أكبر معدة نقل ثقيل على الاطلاق (تعديل بالصور )

[MaaG]

أعتقد إن دي أكبر معدة نقل على الاطلاق ، و الشركة دي كل يوم بيزيد احترمي ليها ، دي مش معدة نقل دي عمارة بعجل .

و في الآخر بتسوقها واحدة ست .

[youtube]http://www.youtube.com/watch?v=j0HVIVag5Bk[/youtube]












@@@@ ودي المكنة :-

[bemocarlo]

ايه ده؟ضخمه جدا !!!!!!!!!!!!!!بس يا تري شوفت الونش الحامل للقرص الدوار في ماكينه حفر الانفاق؟يا ريت تشوفه الاول؟
bemo,ire

[MaaG]

ايه ده؟ضخمه جدا !!!!!!!!!!!!!!بس يا تري شوفت الونش الحامل للقرص الدوار في ماكينه حفر الانفاق؟يا ريت تشوفه الاول؟
bemo,ire

يريت تبعتلي لينك بيه

[mohamed_prog]

المعدة دية بتستخدم فى نقل الرمال النفطية فى كندا
على فكرة كان فى بالدوزر المانى كان هو اضخم معدة على وجه الارض حادور على الصور وارفعها.

[Mosmafa]

في حفارات مناجم الماس
دي اضخم واقوى الف مرة من دي
ودي اللي بتشل من تحتها بتبقى نصها او ربعها كمان
هي المعدة اساسا للمناجك والمحاجر لاناه بتشل حاجات داخلة في 200 و 300 طن

[M.Abdelshafi]

دى اضخم معده شفتها






مش عارف دى بيشغلوها ازاى

[Terrible_DaRsH]

دى منطقة شكنية كاملة مش معدة :)

[Mosmafa]

هي دي كسارة الجبال اللي بتشيل جبل من مكانه
وداخلة موسوعة جينيس لانها اضخم معدة اخترعها الانسان

[Sameh]

أنا شغال فى المجال ده ، وكبت عربيات زى اللى فوق دى بس أصغر شوية اللى هى 777 مش ال 797 لأن ال تلات سبعات ده أكبر موديل وصل مصر وعلى فكرة سواقتها وركوبها ممتع جدا لأن الكابينة بتاعتها فخمة ومكيفة والعزل بتاعها رهيب والكرسى على مساعدين هيدروليك فى منتهى النعومة وده لأن اللى بيركب عليها بيسوقها يا 8 يا 12 ساعة فى ظروف تشغيل سيئة جداً وبالتالى محتاج أكبر قدر من الرفاهية داخل الكابينة عشان يقدر على الشغلانة دى ، وهى فتيسها 7 سرعات أمامية بالمناسبة بينقلوا أوتوماتيك طبعاً بس ممكن تختار إن الفتيس يوصل عند نقلة معينة وماياخدش اللى بعدها إنشالله لو كانت الأولى بس
لما بنيجى نغير فردة الكاوتش بتاعة العربية من دول (إسمها دامب تراك بالمناسبة off road dump truck ) بتحتاج تجيب فورك ليفت اللى هو الكلارك عشان يشيل الفردة ويدخل بيها على العربية عشان تركب مكانها

[MohaMed_Refaat]

هية فعلا ضخمة جداااااااااااااااااا
مع ان اسمها الدودة كلمة كاتر بيللر بالانجلش يعنى دودة ;) :)))))))))
وبعدين دى متنفعش تمشى فى الطرقات المدنية خالص لان السواق بيسوق من الدور التانى يعنى لو كان ماشى وقدامة عربية سيدان واطية او حتى عاية وهدى حيدوسة كانة زلطة ويكمل عادى :)))))))))

[ainshouka]

أنا شغال فى المجال ده ، وكبت عربيات زى اللى فوق دى بس أصغر شوية اللى هى 777 مش ال 797 لأن ال تلات سبعات ده أكبر موديل وصل مصر وعلى فكرة سواقتها وركوبها ممتع جدا لأن الكابينة بتاعتها فخمة ومكيفة والعزل بتاعها رهيب والكرسى على مساعدين هيدروليك فى منتهى النعومة وده لأن اللى بيركب عليها بيسوقها يا 8 يا 12 ساعة فى ظروف تشغيل سيئة جداً وبالتالى محتاج أكبر قدر من الرفاهية داخل الكابينة عشان يقدر على الشغلانة دى ، وهى فتيسها 7 سرعات أمامية بالمناسبة بينقلوا أوتوماتيك طبعاً بس ممكن تختار إن الفتيس يوصل عند نقلة معينة وماياخدش اللى بعدها إنشالله لو كانت الأولى بس
لما بنيجى نغير فردة الكاوتش بتاعة العربية من دول (إسمها دامب تراك بالمناسبة off road dump truck ) بتحتاج تجيب فورك ليفت اللى هو الكلارك عشان يشيل الفردة ويدخل بيها على العربية عشان تركب مكانها

ياراجل وبعد مسوقتها كده قادر تركب نوبيرا
انت احسن حاجة تجبلك هامر بتاعة الجيش عشان يعنى تبتدى متلاحظش انه كان فيه فرق

[أبو عبدالله]

على فكره لسه من يومين كان في حلقة على قناة ناشيونال جيوجرافيك ابو ظبي في برنامج مصانع عملاقة كانوا جايبين تصنيع المعدة دي من الألف للياء وازاي بيعملو الكاوتش بتاعها وازاي بيركبوها والمحرك بتاعها مصنوع ازاي وكل حاجه
بصراحه حلقة جامده جدا جدا جدا
ويعتبر تصنيعها في كتير حاجات يدوي
وعلى فكره قبليها بيومين كان في حلقة من نفس البرنامج مصانع عملاقة كانوا جايبين مصانع بي ام دبليو
وكيفية تصنيع عربية بي ام z4
وكانت برضه حلقه مالهاش حل
جايبين كل حاجه وازاي بتتصنع والماتور والدهان والجلفنة والجامات والتجميع

[Ahmed Nouh]

دى اضخم معده شفتها



مش عارف دى بيشغلوها ازاى

انا لو ماشى مكان العربيه الحمراء دى وكان المعده دى بتتحرك قصادى هلسع فرامل اليد والف وارجع وهتصل بكل الناس اقولهم فيلم war of the worlds اتحقق يا جدعان

شكلها مخيييف جدا

[nabaster]

A.Yakout

[Sameh]

ياراجل وبعد مسوقتها كده قادر تركب نوبيرا
انت احسن حاجة تجبلك هامر بتاعة الجيش عشان يعنى تبتدى متلاحظش انه كان فيه فرق

أنا بعرف أسوقهم بحكم المهنة بس مش شغال عليهم ليل نهار يعنى وبلدوزرات وجاكات ومكن تخريم كمان
هى المعدات التقيلة دى أصلاً متعة لو ركبتها هتحترمها جداً وتوصلك لأى مكان فى الجبل أحسن من أجدع جيب من غير ما تشغل بالك بغرز ولا ميول وفيه منها مريح فى ركوبته زى الدامبر اللى فوق وفيه حاجات تانية تكسرلك ضهرك زى الكتاين كلها اللى بتمشى على جنزير يعنى ، إنت عارف بيسموا المعدات دى إيه ؟ Earth Moving Equipment يعنى معدات بتغير شكل الأرض وتنقلها من مكان لمكان