروض ان الصيام ده بيعلم الصبر وبزود الايمان بالله وخلي الناس تتقي ربنا