السلام عليكم
الحقيقة انا استفدت من اخوة كتير في المنتدي قبل السفر و كان لازم اقول تجربتي
البداية: اسكندرية الساعة 2 صباحا للصحراوي - المحور - كوبري 15 مايو (الوصلة دي بتوفيق الله فقط وبدون اي فهم للطريق)- كوبري 6 اكتوبر - طريق النصر.
وصلت السعة 4.20 عند جامع رابعة العدوية ، صليت الفجر و لقيت عجلة مريحة شوية دخلت بنزينة مصر للبترول -اول عباس العقاد- لقيت فيها 7 خرم و عمل اختبار لعجلة تانية كانت مريحة شوية لقي 6 خرم ، المهم دفعت 105 ج (زبون الفجر و ملاكي اسكندرية PDT_016 )
بعدين طريق السويس (دخلت السويس نتيجة لنصيحة خاطئة من زميل بأن نفق احمد حمدي لازم تدخله من جوة السويس ، المهم اخدت حوالي نصف ساعة علشان ارجع للطريق الرئيسي)
نفق احمد حمدي - طريق سيناء حتي شرم الشيخ - الوصول الي مسجد كبير في الهضبة (مش عارف اسمه) الساعة 11.40 ظهرا و صلاة الجمعة (19/10/2007)
ملحوظات:
- الطريق فردة واحدة بس معقول، بيتهيألي ليلا يبقي خطير خصوصا مع وجود النقل.
- فيه بنزينات 92 علي الطريق بالذات في بدايات و نهايات المدن الرئيسية مثل راس سدر - الطور - ابو زنيمة و كمان داخل شرم الشيخ نفسها.
- الاستراحات شكلها افضل داخل المدن الرئيسية علي الطريق لان اللي علي الطريق مباشرة شكلها مش مريح (انا مريحتش وبالتالي مجربتش Red_Colorz_PDT_23 )
- اللجان متعدش و كلهم اسطمبة واحدة و الحمد لله (الرخص - حمد لله علي السلامة).
- اللافتات علي الطريق جيدة و لكن المسافات ضاربة شوية يعني ممكن تلاقي يافطة (25 كم لمدينة ...) و بعد حوالي 30 كم (15 كم Yellozz_PDT_01 ).
- بعض الطرق الفرعية (غالبها لشركات البترول) ليس عليها اي يفط تدل علي انها طريق خاص
العودة : كانت البداية 12 ظهرا طريق شرم - النفق-طريق السويس - الدائري - المحور - الصحراوي (استراحة في ماكدونالدز داندي مول و التموين من موبيل اللي جنبها) - اسكندرية
ملحوظات:
- العودة كانت اريح لاني افتكرت و غطيت زجاج الابواب الخلفية و بالتالي التكييف كان ممتاز داخل السيارة في العودة عكس الذهاب.
- اللافتات اقل و فيه كتير ممسوح و ده خلاني قلقان حوالي ساعة الا ربع قبل راس سدر لغاية ملقيت يافطة.
- معايا خريطة لسيناء بالطرق و المسافات بالضبط سأرفعها ان شاء الله.
بشكل عام الرحلة كانت كويسة الحمد لله ، الاسعار في خليج نعمة مبالغ فيه و تخاطب الاجانب و علي ذلك المحلات الممكن الاكل فيها ماكدونالدز و بيتزا هت و كنتاكي و ممكن في الهضبة و فيه محل سمك جامد في السوق القديم اسمه نجمه سيناء
اجمالي الرحلة رايح جاي عملت 1500 كم :rock:
ارجو ان اكون افدتكم
الحقيقة انا استفدت من اخوة كتير في المنتدي قبل السفر و كان لازم اقول تجربتي
البداية: اسكندرية الساعة 2 صباحا للصحراوي - المحور - كوبري 15 مايو (الوصلة دي بتوفيق الله فقط وبدون اي فهم للطريق)- كوبري 6 اكتوبر - طريق النصر.
وصلت السعة 4.20 عند جامع رابعة العدوية ، صليت الفجر و لقيت عجلة مريحة شوية دخلت بنزينة مصر للبترول -اول عباس العقاد- لقيت فيها 7 خرم و عمل اختبار لعجلة تانية كانت مريحة شوية لقي 6 خرم ، المهم دفعت 105 ج (زبون الفجر و ملاكي اسكندرية PDT_016 )
بعدين طريق السويس (دخلت السويس نتيجة لنصيحة خاطئة من زميل بأن نفق احمد حمدي لازم تدخله من جوة السويس ، المهم اخدت حوالي نصف ساعة علشان ارجع للطريق الرئيسي)
نفق احمد حمدي - طريق سيناء حتي شرم الشيخ - الوصول الي مسجد كبير في الهضبة (مش عارف اسمه) الساعة 11.40 ظهرا و صلاة الجمعة (19/10/2007)
ملحوظات:
- الطريق فردة واحدة بس معقول، بيتهيألي ليلا يبقي خطير خصوصا مع وجود النقل.
- فيه بنزينات 92 علي الطريق بالذات في بدايات و نهايات المدن الرئيسية مثل راس سدر - الطور - ابو زنيمة و كمان داخل شرم الشيخ نفسها.
- الاستراحات شكلها افضل داخل المدن الرئيسية علي الطريق لان اللي علي الطريق مباشرة شكلها مش مريح (انا مريحتش وبالتالي مجربتش Red_Colorz_PDT_23 )
- اللجان متعدش و كلهم اسطمبة واحدة و الحمد لله (الرخص - حمد لله علي السلامة).
- اللافتات علي الطريق جيدة و لكن المسافات ضاربة شوية يعني ممكن تلاقي يافطة (25 كم لمدينة ...) و بعد حوالي 30 كم (15 كم Yellozz_PDT_01 ).
- بعض الطرق الفرعية (غالبها لشركات البترول) ليس عليها اي يفط تدل علي انها طريق خاص
العودة : كانت البداية 12 ظهرا طريق شرم - النفق-طريق السويس - الدائري - المحور - الصحراوي (استراحة في ماكدونالدز داندي مول و التموين من موبيل اللي جنبها) - اسكندرية
ملحوظات:
- العودة كانت اريح لاني افتكرت و غطيت زجاج الابواب الخلفية و بالتالي التكييف كان ممتاز داخل السيارة في العودة عكس الذهاب.
- اللافتات اقل و فيه كتير ممسوح و ده خلاني قلقان حوالي ساعة الا ربع قبل راس سدر لغاية ملقيت يافطة.
- معايا خريطة لسيناء بالطرق و المسافات بالضبط سأرفعها ان شاء الله.
بشكل عام الرحلة كانت كويسة الحمد لله ، الاسعار في خليج نعمة مبالغ فيه و تخاطب الاجانب و علي ذلك المحلات الممكن الاكل فيها ماكدونالدز و بيتزا هت و كنتاكي و ممكن في الهضبة و فيه محل سمك جامد في السوق القديم اسمه نجمه سيناء
اجمالي الرحلة رايح جاي عملت 1500 كم :rock:
ارجو ان اكون افدتكم

Comment