ما هى انجح سيارة فى تاريخ مصر ؟؟!!

[mazagngi2010]

شيفورليه الدبابه فى النص نقل
لانسر فى الجديد كفايه انها مسحت الكل وخدت الرايه بعد اللانوس اللى سحبتها من الشاهين اللى سحبتها من ال 128
وعموما فى القديم مفيش الا 504
تويوتا فى المكروباصات
وفى الشرقيه فى مكروباص بيجو j9 ربنا يحرسه ماشى زى الساعه لحد دلوقتى
ومننساش المكروباصات الفولكس اللى فى الجيزه

[medoghaly]

ال504 صاجها يمكن اضعف من عربيات كتير جديده

زى اية مثلا ياnabaster

[nabaster]

زى اية مثلا ياnabaster

انا اتكلمت في ردي ان صاج الـ 504 يعيبه التصميم وليس المتانه وده علشان الشكل البومبيه بتاع العربيه وده للتذكره فقط

وده خلي نقاط التقويه فيها اضعف من عربيات جديده كتير

زي ايه اقولك بقي زي فولكس جيتا وزي الاوبل وعن تجربه

ويمكن تبقي متانة الصاج في نفس متانة صاج الالنترا تقريبا بس هتبقي الكفه راجحه ناحية الـ 504 اكتر

A.Yakout

[shery103]

أنجح سيار ة في تاريخ مصر بلا منازع هي السيارة رمسيس الميكروباص حيث أن هذه السيارة ورغم كل مقومات الفشل التي تمت صناعتها على أساسها إلا أنها مازلت تؤدي منذ السبعينات وحتى اليوم بكفاءة وحتى بدون كفاءة على أكمل وجه لدرجة إني شاهدت مرة إحدى هذه السيارات تسير من دون رادياتير وقد قام السائق بوضع جركن ميه ليقوم بعمل الرادياتير وهذا هو الإعجاز الحقيقي وهذا ما قد يجعل هذه السيارة أسطورة في عالم السيارات

مين رمسيس الميكروباص دى ، شكلها ايه ؟؟

[powerofhelll]

انجح عربيه في مصر 504 بلا منافس

[samcar]

131 , تويوتا

نسيتم المرسيدس الجاز موديل 1968 - اللى لسه شغاله تاكسى ونص عربيات مهندسين الرى اللى شغاله معاهم منها

[mokhtar]

طبعا بيجو 504 سواء صالون او استيشن بلا منازع
كفايه انها لما بتتشد بترجع زيرو
كفايه انها العربيه الوحيده اللي كانت شغاله اجره مصر وليبيا وكانت بتروح مرتين في الاسبوع بدون شكوي ودلوقتي استبدلوها بالميكروباصات المرسيدس
كفايه انها مازالت تعمل علي الطريق في جميع المحافظات منذ 35 عاما حتي الان ولم تشتكي
كفايه انها لغايه دلوقتي بتنافس اسعار العربيات العاليه (قبل نزول الاسعار كان سعر ال504 موديل 79 زي سعر دايو لانوس 98
كفايه ان الموتور بتاعها عمرته من غير خراطه يعني اربع شمايز كبس والكرنك 7 خرطات يعني يدوب بعد سبع عمرات تبتدي تغير الكرنك يعني بحسبه بسيطه (7*300000 كم)=2100000يعني 2 مليون و100 الف كيلو متر
المساعدين بتاعتها مابتتغيرش اول ماتبوظ بتتملي زيت وتتركب تاني
اعرف سواقين بيعملوا بيها 3000كم في الاسبوع (كل يومين مشوار 1000 كم متواصل من موقف سوهاج حتي موقف القاهره والعوده بدون توقف في نفس اليوم الا عند تحميل الركاب )والعربيه شغاله بدون اي مشاكل
بس مشكلتها عدم الثبات خصوصا الاستيشن
كفايه كده شكلي صدعتكم

+1000000000000000
طبعا ال504 كانوا بيطلقوا عليها فى شمال افرييقيا والدول الافريقيه ... ملكه افريقيا

[the-hero]

هو فعلا البيجو 504و بس

[memoo305]

504 بدون منــــــــــــــــــــــــــــــــــــــــــــــــ ــــــــــــــازع

[Mi3d3]

555550000044444

[mr_sameh]

هي في عربيات كتير محترمة زي 504 وكمان كورولا من 92 الي 97 وكمان اللانسر واللانوس والاكسيل والفيات 131 كلهم حاجات محترمة وليهم تاريخ بس طبعا 504 عربية ملهاش مثيل وعلي فكرة احنا عندنا واحدة ومش ممكن نفكر نتخلي عنها مع انها بتصرف كتير بس عشرة كبيييييييييييرة

[د.محمود صلاح]

128 معشوقة المصريين

[ashraf229]

504 >>>>> أنجح عربية في تاريخ مصر
يليها
131
128

و في العصر الحديث
الفيرنا
اللانوس
اللانسر

دول أنجح عربيات في تاريخ مصر و أكثرهم مبيعاً

فعلا اتفق معاك جدا جدا

أحب اضيف عليهم المرسيدس ال 200 الخنزيرة............شباب و متانة و جودة لا تنتهي حتى لو بعد 30 سنة اتفرج عليها فيه منها كتير بدهان المصنع و بتلمع و زي الفل موديلات 79

[zaza2002]

504 و 132 و 131 و 128

+1111111111111

[عصام غنايم]

فى القديم
الشعبى
128
المتوسط
بيجو 504
الفاخر
مرسيدس 200
وبس