هل منتدانا العزيز ملىء بعملاء و جواسيس التوكيلات؟؟

[hossam_elwani]

هل منتدانا العزيز ملىء بعملاء و جواسيس التوكيلات؟؟

انا ملاحظ فى بعض او اغلب اقسام المنتدى فى اعضاء جدد(عضو جديد) بيشاركو مشاركات ضد عربيات بعينها ويكتبلك تجربه مريره مع العربية ويطلعها خردة متنفعش تتركب ويشوشو على افكار الاعضاء المقبلين على الشراء بمعلومات مغلوطة لمصالح وكلائهم فا الحذر كل الحذر من هؤلاء مش كل الى يتسمع او يتقرأ يتصدق

مع تحياتى..........

[badblood]

ممكن ليه لأ

[mada121977]

المنتدى كمان ملىء بتجار السيارات اللى بيحترفوا وظيفه بخس الاسعار للسيارات المعروضه للبيع

[bemocarlo]

برده ليه لا!!!!!!!!!!!!!!!!!
bemo,ire

[محمد محمد]

فعلا انا ملاحظ ان فيه اعضاء ببظهروا بظهور الموديلات الجديدة يفضلوا يقيموا العربية اما بالسلب واما بالأيجاب بعد كدة مشاراكتهم بتنقطع.

[Bob2009]

انا هتكلم فى حاجه مهمه اوى اوى اوى

ليه احنا دايما بنمشى زى ما الناس تقول يعنى نقول لفلان ايه رايك فى كذا نفسى افهم ليه والى يغيظ ليه اصلا اسمع كلام حده

ياجماعه العربيات بالمنيول بتاعها يعنى الى بيشترى عربيه او مقدم على الشراء يتفضل ينزل المعرض او الشركه الى يكون مرتاح ليها وهناك يفتح المانيول بتاع كل عربيه ويشوف الى يناسب احتياجه وفى نفس الوقت امكانياته ويعمل مقارنه بين كل عربيه والتانيه وهكذا وفى الاخر فعلان هيطلع بالعربيه الى هو كان بيحلم بيها انما اسمع لكلام ده وده وناس تقول ده جميل وناس تقول لا ده مش اد كده على ايه وليه اصلا باخد راى الناس طالما انا مقتنع بحاجه معينه.

وفى الاخر كل العربيات الحديثه النهرده بتتصلح لازم فى التوكيل يعنى الموضوع بقى كله زى بعضه النهرده

عموما انا شايف ان اصلا الشعب المصرى بيحب اوى حاجه اسمها ده قال وده عاد حتى فى الحياه الاجتماعيه والبيت والشوغل فى الحياه كلها مش عارف ليه احنا شعب مش بيحب يقطع الشك على طول يعنى مثال انا سمعت ان العربيه الفلانيه دى فيها كذا وكذا طيب ليه اصدق مجرد كلام طيب ما اشوف بعينى ممكن انزل اسئل فى التوكيل ممكن اعمل 100 حاجه على شان اعرف الصح من الغلط

واخيرا ياريت مش كل كلمه نصدق ونجرى وراء كلمه احينا صح واحينا غلط

[magyver]

انا هتكلم فى حاجه مهمه اوى اوى اوى

ليه احنا دايما بنمشى زى ما الناس تقول يعنى نقول لفلان ايه رايك فى كذا نفسى افهم ليه والى يغيظ ليه اصلا اسمع كلام حده

ياجماعه العربيات بالمنيول بتاعها يعنى الى بيشترى عربيه او مقدم على الشراء يتفضل ينزل المعرض او الشركه الى يكون مرتاح ليها وهناك يفتح المانيول بتاع كل عربيه ويشوف الى يناسب احتياجه وفى نفس الوقت امكانياته ويعمل مقارنه بين كل عربيه والتانيه وهكذا وفى الاخر فعلان هيطلع بالعربيه الى هو كان بيحلم بيها انما اسمع لكلام ده وده وناس تقول ده جميل وناس تقول لا ده مش اد كده على ايه وليه اصلا باخد راى الناس طالما انا مقتنع بحاجه معينه.

وفى الاخر كل العربيات الحديثه النهرده بتتصلح لازم فى التوكيل يعنى الموضوع بقى كله زى بعضه النهرده

عموما انا شايف ان اصلا الشعب المصرى بيحب اوى حاجه اسمها ده قال وده عاد حتى فى الحياه الاجتماعيه والبيت والشوغل فى الحياه كلها مش عارف ليه احنا شعب مش بيحب يقطع الشك على طول يعنى مثال انا سمعت ان العربيه الفلانيه دى فيها كذا وكذا طيب ليه اصدق مجرد كلام طيب ما اشوف بعينى ممكن انزل اسئل فى التوكيل ممكن اعمل 100 حاجه على شان اعرف الصح من الغلط

واخيرا ياريت مش كل كلمه نصدق ونجرى وراء كلمه احينا صح واحينا غلط

]udf

هو دة عيب الشعب المصري بس مايمنعشي في السواال من الي جرب

[amr.elsayed]

انا عن نفسى بعد فترة من دخولى للمنتدى بقيت بفهم مين اللى بيقول
كلام مقنع ومفيد ومين اللى بينحاز لعربيته او بينحاز لتوكيل ما
واكبر مثال لينا كان الاستاذ الموقوف حاليا من ادارة المنتدى
استاذ اك.. هيونداى
ولازم كلنا نكافح النوعية ديه لانها غير مفيدة فى منتدانا اللى فيه ناس
كتيرة معندهاش خبرة كبيرة فى العربيات زى حالاتى كدة وممكن تاخد
معلومات غلط من ناس زى ديه
وشكرا لصاحب الموضوع لانه موضوع مهم جدا
وكل سنه وانتم طيبين جميعا ورمضان كريم

[SeiffoZ]

مؤكد ...

و لينا كمان ناس فى التوكيلات ...

[mostafabakry]

شئ اكيد طبعا
بس برده فيه ناس كتير جدا فاهمه في التخصص دا عن علم و خبرة و ما بيدخروش اي جهد او معلومة ممكن تساعد الناس سواء في حل مشكلة ما او او ابداء ارائهم بحيادية تامة دون تحيز لحد
و هي دي ميزة منتدانا الحبيب عن اي مكان تاني

[Lion_Heart]

كان فى احد الاشخاص بيعمل لصالح هيونداى و يشكر و يمجد فيها و فى اى موديل من موديلاتها و يبخس باى ماركة او موديل اخر , و بصراحة اخونا محمد ممدوح كان بيعمل معاه احلى واجب و عمله احلى شهرة بالمنتدى .

[احمدعبدالعزيز]

المنتدى كمان ملىء بتجار السيارات اللى بيحترفوا وظيفه بخس الاسعار للسيارات المعروضه للبيع

كلام مظبوط 100%انا طلبة من احد الاعضاء المتولين تقيم سيارات المستعمله تقيم سيارتى بخس بتمنها الارض وللاسف معظم الاعضاء مصدقه الارقم العجيبه اللى بيكتبها !!!!!!!!!!!

[alisleman]

الكلام دة انا قلته من زمان ومحدش صدقنى

[Sharky]

فعلا فيه ناس كده فى المنتدى

و لازم الأعضاء تساعد الإدارة عن الكشف عن الناس دى عن طرق عمل تقارير مشاركة بمواضيعهم علشان يبقوا تحت عين الإدارة و تطردهم بره المنتدى زى ما حصل لعضوين قبل كده

[eslamrace]

احتمال والله بس اكيد دول قله المنتدى فيه ناس محترمين كتيييييييييييييييييييييييييييييييييييييييير يمكن الثقه فيهم وفى كل ما يقال عن لسانهم
اما الاقليه اللى الموضوع بيتكلم عنهم فاكيد بيبان من الكلام مين عايز يخدم ومين داخل بس لمصلحه جهه محدده

واتمنى من الاداره لو تاكد ان فى حد داخل المنتدى يهدف لمصلحه شخصيه يتم تحذيره عشان يفهم انه معروف ايه اللى بيعمله


وشكرا على موضوعك الهايل ده