مسابقة تصميم شعار المنتدى

[Karim_Monir]

السادة اعضاء المنتدى الكرام
يسرنى ان اعلن اليكم اعلان المسابقة الكبرى لاعادة تصميم شعار المنتدى
اللوجو اللي بيلصق على سياراتنا ونتعارف به على بعض ويتم منح الاعضاء الخصم الخاص به
اهم شروط المسابقة :
ان يمت بصلة للشعار الحالى وخاصة شعار المنتدى بحرفين ال NM ويحتوى على عنوان المنتدى www.nilemotors.net و دوت كوم وان يمت بصلة قوية لمجال المنتدى كمنتدى سيارات وان يحتوى على تيمة المنتدى (اكبر موقع سيارت مصرى)

1. للجنة حق تغير مقاسات التصميم ليتماشى مع المتطلب العام و تغير الأطار العام للتصميم.
2. مقاس التصميم بابعاد 30 سم في 6 سم قابله للزياده و النقصان .
   
3. مراعاه التلخيص و التجريد من التفاصيل الزائده و عدم المبالغه فى شكل الخط الخارجى للشعار.
4. عمل صيغ مختلفه للتصميم الواحد وادخال العديد من الألوان بجوار اللون ألأصفر الغالب (هو فى الأصل درجه من درجات البرتقالى ) مثل مثلاُ اللون و مكمله (البرتقالى و ألأخضر)او اللون ومضاده (البرتقالى و الأزرق ) على سبيل المثال لأتاحه الفرصه لأختيار كذا درجه لونيه و التصفيه بينهم .
5. على المشاركين ألأحتفاظ بنسخه من التصميم بصيغه vector ونسخة PSD جاهزه للتعديل الطفيف و الطبع.
6. ال resolution لا يقل عن 500.
7. المشاركات توضع فى المنتدى بصيغه ال JPG.
   
8. تقدم الأعمال فى موعد اقصاه الاحد 11 اكتوبر 2009
9. اختيار الشعار الفائز حق اصيل لادارة المنتدى ولكن لا مانه من ابداء الاعضاء لرايهم في التصميمات المقدمة
   

* سوف يتم تسجيل اللوجو الجديد بأسم المنتدى فى وزاره التجاره و الشهر العقارى
* سيتم رفع حرفي ال NM بصيغة PSD في اقرب وقت للاستعانة به في التصميم


شروط اخرى :
تنازل الفائز عن حق تصميم الشعار للمنتدى بطيب خاطر مع حرية التعديل علية وفقا للامكانات الفنية للطباعة
والا يتم منحة لاي جهة اخرى

جائزة التصميم:
جائزة عينية لم تحدد بعد
جائزة شرفية منح الفائز لقب مصمم شعار المنتدى ويوضع تحت اسمه لمدة عام كامل ان شاء الله
ترسل التصاميم الى البريد الاتي :
karim.serag@gmail.com
بحد اقصى يوم السادس من اكتوبر القادم
لا يتم وضع اي افكار او تصورات او تصميمات في هذا الموضوع منعا لسرقتها ومنعا للشوشرة على ابداعات الاعضاء وعدم تحجيم خيالهم في التصميم

وهذا لوجو ابتدائي يحتوى على المتطلبات وبالمقاسات المطلوبة وليس لوجو للاقتداء به وللمتسابق حرية التصميم الذي يتناسب مع خيالة وتصوره


يتم اختيار التصميم الفائز من قبل اللجنة المحددة من قبل الادارة والمشرفين

حظ سعيد لكل المتسابقين وفي انتظار ابداعتكم القيمة

عن ادارة المنتدى
كريم منير
المنسق العام

[CryptonX]

اخييرا :)

طب في ميعاد نهائي للمسابقة يا كريم ؟

[blazer]

باذن الله احاول اعمل حاجه :)
-انا فى فنون تطبيقيه -

[Lord_Fouad]

متابع باهتمام

[SeiffoZ]

و أنا كمان هحاول

[Ahmed Hassan]

اخييرا :)

طب في ميعاد نهائي للمسابقة يا كريم ؟

ترسل التصاميم الى البريد الاتي :
karim.serag@gmail.com
بحد اقصى يوم السادس من اكتوبر القادم

[Terrible_DaRsH]

كله يسن السكاكين :)

[akmal_hamdi]

ايه ده يا كريم مفيش اى استشارات استفاد من الخبرات ال معاك فى المنتدى مش معقول يكون معاك مدرس فى كليه التربيه الفنيه و متخدش حتى رايه فى لجنه التحكيم انا مستنى منك توضيح ولا مجلس الأداره هو ال حيختار

[A.Saad]

الوقت ضيق اوى
ممكن مد المهلة

[Sharky]

اخييرا :)

طب في ميعاد نهائي للمسابقة يا كريم ؟

كريم يوم 6 أكتوبر اخر ميعاد للإرسال
فرصتك المرة دى و ملكش حجة بقى :)

[Karim_Monir]

ايه ده يا كريم مفيش اى استشارات استفاد من الخبرات ال معاك فى المنتدى مش معقول يكون معاك مدرس فى كليه التربيه الفنيه و متخدش حتى رايه فى لجنه التحكيم انا مستنى منك توضيح ولا مجلس الأداره هو ال حيختار

يا فندم العتب على النضارة(مكسل اغيرها بصراحة)
لاء بجد العتب على استاذ شاركي اللي معرفنيش ان حضرتك دكتور في فنية
يسعدنا انضمام حضرتك لاسرة التحكيم طبعا وعند اكتمال التصاميم ستعرض عليك مع اللجنة
ويا ريت لو في اي شروط فنية حضرتك توضحها للمتسابقين من الان عشان مايتعبوش ويكون في تصميم غير مطابق للمواصفات الفنية

مستنين المشاركات
فرصتك يا كريبتون

[Ahmed Selim]

لاء بجد العتب على استاذ شاركي اللي معرفنيش ان حضرتك دكتور في فنية

سيبك منه يا كيمو.....ده ممكن المتسابقين يشتروه بحجر تفاح و كباية مانجة

[Hegazio]

يا جماعة المواصفات الفنيـــــــــــة إيــــــــــه ؟
Type pf file
resolution
layers
colours separation
عشان بس ما نعملش شغل لا يصلح من وجهة نظر المطبعة
أو يبقي فيه مطلوب تعديل بسيط لا يمكن تعديله
.
أنا عموما باقترح من خلال خبرتي إرسال المشاركات JPG لسهواة ارسالة و حجمه
و بعد كده أفضل 5 لوجوهات يتم ارسالها ( ممكن ب CD لو حجمها ممكن يكون كبير ) علي ملف Tiff أو PSD مفتوح ال Layers للتعديل

[GMakram]

انا بقترح وضح اسم صاحب التصميم الفائز على اللوجو بتاع المنتدى او على الاقل الحروف الاولى من اسمه حتى لو بخط صغير كنوع من التكريم لصاحب التصميم الفائز وبالتوفيق للجميع
تقبلوا تحياتى

[akmal_hamdi]

سيبك منه يا كيمو.....ده ممكن المتسابقين يشتروه بحجر تفاح و كباية مانجة

ممكن بس تفاح فاخر و فرابتشينوا كراميل
1- مقيش اشتراطات فنيه علشان تطلق العنان للخيال و الأبتكار ولأ تحجم الأبداع .
2- المقاس زى ما حددته بابعاد 30 سم في 6 سم و ممكن تزيد حاجه بسيطه .
3- مراعاه التلخيص و التجريد من التفاصيل الزائده و عدم المبالغه فى شكل الخط الخارجى للشعار.
4-عمل صيغ مختلفه للتصميم الواحد وادخال العديد من الألوان بجوار اللون ألأصفر الغالب (هو فى الأصل درجه من درجات البرتقالى ) مثل مثلاُ اللون و مكمله (البرتقالى و ألأخضر)او اللون ومضاده (البرتقالى و الأزرق ) على سبيل المثال لأتاحه الفرصه لأختيار كذا درجه لونيه و التصفيه بينهم .
5-على المشاركين ألأحتفاظ بنسخه من التصميم بصيغه PSD حتى اذا وقع الأحتيار على احدهما تكون جاهزه للتعديل الطفيف و الطبع.
6-ال resolution لا يقل عن 500.
7- المشاركات توضع فى صيغه ال JPG

دى حاجات اساسيه لو عجبتك يا كريم ضمها لشروط المسابقه