محتاج مساعدة

[أبو إياد]

بس يا باشا انا عملت الموضوع دة قبلك واول ما عملتة كل زميلى قلدونى وجابو ا عربيات وودوها شركات
العربيات اللى مشيا فى الايجار هى اللا نسر والكورولا والنترا ويفضل الكل اتوماتيك
الكلام دة كله حصل فى سنة 2007
نبتدى نشوف ايه اللى حصلنا كلنا
اولا انا بعد 6 شهور العربيه لبست فى مقطورة وجابت نص والتامين كهنا وقعدت سنة علشان اخد فلوسى والبنك مش راضى يوقف القسط اه نسيت اقولك ان عربيتى كانت فى شركة وفلوسها فى الشهر كانت 3300 جنيه
ثانيا واحد من زميلى قال اجر افراد علشان بتجيب فلوس حلوة هو قال جبتلى اول شهر 5500 جنية تانى شهر العربية دخلت فى حيطة واتصلحت ومتطلعتشى زى الاول ومحدش رضى يخدها منه ولا شركة ولا مكاتب ايجار ولبس فى قسطها
ثالثا زميلى التالت سلمها لمكتب ايجار افراد واحد من اللى اجرها تاجر مخدارات وراح يسلم بيها بضاعة ولما حس انه هيتمسك ساب العربيه وجرى ومعرفوش يطلعوها من القسم الا بعد 3 شهور غير اللى اتصرف فى المحاماة والرش وانتا فاهم الباقى ولما طلعت اتقلبت من كل حاجة فيها من تكيف لستبن لكنترول عربية لكاسيت حاجات كدة مجملها فى 15 الف جنيه
رابعا ابن خالتى سلمها لمكتب نصب عليه لا عاوز يديله العربيه ولا عاوز يديله فلوس الايجار لغايه معملنا فيلم عليه وخدنا العربيه منه والفلوس عليه العوض فيها لغايه دلوقتى وحلف مايجرها تانى
على فكرة انا مش بقولك الكلام دة علشان اعقدك لا والله كل اللى حصل دة حقايق وقدام عنيا
لاسباب ليه مسئلتش نفسك سوال وقلت ليه الشركة بتاجر بعقود سنتين وتلات سنين وتدفع مبالغ تلات واربع الاف وهيا ممكن تشتريها وبدل متدفع ايجار تدفع اقساط تحب اقولك ليه
لان كل اللى بيسلموه عربية وهو عارف انها مش بتعتوة بتاعت الشركة بيبهدل فيها ومش هما ايه اللى يحصل فيها
واللى بياجر افراد لاما تكون شباب عاوزا تروش بعربية وبنات لاما واحد عاوز يعمل بيها حاجة مشبوها ونادر قوى لما يكون فى واحد محترم عاوز ياجر عربية يعمل بيها مصالح شغل
صدقنى الموضوع دة خطر قوى والكل بيزغلل عينة فلوسه الكتير وميعرفشى اضرارة
وطبعا اكيد بتقول زى مااحنا كنا بنقول فى الاول اى حاجة هتحصل للعربيه التامين هيشلها
التامين لو عرف انك ماجرها بيسقط حقك فى التامين
انا بس قولتلك اللى بيحصل ولو عاوز اى استفسار اسئل وانا تحت امرك

ايه اللى انتوا كنتوا عايشين فيه ده ع العموم الحمد لله على كل شىء

بص ياباشا انا واحد من الناس كان ربنا كرمنى وكان عندى مكتبين ايجار سيارات فى القاهره والغردقه
وبفضل لله مافيش حاجه حصلت من الكلام ده معايا لمده 3 سنوات قبل ما ابعد عن المجال ده لظروف خاصه
بس يكفينى دعوات اصحاب السيارات اللى كانت عندى وكنت باعامل العربيات على اساس انها بتاعتى من المميزات اللى كانت موجوده عندى هو ان مافيش اى شخص مصرى ياخد العربيه بدون سائق وبدون زعل كان يفضل عدم التعامل مع اشخاص لم يسبق التعامل معها وبالنسبه لتعاملى كان مع شركات ليموزين بتحتاج مساندتى من السيارات الملاكى وكان تعاملها كله بالسائقين

النتيجه الحمد لله العربيه الوحيده اللى اترشت بالكامل كانت لانسر بسبب حادث مع شخص مصرى
عربيه كرولا بعد سنتين فابريقه بالكامل عدا باب واكصدام
عربيتين لانسر ونوبيرا رشه جانبين
لانوس اكصدامين
بروتون جانبين
والحمد لله مافيش حوادث غير العربيه اللانسر الفقريه بتاعه واحد ربنا يسامحه (صاحبها)
وواحده لانسر اتخبطت فى الشنطه
عربياتى الاتنين كانوا رشين اكصدامين
المخالفات اكتر مخالفات كانت بتيجى 700ج
صاحب تويوتا كان بيستغرب بعد مرور عام والمخالفات كانت 33ج الكلام ده فى 2006

بص هى بتكون حظوظ وتسامح والاهم مايكونش فى غش ولا نصب
من عيوبى بقا انى كنت باخد العربيات من ناس معارف فقط ويكون فى توكيل اداره
وكنت باخد العربيات باسعر رخيصه
فى 2007 الاسعار ولمده سنه
لانسر 2800
كورولا 3000
نوبيرا 2000
لانوس او ويرا او فيرنا 1800

بس بفضل الله مافيش مره تعذرت عن السداد وماكنتش بهين العربيات وسعرها كان بيخلينى اختار العميل اللى يركب عربيتى

[alisleman]

ايه اللى انتوا كنتوا عايشين فيه ده ع العموم الحمد لله على كل شىء

بص ياباشا انا واحد من الناس كان ربنا كرمنى وكان عندى مكتبين ايجار سيارات فى القاهره والغردقه
وبفضل لله مافيش حاجه حصلت من الكلام ده معايا لمده 3 سنوات قبل ما ابعد عن المجال ده لظروف خاصه
بس يكفينى دعوات اصحاب السيارات اللى كانت عندى وكنت باعامل العربيات على اساس انها بتاعتى من المميزات اللى كانت موجوده عندى هو ان مافيش اى شخص مصرى ياخد العربيه بدون سائق وبدون زعل كان يفضل عدم التعامل مع اشخاص لم يسبق التعامل معها وبالنسبه لتعاملى كان مع شركات ليموزين بتحتاج مساندتى من السيارات الملاكى وكان تعاملها كله بالسائقين

النتيجه الحمد لله العربيه الوحيده اللى اترشت بالكامل كانت لانسر بسبب حادث مع شخص مصرى
عربيه كرولا بعد سنتين فابريقه بالكامل عدا باب واكصدام
عربيتين لانسر ونوبيرا رشه جانبين
لانوس اكصدامين
بروتون جانبين
والحمد لله مافيش حوادث غير العربيه اللانسر الفقريه بتاعه واحد ربنا يسامحه (صاحبها)
وواحده لانسر اتخبطت فى الشنطه
عربياتى الاتنين كانوا رشين اكصدامين
المخالفات اكتر مخالفات كانت بتيجى 700ج
صاحب تويوتا كان بيستغرب بعد مرور عام والمخالفات كانت 33ج الكلام ده فى 2006

بص هى بتكون حظوظ وتسامح والاهم مايكونش فى غش ولا نصب
من عيوبى بقا انى كنت باخد العربيات من ناس معارف فقط ويكون فى توكيل اداره
وكنت باخد العربيات باسعر رخيصه
فى 2007 الاسعار ولمده سنه
لانسر 2800
كورولا 3000
نوبيرا 2000
لانوس او ويرا او فيرنا 1800

بس بفضل الله مافيش مره تعذرت عن السداد وماكنتش بهين العربيات وسعرها كان بيخلينى اختار العميل اللى يركب عربيتى

الوقت اللى اجرنا فيه كان كله بيشترى علشان باجر عربياته وكان المكاتب بتتامر علينا من كتر العربيات
عارف اسلم حل ان تقود ملكك تأجرها وانتا سائقها فقط

[M.FOUAD]

لانسر بومة مطلوبة في الايجار او صني

[mechanician]

موضوع عايز رايكم فية

السلام عليكم ورحمة الله وبركاتة

اخواني في المنتدي كنت عايز اخد رايكم انا معايا 150 الف جنية وبصراحة عايز اشتري عربية و ائجرها ومعايا السواق بتاعها الي انا ضامنة يعني العربية بسواقها فهل اقدم علي الموضع دة وهل هوا مربح

وهل فعلا المعارض بتاجر ودا لاني بصراحة مش عارف حاجة واشتري اية

ارجو المساعدة

[eslamrace]

هو الموضوع مربح بس للاسف مشاكله كتير ارجوك فكر كثيرا قبل ان تتخذ قرارك وان كان هذا رايي وانتظر باقى الاراء من باقى الاعضاء

[alisleman]

http://www.nilemotors.net/Nile/90138-a.html

دة موضوع كنا اكلمنا فيه خش وشوفه

[Samah AbdAllah]

هو الموضوع مربح وبالنسبة لسيياسة غالبية مكاتب تاجير السيارات فهم بياخدوا منك العربية سنة او اتنين بالكتير وبعد كده بيستبدلوها بموديل السنة ده على حد علمى

[أحمد كمال]

بلاش معارض

محدش قلبه على عربيتك زيك

من الاخر

و بعدين هات عربيتين مش عربية ب 150

و شغلهم

يعني مثلا هات 2 أفيو أو لانسر و فيرنا مثلا

[zanativich]

أنا ممكن أخش معك في الموضوع دة

[mechanician]

انت معاك اية يا زناتي وموديل كام

[mechanician]

انا حاسس اني في دنيا عصابات

[Ahmed Selim]

http://www.nilemotors.net/nile/90138-a.html

دة موضوع كنا اكلمنا فيه خش وشوفه

هو العضو نفسه صاحب الموضوع التانى :)

بلاش معارض

محدش قلبه على عربيتك زيك

من الاخر

و بعدين هات عربيتين مش عربية ب 150

و شغلهم

يعني مثلا هات 2 أفيو أو لانسر و فيرنا مثلا

+1111111111111111111

[the-hero]

دور على شركات سياحة او بترول بعقد 3 سنين

[Samir Elshahawy]

الموضوع ده مربح جدا و لكن بشروط :
- العربية تكون كاش مش قسط علشان الدخل يكون لك مش للبنك
- اللي هايأجر من العربية يكون مضمون و ياريت لو معارف علشان تحافظ علي عربيتك و ماتخسرش مكسبك منها في أصلاحات

[WalidAdel]

انا حاسس اني في دنيا عصابات

فعلا بس اي مشرووع فيييه الحاجات الكويسه و الحاجات الوحشه و هيا بتبقي مسالة نصيييييب

انا جاري مثلا اتري ايام الجيش ماكان منزل العربيات اللانسر قسط و ماجرها و دلوقتي بسم الله ماشاء الله خلص اقساطها و جاب جيتا 2009 ماجرها مع نفس المكتب بس تقريبا صاحب المكتب دا صاحبه اوي و بياجر لفنادق بس و بالسواق سياح يعني فالعمليه مضمونه

اهم حاجه في المشروع تعرف ازاي توظف فلوسك صح علشان تجيبلك دخل كويس و تكون المخاطر قليله بردوا
وربنا يسترها مع الجميع ان شاء الله