تليفون شكاوى الميكروباصات

[ecybrarian]

المهندس صلاح فرج رئيس هيئة النقل العام بالقاهرة ذكر في حوار في جريدة الأهرام (الثلاثاء، 29 سبتمبر 2009، الصفحة 7) انه يوجد في مكتبة غرفة عمليات تعمل على مدار 24 ساعة لتلقي شكاوى المواطنين ضد الميكروباصات رقمها 25888149. "والمواطن الشاكي عليه فقط أن يذكر الواقعة وتوقيت حدوثها وبيانات الميكروباص ومواصفات السائق إن استطاع مع ترك اسمه وتليفونه" (يقصد اسم وتليفون الشاكي)

[Terrible_DaRsH]

مع انه قرار سليم 100 % , الا انى شاكك فى جدية التعامل مع الشكاوى .

[ecybrarian]

افلح إن صدق..وإن شاء الله صادق..ليه يعني ما يبقاش في حاجة عدلة ممكن تحصل

[Terrible_DaRsH]

هما كده كده اساسا بيرخموا على سواقين الميكروباصات علشان بيطلعوا عينيهم و بيسوقوا من غير رخص و مجننين الحكومة علشان كده الحكومة اعلنت عليهم الحرب :) .

مش حكاية ضمير يعنى .

[amr.elsayed]

هما كده كده اساسا بيرخموا على سواقين الميكروباصات علشان بيطلعوا عينيهم و بيسوقوا من غير رخص و مجننين الحكومة علشان كده الحكومة اعلنت عليهم الحرب :) .

مش حكاية ضمير يعنى .

بالاضافة انها سبوبة حلوة يدفعوا سواق الميكروباص غرامة مثلا

[أبو إياد]

اللى خلاهم مش بيردوا على ارقام الطوارىء هايردوا على الشكاوى

الشكوى لغير الله ..............

[Abo_Lina]

هو الميكروباص تابع لهيئة النقل العام ?
طيب وبعد ما أقول نمرة الميكروباص و الواقعة هايعملوا ايه ? هل هما في ايديهم وسائل عقاب و لا هايبلغوا المرور ? و لو كده طب ما نتصل بالمرور و خلاص ..

بس كويس الميكروباصجية محتاجين اللي يقصقص ريشهم

[Amrrr]

مش هيلاحقوا عالشكاوي طبعا

[Pharaoh]

مفيش مانع نجرب و نبقى ايجابيين

[Amrrr]

مفيش مانع نجرب و نبقى ايجابيين

[dr-mohamed]

انتم فهمتم غلط
الراجل ميقدش الميكروباس العادي
يقصد السيارات الميني باص التابعة للهيئة لانه مالهوش اي سلطة على الميكروباس العادي
وسلموا لي على المترو

[mostafa3000]

بلاش الحكم المسبق
الايام جاية هنجرب ونشوف

[MohaMed_Refaat]

فشر اعلامى .

[Abo_Lina]

انتم فهمتم غلط
الراجل ميقدش الميكروباس العادي
يقصد السيارات الميني باص التابعة للهيئة لانه مالهوش اي سلطة على الميكروباس العادي
وسلموا لي على المترو

هو ده غالبا المقصود فعلا