ايه اللي انا شفته النهارده ده... لا حول ولا قوة الا بالله.

[Abo_Lina]

الشعب كله مستعجل
على ايه و الله مانا عارف

[Drift_Lover]

هى الحوادث خلاص من كترها عاوزينا نتعود عليها كانها صباح الخير يا مصر

عارفاه طريق دكرنس ده رهيييييييييب
كمية الحوادث اللى بتحصل فيه مالهاش حد ورغم كده مفيش اى تصرف تجاه تحسين الطريق ده او على الاقل كانوا يعملوا طريق موازى له من الناحية التانية وكل واحد فيهم يبقا اتجاه عشان نقلل الحوادث شوية

evoo90
طب تعالوا بصوا على اسباب الحوادث دى غير السرعه هتلاقوا ايه
مطب والراجل فرمل جامد وجه واحد مش شايفه من ورا ولبس فيه او العربيه طوحت واتقلب من على الطب وغيره

والله وكأنكم عارفين اللي حاقوله. بسكوته و إيفو.

يوم الثلاثاء الماضي علي طريق دكرنس محل الدمنه المنصوره. شيخ مقرئ في الاذاعه والتليفزيون من قرية كرم المجاوره لمدينة دكرنس والتابعه لمركز دكرنس.

في اثناء ذهابه للمنصوره (هو مقيم في السعوديه ونازل اجازه شهر) وكان رايح المنصوره هو واولاده وزوجته عازمهم علي العشاء... ويشاء القدر.
شيخنا واخد علي السواقه في السعوديه. وقبل كل مطب علامه وعند المطب عيون قطط او المطب مطلي فسفور. المهم فوجئ بمطب بعد محل الدمنه. الراجل مسك فرامل ومع المفاجأه ماعرفش يلم العربيه. نزل في البحر الصغير الموازي للرصيف.
وتوفاه الله هو وزوجته واولاده.

ربنا يتغمده برحمته.

[Dr Ahmed]

مافيش فايدة فى الوضع الحالى
أطالب باحتلال البلد من انجلترا أو فرنسا أو الصين أو حتى اسرائيل
ساعتها حال البلد (وغالبا حالنا إحنا كمان) هينعدل.

[Terrible_DaRsH]

مافيش فايدة فى الوضع الحالى
أطالب باحتلال البلد من انجلترا أو فرنسا أو الصين أو حتى اسرائيل
ساعتها حال البلد (وغالبا حالنا إحنا كمان) هينعدل.

طب والله العظيم انا نفسي الاستعمار الانجليزى يرجع تانى .

ياخدوا نص البلد ليهم و النص التانى يقوموا بادارته .

ده انا كنت بقرا تاريخ الاستعمار الانجليزى و عمل ايه فى مصر كنت هعيط هعيط هعيط !

دول هما كانوا بيعمروا البلد و المصريين يبهدلوا !

يلاااااا كانت ايام :)

[evoo90]

والله وكأنكم عارفين اللي حاقوله. بسكوته و إيفو.

يوم الثلاثاء الماضي علي طريق دكرنس محل الدمنه المنصوره. شيخ مقرئ في الاذاعه والتليفزيون من قرية كرم المجاوره لمدينة دكرنس والتابعه لمركز دكرنس.

في اثناء ذهابه للمنصوره (هو مقيم في السعوديه ونازل اجازه شهر) وكان رايح المنصوره هو واولاده وزوجته عازمهم علي العشاء... ويشاء القدر.
شيخنا واخد علي السواقه في السعوديه. وقبل كل مطب علامه وعند المطب عيون قطط او المطب مطلي فسفور. المهم فوجئ بمطب بعد محل الدمنه. الراجل مسك فرامل ومع المفاجأه ماعرفش يلم العربيه. نزل في البحر الصغير الموازي للرصيف.
وتوفاه الله هو وزوجته واولاده.

ربنا يتغمده برحمته.

ربنا يرحمهم اكيد زنبهم فى رقبه اللى عامل المطب دى على طريق سريع ومن غير ارشادات

[M.Osman]

كل ده مع بعضه :
- الطرق : من أسوأ طرق العالم و غير أمنة (ظلام دامس - مطبات و حفر - منحنيات خطرة - لا وجود للارشادات أو اللوحات التحذيرية)
- المرور : غير متواجد ألا في لجان الجباية
- السواقين : مابيعرفوش يسوقوا و لا بيعرفوا حاجة عن قوانين المرور (اللي مش موجودة ألا علي الورق) أو قواعد القيادة
- القدر : مالوش دعوة و ماتقولش علي الاهمال و الاستهتار بحياة الناس قدر

واحد Thanks على ما الزرار يرجع

[M.Mekawy]

كنت قابلت واحد اجنبى كدة مرة فى الغردقة و اتعرفنا عليه , المهم انتوا عارفين المصريين , اول سؤال سالتهوله ايه رأيك فى مصر و بتاع , الراجل قعد يشكر , لكن قاللى الطرق عندكم رعب و كان مذبهل من العادة المصرية بعدم تشغيل أنوار السيارات غالبا بالليل , فا قلتله عشان الناس متعملش glare فى وش الناس التانية يقوموا يخبطوا فبعض , قام قاللى اه كده يخبطوا فى بعض و هما مش شايفين أحسن , بصراحة عندو حق
هو كل اللى شافو هو طريقه من مطار الغردقة للقرية , دنيا.....

[most_wanted]

لا حول ولا قوه الا بالله
الواحد من كتر الحوادث الي بيسمع عنها كل يوم ديه بقا يخاف يركب عربيته .............

[نور العمر]

دايما بدين سائقي المقطورات والنقل
بيكونو شاربين ومش نايمين ومتهورين في السواقة

ولو مفيش نقل او مقطورة بيكون بسبب السرعة الجنونية على الطريق

ربنا يحفظنا جميعا من شر الطريق

في التأني السلامة وفي العجلة الندامة

[madoo]

يووووووووه مش هنخلص لو قعدنا ند بس فعلا العيب مش فينا الخليجيين بيسوقوا اسرع مننا ومتهوريين اكتر مننا بس طرقهم محترمه ونضيفه ماتتلوموش السرعه لأنها مش لوحدها هى السبب

عندك حق بس برده متنساش ان 3 ارباع اللى بيسوقوا فى مصر معندوهمش وعى بالطريقه الصح للقياده واحترام الغير واحترام المرور والطريق

والله مره وانا ماشى على القاهره الاسكندريه الزراعى وماشى فى اليمين ببص لاقيت جرار زراعى ماقبلنى الوش فى الوش وشمالى مقفول والله العظيم عملت كيك داون وزنقت نفسى قدام العربيه اللى على شمال والجرار بغرزه مرعبه كنت هموت فيها

[evoo90]

عندك حق بس برده متنساش ان 3 ارباع اللى بيسوقوا فى مصر معندوهمش وعى بالطريقه الصح للقياده واحترام الغير واحترام المرور والطريق

والله مره وانا ماشى على القاهره الاسكندريه الزراعى وماشى فى اليمين ببص لاقيت جرار زراعى ماقبلنى الوش فى الوش وشمالى مقفول والله العظيم عملت كيك داون وزنقت نفسى قدام العربيه اللى على شمال والجرار بغرزه مرعبه كنت هموت فيها

مافكرتش السواق ده ايه اللى يخليه يخش عكس كده ويعرض حياته وحياه غيره للخطر !!!!
حاجه من الاتنين يا اما عايز يوصل بسرعه عشان مافيش سكه على طول توصله للحته اللى هو عايزها او سكه مقفوله اوممكن نقول عيب الطريق او انه غبى بقى ومش هامه حياه الناس التانين
يا أما هو يا اما الطريق

[M.Osman]

عندك حق بس برده متنساش ان 3 ارباع اللى بيسوقوا فى مصر معندوهمش وعى بالطريقه الصح للقياده واحترام الغير واحترام المرور والطريق

والله مره وانا ماشى على القاهره الاسكندريه الزراعى وماشى فى اليمين ببص لاقيت جرار زراعى ماقبلنى الوش فى الوش وشمالى مقفول والله العظيم عملت كيك داون وزنقت نفسى قدام العربيه اللى على شمال والجرار بغرزه مرعبه كنت هموت فيها

طب لما تلاقي جرار زراعى جايلك في الشمااااال في وشك (و مقرب نفسه اوي من الحاجز اللي في النص قال يعني كدا محترم)

انا ساعتها مكنتش بجري بسرعة ..كنت على 90 مثلا ولا حاجة روحت مهدي و واخد يميني
و انا لازق ايدي عالكلاكس .. و يا ريته يفهم!!

و يقولك قانون مرور قال!!
(*.*.*.*.*.*.*....................!!!)

[dabdob86]

عندك حق بس برده متنساش ان 3 ارباع اللى بيسوقوا فى مصر معندوهمش وعى بالطريقه الصح للقياده واحترام الغير واحترام المرور والطريق

مافكرتش السواق ده ايه اللى يخليه يخش عكس كده ويعرض حياته وحياه غيره للخطر !!!!
حاجه من الاتنين يا اما عايز يوصل بسرعه عشان مافيش سكه على طول توصله للحته اللى هو عايزها او سكه مقفوله اوممكن نقول عيب الطريق او انه غبى بقى ومش هامه حياه الناس التانين
يا أما هو يا اما الطريق

طب لما تلاقي جرار زراعى جايلك في الشمااااال في وشك (و مقرب نفسه اوي من الحاجز اللي في النص قال يعني كدا محترم)

انا ساعتها مكنتش بجري بسرعة ..كنت على 90 مثلا ولا حاجة روحت مهدي و واخد يميني
و انا لازق ايدي عالكلاكس .. و يا ريته يفهم!!

و يقولك قانون مرور قال!!
(*.*.*.*.*.*.*....................!!!)

فى اصلا مشكلة كبيرة ان فى ناس كتير مش حاسة يعنى ايه بنى ادم مش حاسة بالنعمة اللى ربنا مديهاله انه يكون عايش اصلا فمش فارقة معاه
و فيه ناس بتعمل الغلط و مش حاسة ان ده غلط اصلا لا ده عادى جدا اللى بيعمله و تيجى تكلمه يقوم داخل فيك شمال
فيه قيم و اخلاق كتير للاسف مفقودة فى جزء كبير من الشعب المصرى للاسف
و ربنا يحفظنا جميعا من الحوادث

[MoToRiZeR]

كنت قابلت واحد اجنبى كدة مرة فى الغردقة و اتعرفنا عليه , المهم انتوا عارفين المصريين , اول سؤال سالتهوله ايه رأيك فى مصر و بتاع , الراجل قعد يشكر , لكن قاللى الطرق عندكم رعب و كان مذبهل من العادة المصرية بعدم تشغيل أنوار السيارات غالبا بالليل , فا قلتله عشان الناس متعملش glare فى وش الناس التانية يقوموا يخبطوا فبعض , قام قاللى اه كده يخبطوا فى بعض و هما مش شايفين أحسن , بصراحة عندو حق
هو كل اللى شافو هو طريقه من مطار الغردقة للقرية , دنيا.....

هههه انا برضه إتعرفت علي واحد مصري بس مولود و عايش في هولندا و أول مرة ييجي مصر فا في وسط الكلام بيقولي القاهرة حلوة بس زحمة و بخاف أعدي الشارع و بخاف من سواقة سواقين التاكسي .. قمت واخده و طالعين عالدائري الساعة 6 المغرب في الشتاء ( مطحنة !!! و بتكون الدنيا ليلت و البقاء للي ربنا يوفقه ) .. في خلال عشر دقائق كان إبتدي يترعش و كان مكلبش في الحزام و حسيت إنه عايز يعيط .. و اما وصلنا أكتوبر و ركنا نزل قعد عالرصيف و قاللي إنت بطل إنك دي حياتك ولسة عايش

[Samir Elshahawy]

أنا في مرة كنت في شغل في بورسعيد و رجعت بالليل و كان معايا زميل من أيطاليا و طول الطريق كان متسمر في الكرسي و كل ما اكلمه ألاقيه يرد بكلمة أو كلمتين أو مايردش علشان مايشغلنيش عن الطريق و اللي كنا شايفينه فيه من بتوع النقل و التوك توك و أول ماوصلنا حدود الرحاب قالي "سمير انا مش مصدق أننا وصلنا , بس بصراحة سواقتك سريعة و بتجاري الطريق لكن أمنة جدا , أشكرك ياصديقي"