يا رتنى ما نزلت سوق السيارات

[sayedmsm2]

الجمعة اللى فاتت نويت اشترى عربية لانوس
اخدت معايا سمكرى ورحت السوق
عربيات كتيييييييييييييير
تجار كتييييييييير
عربيات مشغولة وعربيات متغير فيها حاجات ومحتجات
دوشة وزحمة وغش
وناس بتحلف بالله كدب
واللى يزعل
ان العربيات السليمة هناك قليلة
المهم لقينا عربية لانوس 2000 تكييف وباور بس
ورشة جنبين
شكلها بنت ناس
دا كان راى الاسطى السمكرى اللى معايا
سالنا الراجل بكام قال 46000
طب والاخر
قال 44000
وطب واخر كلام
قال 43500
قلت له اخدها على 42000
الراجل قال لا
المهم قلت للسمكرى تعالى نلف لفة ونرجع له كمان ساعة كده
لفينا ولا عربية مناسبة لقيناها
لانى بدور على لانوس فى حدود43000
والموديلات العالية سعرها اعلى من كده
المهم قررت ارجع للراجل وهو بالمناسبة تاجر من الفيوم
ورجعت
لقيت العربية اتباعت
بكام ب 43000
المهم الواحد زعل طبعا
قررت اروح
وروحت فعلا
اكتر من 5 ساعات ف عز الحر والشمس والجدل وحرقة الدم
وخلاص توبة نزول السوق
وهدور على عربية بيتى م الوسيط
ولا اى موقع لبيع السيارات
ولا بلاش مش عايز عربيات
ماله المترو والاتوبيس
ماله الموتو رجل
ولو حد فيكم يعرف حد عنده لانوس بيتى ف الحدود اللى معايا يقول لى
او حتى اكسنت او اكسيل
ولو حد فكر يروح السوق يشترى او يبيع
لازم يفكر بدل المرة الف مرة

[samirayad]

بصراحه عندك حق
أنا روحت سوق العاشر حوالى 5 مرات
ومن اللى شوفته وعدم أقتناعى
قررت مجبش الا زيرو .....وقعدت سنتين من غير عربيه على ماجبت اللى معايا

[M.FOUAD]

اصبر حضرتك مش من اول مرة روح تاني جايز تلاقي حد جاد في البيع لحد ما تلاقي في الوسيط او اعلانات النت

[moudy88]

حضرتك متستعجلش والعربيه اللي من نصيبك ومكتوبالك هتتجيلك لحد عندك ... لو عايز عربيه بيتي ومش من تاجر عليك وعلى الوسيط ..انا اشتريت عربيتي عن طريقه ومن ولاد ناس ومحترمين جدا...والسبب لان الاعلان في الوسيط بيتكلف 150 جنيه ومش ممكن التاجر يعمل اعلان بالمبلغ ده ...وممكن تدور عالنت في car100100 و contactcar وmasrawy هتلاقي عربيات كتير

[A_H_M_A_D]

انا لما جيت أشتري نزلت السوق 3 مرات و ملقتش اللي أنا عايزه
و فعلا الغش هناك كتيرا جدا
وفي الاخر إشتريت من إعلانات الوسيط

[Terrible_DaRsH]

بلاااااااااش عربيات الوسيط نهائي و عن تجربة .

تشوف كلام فى الجريدة و تروح تلاقى كلام تانى خالص .

كنت شفت عربيه فيه مرة مكتوب فيها طقم صوت و زينون و جنوط سبور , بصراحة حسيت انى رايح اشوف 320 i .

رحت لاقيت كاسيت زبالة و سماعات صينى و حلة مرمية ورا و لمض تعبانة مسميها زينون و جنوط مستعملة حاجة قرف بجد رحت شاتم صاحب العربية و قلت له راعى ضميرك يا اخى تخلينا ندب المشوار ده كله على كلامك !

و ليا تجارب اصدقاء كتيرة جدا مع الوسيط فنصيحة ابعد عنه و ان شاء الله ربنا كاتب لك حاجة احسن بس مش وقتها .

[Haitham10]

حرص من عربيات النت لان 90% منها هما الي كانو في السوق وغالبا مع تجار وسماسره وفيها شغل نصب....

[eslamrace]

بص رايي تصبر لحد متلاقى حد محترم عايز يبيع من غير غش وده هياخد وقت انت وحظك لو مستعجل ممكن تاخد فكره من الموقع ده
انا مجربتوش قبل كده فى الشراء بس لو حابب تعرف المبلغ اللى معاك يجيب ايه
Car100100 - Used Cars - سيارات مستعملة

واتمنالك انك تلاقى ما تريد لانى حاسس بيك لما حبيت اغير عربيتى واجيب البرايد وبالمناسبه فكر فى الكيا البرايد لانها عربيه محترمه انا معايا اوتوماتيك مو2000 كنت جايبها ب37500 بس فول ابشن

وانا تحت امرك فى اى استفسار

[magyver]

ربنا يوفقك

[amrico]

اللي بيحلف كذب عشان يبيع عربية ايه نوع الإيمان اللي في قلبه
دا غير اللي بيحلفوا بالطلاق وعايش مع اهل بيته في الحرام
انا بطلت اقول للناس دي اتقوا الله لأن الله عز وجل ملوش مكان في حياتهم
يا راجل بيتهيألي حتى كفار قريش كانوا بالرغم من كفرهم عندهم اخلاقيات العرب والشهامة، معظم الناس اللي في المناطق دي بقوا العن من كفار قريش

[ابوهاشم]

ربنا يوفقك وتلاقى اللى انت عاوزه

[madoo]

للي بيحلف كذب عشان يبيع عربية ايه نوع الإيمان اللي في قلبه
دا غير اللي بيحلفوا بالطلاق وعايش مع اهل بيته في الحرام

معاك فى دى انها حاجه تخنق وتضايق

انا بطلت اقول للناس دي اتقوا الله لأن الله عز وجل ملوش مكان في حياتهم

ومش معاك فى دى

[Busquets]

بلاااااااااش عربيات الوسيط نهائي و عن تجربة .

تشوف كلام فى الجريدة و تروح تلاقى كلام تانى خالص .

كنت شفت عربيه فيه مرة مكتوب فيها طقم صوت و زينون و جنوط سبور , بصراحة حسيت انى رايح اشوف 320 i .

رحت لاقيت كاسيت زبالة و سماعات صينى و حلة مرمية ورا و لمض تعبانة مسميها زينون و جنوط مستعملة حاجة قرف بجد رحت شاتم صاحب العربية و قلت له راعى ضميرك يا اخى تخلينا ندب المشوار ده كله على كلامك !

و ليا تجارب اصدقاء كتيرة جدا مع الوسيط فنصيحة ابعد عنه و ان شاء الله ربنا كاتب لك حاجة احسن بس مش وقتها .

على فكره مش شرط

انا مشترى عربية جوليت روعة من 4 سنين عن طريق الوسيط

وفعلاً زى ما كتب لقيت العربية لذا مش شرط تجربة واحدة تحكم على امر ما

[kh_talaat]

أنصحك نصيحة لوجه الله تعالى

أبعد عن سوق العاشر دة خالص

أولا
99 في المية منه تجار وبيغالوا في أسعار عربياتهم جدا وعلى فكره لانوس 2000 هاف أوبشن ب43 ألف دي مش لقطه خالص انت بالسعر دة ممكن على الأقل تجيبها كامله فول اوبشن

ثانيا
العربيات اللي في السوق معظمها بيبقى ملعوب فيها يعني مثلا انا كنت مره كنت بشتري من السوق عربية فيرنا عاملة 15 ألف كيلو فقط واكتشفت في آخر لحظة انها جايبة شاسيه تخيييييييل !!!!

دة غير ان فيه ناس كتير بتقول والله اعلم ان فيه عربيات هناك بتوكيلات مزوره يعني هتروح المرور تنقل ملكية هتلاقي نفسك لابس في الحيط

ثالثا
أي عربية هاتشوفها في السوق حتى لو معاك سمكري هتحتاج تروح تكشف على قوة الموتور في البنزينة وترفع العربية

وطبعا صاحب العربية هيقولك ادفع مقدم ربط كلام عشان انت هتخرجني من السوق وطبعا هتدفعله ولو كشفت على العربية ومعجبتكش مش هيرضى يديك ولا مليم

بعكس لو رحت شفت عربية من اعلان مثلا هتروح تتفرج وتكشف وممكن كمان تتفق مع صاحبها وتروح تكشف في التوكيل ودة صدقني أضمن حاجه لأن مهما كانت العربية ما بيبانش مشاكلها من الكشف العادي ، التوكيل مثلا بيفك الأربع عجلات ويشوف الطنابير والعفشه والشاسية

بس فعلا لو عربية حد معرفه هيبقى احسن كتير وربنا يوفقك في شراء عربية مناسبة وآسف للإطاله

[Sharky]

سوق العاشر بيبقى معظمهم تجار

خليك احسن فى الوسيط أو جريدة الاهرام يوم الجمعة