صورة توضح ان البلد سايبه!!!

[hossam_elwani]

وانا ماشى على الزراعى الاقى جرار مرسيدس بمقطورته ماشى على اليمين وبسرعة فوق 100 ك/م
ومحمل قطع من جبال صخور ضخمة ومش مربوطة باى حاجة منها للطريق بالله عليكم مش ده قمة الاستهتار بارواح الناس لو وقعت اى صخرة من دول من العربية نتيجة مطب هوا او اى نقره مش حتضيع ارواح كتير
لا كمان مفيش اى نقطة كمين فيها اى حد بعد الفطار فطرو ونامو بلد ملهاش صاحب شاطرين بس يعملو كماين جوه المدن ورخص وفاميه وكلام فاضى بعيد عن البلاوى والمجرمين على الطرق السريعة




حسبى الله ونعم الوكيل

[gaafar13]

منتهى الاستهتار بارواح الناس

يارب ارحمنا

[samirayad]

صورة توضح ان البلد سايبه!!!

هو أنت لسه متعرفش الا اليومين دول يا أستاذ : حسام


دا أنا كنت ماشى من شهر بعربيتى ورايح طنطا من الأسماعيليه
وماشى على 120 تقريبا .....وألاقيلك جرار بمقطوره جاى بيعدينى زى الطلقه على الزراعى بعد بركة السبع
من يمينى .....وربنا ستر وهو لازق فى .....وكل اللى عامله .....قفل المرايا اليمين ( ضمها يعنى )
تخيل بأه .....هو كان ماشى على كام

تقريبا حب يعمل معروف ويقفل مرايتى اليمين بجنبه
ههههههههههههه

[madoo]

بشوف حاجات كتير زى دى على الزراعى


يارب ارحمنا

[Mosmafa]

الصورة دي على ما اظن على اوتوستراد حلوان
اخطر طريق ممكن تمشي فيه بليل في حياتك
مطبات فجائية و مقطورات في منتهى الخطورة
واغلبهم سواقين صعايدة بعمم (( انا صعيدي )))
وبيشد معاك كانه راكب ملاكي عموما
العيب مش عالمرور لانهم بصراحة فارمين سواقين النقل و عن تجربة
العيب عالبهايم اللي بيسوقو وهما مبرشمين و متنيلين

[NaderNabil]

المنظر اليومي المعتاد بالنسبة لي...
طريق الأوتوستراد

[sir_servizio]

ربنا يسترها معانا

[eslamrace]

ربنا يستر طريقنا ويبعدنا عن الحوادث الناتجه عن الاستهتار

[ابوهاشم]

دى مصيبه وكارثه
ازاى القانون اللى بيرغمنى البس حزام فى كل مشاويرى
وداخل البلد بدون داعى مايحكمش واحد زى ده
حسبنا الله ونعم الوكيل

[MaaG]

فعلا استهتار و ممكن نسميها قلة أدب بس إلي زي ده على الطريق معايا مبرتحش غير لما أقريفه شوية و أمشيه على 80 أو 70

[ashraf229]

الحكومة بتقول: المصري اللي على حق يقول للغلط لأ

كان لازم انت اللي تمنعه

و ما تنساش برضه لما تروح تقف قدام المراية و تقول:انا كويس انا زي الفل انا زي الحديد قبل ما تدخل تنام

و ان شاء الله هتصحى كويس و زي الفل

...............مش الصورة دي بس اللي بتقول انها سايبة.....................

حد يرفعلنا الله يخليكم صور للعبارة ولا الدويقة و و و و و و و و.......................ويجعله عامر

[amarakl]

سنرك يا رب

[Samir Elshahawy]

يبدو أن المرور و الشرطة في الصيف بيكونوا في خدمة رواد مارينا و الساحل الشمالي و في الشتا بيدخلوا في بيات شتوي زي الزواحف و القوارض ,

و تحيا حكومة المغارة

[Samah AbdAllah]

الاستهتار هو المصيبة الكبرى عندنا

[ENG\AHMED]

العيب مش عالمرور لانهم بصراحة فارمين سواقين النقل و عن تجربة
العيب عالبهايم اللي بيسوقو وهما مبرشمين و متنيلين

مع احترامى ليك العيب على جهاز الشرطة ككل مش المرور بس (عربيات محملة فوق طاقتها , الحمولة مش متغطية سواء بقى رمل ماشى بيردم الطريق وراة ولا زلط بينقر زجاج العربيات وراة , سرعات اعلى من المقررة , عربيات منتهية الصلاحية ومفيش صيانة ولا اى حاجة وكلة ماشى بالرشاوى ) يبقى مستنيين اية بعد كل دة غير المصايب والكوارث!!! ..

لو البهايم اتربطط بحبل هتمشى عدل انما لو مش اتربطط بحبل هتمشى يمين وشمال وفى كل حتة على مزاجها!!