والله عمرنا ما هنتقدم

[blazer]

كلامك صح 100%
الديفندرز دى اكنت هتتسبب فى موت واحد صديق لى
كان بيعدى الشارع فى منطقه اضائتها ضعيفه
راح واحد راكب عربيه خبطه لان الباشا كان طافى انواع العربيه
بعد اما صديقى اتخبط قام وقف وراح قاعد على الرصيف لانه خاف ان عربيه تانيه تيجى تكمل عليه
البشا شاف صاحبى بيتحرك ولسه فيه الروح راح طلع يجرى وسابه
الناس اتلمت وودوه المستشفى والنتيج
كدمات متفرقه فى الجزء الاعلى من الجسم مع وجود 3 قطوع فى الكبد
و تجمعات دمويه منهم تجمع دموى كان خافى كليه من الكليتين
انا صاحبى دا الدكاتره بيقلو ليه احمد ربنا انك لسه عايش
و الاقى ناس خايفه على كشافين و اكصدام عشان كدا مركبين ديفيندر
يا ساده الديفندر دا مصرح فقط ليه فى الاماكن اللى ممكن الحيوانات فيها تعترض طريقك
زى بعض الاماكن فى المملكه العربيه المحترمه السعوديه والدول الاوربيه اللى قريبه من الغابات
عاوز اسالكم سؤال فيه حد شاف فى اى دوله اوربيه حد مركب ديفندر فى المدن
طب بلاش و هو بيتفرج على اى فيلم اجنبى شاف عربيه مركبه ديفندر

[أحمد كمال]

كلامك صح 100%
الديفندرز دى اكنت هتتسبب فى موت واحد صديق لى
كان بيعدى الشارع فى منطقه اضائتها ضعيفه
راح واحد راكب عربيه خبطه لان الباشا كان طافى انواع العربيه
بعد اما صديقى اتخبط قام وقف وراح قاعد على الرصيف لانه خاف ان عربيه تانيه تيجى تكمل عليه
البشا شاف صاحبى بيتحرك ولسه فيه الروح راح طلع يجرى وسابه
الناس اتلمت وودوه المستشفى والنتيج
كدمات متفرقه فى الجزء الاعلى من الجسم مع وجود 3 قطوع فى الكبد
و تجمعات دمويه منهم تجمع دموى كان خافى كليه من الكليتين
انا صاحبى دا الدكاتره بيقلولا احمد ربنا انك لسه عايش
و الاقى ناس خايفه على كشافين و اكصدام عشان كدا مركبين ديفيندر
يا ساده الديفندر دا مصرخ فقط ليه فى الاماكن اللى ممكن الحيوانات فيها تعترض طريقك
زى بعض الاماكن فى المملكه العربيه المحترمه السعوديه والدول الاوربيه اللى قريبه من الغابات
عاوز اسالكم سؤال فيه حد شاف فى اى دوله اوربيه حد مركب ديفندر فى المدن
طب بلاش و هو بيتفرج على اى فيلم اجنبى شاف عربيه مركبه ديفندر

الحمد لله على سلامته .... كويس ان العربية ما داستش عليه

[ConDoR]

انا شايف ان موضوعك فعلا قال كلام كتير كنت حابب اني اتكلم فيه لاني لاحظت ناس كتير هنا في المنتدى او بره المنتدى بتزعل لما تاخد مخالفه حزام او زينون او فاميه او استيكرات او اي شئ مخالف للمرور وبنزعل اوي لما نشوف واحد عامل حاجه غلط وبيعدي واحنا مش بنعدي زيه

بس يا فندم انا كنت عاوز اقول حاجه انا لما طلعت الرخصه من مدرسه السواقه طلعتها بالفلوس بدون اي اختبارات ولا اي حاجه دفعت فلوس ورحت استلمت الرخصه ومش انا بس كان معايا ناس كتير اوي فيها حتى اللي مش مؤهلين للسواقه ولا يعرفو معنى كلمه سواقه

ناس كتير اوي بتاخد كل يوم رخص وتبدا تسوق وهيا متعرفش يعني ايه سواقه مع ان ليا واحد قريبي في الامارات قعد 6 شهور يطلع رخصه ومش عارف لا بالواسطه ولا بالفلوس

في الاخر احنا شعب متخلف ( مع احترامي للجميع ) نعشق اننا نتكلم ونقول احلى كلام واحلى افكار بس وقت الجد مش بنعمل حاجه لاننا يمكن اتعودنا اننا نطلع كل مشاعرنا وغضبنا في الكلام ودي سياسه اننا نتكلم لحد ما نتعب ومنعملش اي حاجه

وتحيا مصر

[tutankhamoun]

كلامك صح 100%
الديفندرز دى اكنت هتتسبب فى موت واحد صديق لى
كان بيعدى الشارع فى منطقه اضائتها ضعيفه
راح واحد راكب عربيه خبطه لان الباشا كان طافى انواع العربيه
بعد اما صديقى اتخبط قام وقف وراح قاعد على الرصيف لانه خاف ان عربيه تانيه تيجى تكمل عليه
البشا شاف صاحبى بيتحرك ولسه فيه الروح راح طلع يجرى وسابه
الناس اتلمت وودوه المستشفى والنتيج
كدمات متفرقه فى الجزء الاعلى من الجسم مع وجود 3 قطوع فى الكبد
و تجمعات دمويه منهم تجمع دموى كان خافى كليه من الكليتين
انا صاحبى دا الدكاتره بيقلو ليه احمد ربنا انك لسه عايش
و الاقى ناس خايفه على كشافين و اكصدام عشان كدا مركبين ديفيندر
يا ساده الديفندر دا مصرح فقط ليه فى الاماكن اللى ممكن الحيوانات فيها تعترض طريقك
زى بعض الاماكن فى المملكه العربيه المحترمه السعوديه والدول الاوربيه اللى قريبه من الغابات
عاوز اسالكم سؤال فيه حد شاف فى اى دوله اوربيه حد مركب ديفندر فى المدن
طب بلاش و هو بيتفرج على اى فيلم اجنبى شاف عربيه مركبه ديفندر

و هاضيف على كلامك الأخوة ( الله يهديهم بتوع الزينون )
تبقى مسافر في طريق بالليل و الطريق ده فردي مش مزدوج
يعني العربيات راحية جاية في وش بعض .
و مع ذلك تلاقي واحد جاي في وشك و مركب زينون و مش عايز يقفله و تقعد تقلب للبيه و لا هو هنا

أنا مرة كنت هانزل من على الطريق في وسط الصحراء بسبب العما المؤقت اللي بيسببه الزينون في طريق شرم الشيخ .
و كل ده ليه ؟

علشان البهوات مش عايزين يسوقوا بشويش في الليل .
تلاقي البيه مركب الزينون على عربية مش مجهزة ...... و يعمي خلق الله تعالى الغلابة زينا ...... علشان مش عايز يهدي السرعة .......

أنا مش عارف ايه موضوع السرعة عند الناس ؟؟؟؟؟؟؟
بجد مش فاهم ....... أيه لزمة السرعة و الحركات الغبية المصاحبة لها ؟؟؟
هو علشان القانون بايظ و منفذيه نامين في العسل
نقوم نموت بعض و نخسر ممتلكات بعض بالطريقة دي ......

هانت أنفسنا علينا و بنزعل قوي لما حد يسترخص المصريين برة بلدهم ..

إذا كان أحنا رخاص على نفسنا ....... مش هانرخص على الغريب !!!!!!!!!!!


و لا أملك إلا أن أقول حسبي الله في هؤلاء البشر ....... و من تركهم يفعلون ذلك .

[Terrible_DaRsH]

بجد مش فاهم ....... أيه لزمة السرعة و الحركات الغبية المصاحبة لها ؟؟؟
.

علشان يرضوا غرور الجهل ليس اكثر .

[Imhotep]

و نتقدم ليه ما احنا كويسين كده و احنا مخللين فى مية اللفت

[Mohd_Adel_Amin]

أنا مش عارف ايه موضوع السرعة عند الناس ؟؟؟؟؟؟؟
بجد مش فاهم ....... أيه لزمة السرعة و الحركات الغبية المصاحبة لها ؟؟؟

.

والله انا السؤال ده بسأله لنفسي كل مرة اكون على الطريق ومش بقدر الاقي اجابة , المشكلة ان الناس دول مش أغراب علينا دول اخاوتنا وصحابنا وزمايلنا !! الواحد بقى مش عارف هو مين الغريب في البلد دي هل هو اللي بيلتزم بالقانون ؟؟


يعني مثلا انا عايز حضرتك تكون في طريق جديد وكويس ومعروف ان مفيهوش رادار وامشي بسرعتك القانونية واتفرج على انطباعات الناس اللي بتعديك ..


او مثلا اشارة بدون عسكري ( مع ان مفيش في الدنيا حاجة اسمها اشارة بعسكري) بس طبعا الدنيا عندنا بالمقلوب , لو اشارة من دول الناس كلها مش محترماها وجرب انتا توقف عربيتك عندها هتلاقي اغرب تصرف ان الناس كلها بتديك كلاكسات علشان تمشي حتى لو الاشارة حمراء !!

طبعا الامثلة كثير جدا

و لا أملك إلا أن أقول حسبي الله في هؤلاء البشر ....... و من تركهم يفعلون ذلك .

[Ahmed A Rahman]

مشكلة الدفندر ايه؟

العربيات الجديدة كلها مصممة بحيث انها لو خبطت واحد ماشي على رجله بيبقى الكبوت انسيابي بشكل يسمح للمخبوط انه ينزلق لأعل الكبوت و بعدين يقع على جنب و على ما يقع هتكون العربية وقفت

عكس العربيات القديمة اللي كانت بتشوطه لقدام و تدوس عليه

الدفندر بيفقد العربية الخاصية دي و بيخلي العربية تكسر له رجليه و تشوطه و بعديها تدوس عليه

من الاخر

يتحرق الحديد و تولع العربيات .... دي ارواح بني ادمين

حضرات السادة اصحاب الدفندرات خايفين على فانوس و شبكة و اكصدام و مش خايفين على روح بني ادم؟

بااااااس لحاد هننا واستوب
المعلومات دي انا اول مرة اعرفها وطالما دخلت فيها ارواح بني آدمين ولا رجل تنكسر وتحتاج مسامير وشرايح يبقى فعلا في داهية العربيات ويا مرحبا بالخبطة

[Medo007]

انا مركب دفيندر مش منظره ولا حاجه ولا اصرار على مخالفه القانون لكن لحمايه العربيه مع ناس تعبانه فى سواقتها
وغشيمه وكفايه اقولك انى اتعرضت لحادث شال الديفندر 60% من الحادث وع ذلك اتكلفت كتير فى الاصلاح وتعبت عشان البوليس يجى يعيان وخصوصا التامين عاوز محضر والبوليس ماجاش ودفعت رشوه علشان يتعملى محضر وشركه التامين طلعت نصابه ومااخدتش حقى
تعرف تحل انت كل المشاكل دى الاول وبعدين تعاتبنى على مخالفه القانون
طول ماكل واحد مش عارف ياخد حقه بالقانون يبقى اكيد هنفضل نخالف القانون

كلام حضرتك صح
بس معلش يعني زي ما فيه ناس ممكن تخبطك وتكون فعلا غلطانة
ممكن حضرتك تغلط
الواحد مش معصوم من الخطا عالاقل لو حتى واحد غلطان وعدى برجليه قدامك وخبطه هتبقى دمرته
لكن لو الدفندر متشال هيضر بس مش لدرجة الدفندر
وانا كنت داخل في لجنة وكان فيه ماتركش مركبة دفندر ورا وقدام وبعد ما الراجل عدى قعد ينادى عليه جامد الظابط
ورجع
وخالفه على الدفندر وقاله طب انا ركبته قاله طول ماهو راكب هتتخالف عليه

[M.Osman]

تمام..
بس برضه فيه حاجات في القانون زبادة عن اللزوم ..
الفايمه مفيد و غير مضر زي الديفيندر!!
انا كنت عايز اركب فيميه لايت و رجعت في كلامي تاني بعد الكلام اللي سمعته.. (بصراحة مش مقتنع خااااالص بمنع الفيميه)
لكن مفيش حل تاني .. و استقريت على اني مش هخالف القانون و خلاص.

لكن الديفينرات فعلاً ملهاش لازمة... احنا هنا كل تحركاتنا على طرق .. مش off road و بعدين اللي معظم اللي مركبينه بيتغاشموا و هم بيركنوا و يكسروا في عربيات الناس و خلاص

و تحيا ج ع ع ...

[sa3dawy]

للأسف بعض الناس بقوا شايفين ان مخالفة القانون جمدان او قوة مثلا (نمر متشالة متعرفش لية .. تفييم .. لوح سودا ..الخ..)

[MohaMed_Refaat]

محدش بقى عاجبة حاجة ولا حد راضى بحاجة ولا حد بيشكر فى حاجة كلة ناقم كلة غير راضى كلة بينقد وبينتقد ربنا يصلح البلد ويصلح حال المسلمين .

[MoToRiZeR]

حضرتك لمست نقطة هنا في المنتدي كان نفسي أتكلم فيها بصراحة .

كلنا هنا في المنتدي بنعاني و بنشتكي من السرعة العالية و عدم الإلتزام و مع ذلك تلاقي موضوع بيقول يا جماعة انا كنت ماشي علي 180 و السرعة مش عايزة تزيد عن كدة يا تري العربية جرالها إيه .. و الناس كلها تجري تساعد طبعاَ بسلامة نية و لكنها لا تعرف أن صاحب الموضوع ممكن يتسببلهم شخصياَ في حادث مروع بسبب سرعته .. و ساعات تلاقي واحد بيتكلم و يقول حسبي الله و نعم الوكيل أخدت مخالفة رادار .. طب هو الضابط اللي جه داس علي دواسة البنزين ؟ مش حضرتك اللي تجاوزت السرعة القانونية .

بجد نفسي المنتدي يكون بذرة إصلاح و لو 1% في الشارع المصري .. و المواضيع دي بتضايقني شخصياَ و لكن بتجاوز عن التعليق عليها و خلاص .

و زي ما قال سعداوي فيه ناس بيخيلها خيالها المريض إن مخالفة قوانين المرور دي صياعة و جمودية .

أشكرك بشدة علي الموضوع و يا ريت كل واحد يحاسب نفسه قبل ما يحاسب غيره و يقول الشارع وحش .

و يشوف .. هل بيلتزم بالسرعات القانونية علي الطرق السريعة زي ما بيشتكي إن بتوع النقل مبيلتزموش بيها ؟
هل بيركن في أماكن مناسبة للركن ولا تضر نهر الطريق زي ما بيشتكي إن الشارع اللي ماشي فيه ضيق و واقف ؟
هل الكماليات اللي مركبها في العربية زي الزينون و الديفيندر بتضر غيره علي قد ما بتريحه ؟
و حاجات تانية كتير .

و يشوف هل هو يفرق عن اللي بيشتكي منهم ولا لأ .. و مشارك في المهزلة ولا لأ .

[Medo007]

للأسف بعض الناس بقوا شايفين ان مخالفة القانون جمدان او قوة مثلا (نمر متشالة متعرفش لية .. تفييم .. لوح سودا ..الخ..)

انا بحس ان اللى بيفيم العربية دارك خالص ونمر سودة ويحط نسر وهو مش تبع الشرطة
ويحط سرينة ويقعد يشغلها
تقريبا بيبقى عنده نقص في نفسه

انا عليا كنت مفيم فاميه لايت مش دارك ونمر لونها ابيض اشيك من الاسود
على فكرة زمان النمر كانت سودة والناس تخليها ابيض
ودلوقتي المرور خلاها ابيض فيه ناس تحب تعملها سودة
خــــــــــــــــالف تــــــــــــعرف

[blazer]

لو كل واحد بدء بنفسه اكيد اكيد هنحس بتغير
على الاقل على المستوى الشخصى لما تشوف الغلط من الناس وانت مبتعملوش
هتحس بانك ترفعت بمستواك عن الناس اللى بيعملوا الغلط و مصرين عليه
ليه نركب زينون وانت معندكش عدسات او مش محتاجه ونور عربيتك مكفيك ولا هو حب تقليد اعمى للاخرين و كلمه"اشمعنى الناس مركباه او صاحبى مركبه و نوره شكله جامده"
ليه نركب ديفيندرز و انت مشوارك اليومى لا يتعدى الدائرى او صلاح سالم او كوبرى اكتوبر
ليه تركب بازوكا تصحى الميتين من النوم و تمشى فى شارع بليل معلى الصوت !
ليه كل سواقتنا غرز و سرعات جنونيه
ياخى عاوز تمشى بسرعه على الاقل يكون طريق فاضى
مش نعمل الحادثه و نقول دا قدرك ... لا دا اختيارنا
هل عشان فلوسنا كتير و غاويين نبوظ عربياتنا و عربيات الناس