(نانو) كمان نزلت السوق

[itsonlyme]

ياسيدي نايل ولا ريفار ولا بحر يسموها زي ميسموها النانو الاصلية افضل طبعا وكمان هندية بس مش في مصر اللي حاليا في مصر الصيني واللي انا بتكلم عنها

يا دكتور تيمو ما أنت لخبطت الدنيا وكتبت في العنوان ان تاتا نانو صينية (وهي في الحقيقة هندية). ده غير انك تقصد نايل تك الصينية.

[blazer]

حضرتك انا مش بتكلم على تاتا نانو لانها فعلا هاتتسوق فى اوربا ومطابقه للمواصفات الاوربيه.

انا بتكلم على ( نايل تك ) اللى ب 25 الف اللى الموضوع معمول علشانها اصلا !!!

عذرا للخطأ
اما كونتاكت دا حاطط صوره تاتا نانو ليه!!!!!!
نايل تك دى عربيه بحمار
دى محصلتش تكتك

[dr_timo]

يا دكتور تيمو ما أنت لخبطت الدنيا وكتبت في العنوان ان تاتا نانو صينية (وهي في الحقيقة هندية). ده غير انك تقصد نايل تك الصينية.

ههههه معلش لخبطة غير مقصودة بس هية مقصودة من التوكيل اللي منزل الصيني عشان الناس تتلخبط بينها وبين الهندي عشان كدة قصدت اكتب صيني عشان افرقها عن الهندي يكتبو بقي تاتا نانو ولا كوكو واوا مش فارقة اهو اي اسم يعبر عن شكل العربية الكتاكيتو خالص

[Ignition-Kid]

عذرا للخطأ
اما كونتاكت دا حاطط صوره تاتا نانو ليه!!!!!!
نايل تك دى عربيه بحمار
دى محصلتش تكتك

ولا يهمك احنا هنا بنتعلم كلنا من بعض

[Ghamrawy]

ارجو منكم نشر الحقيقة دى فى كل حتة علشان حرام الناس تدفع 25000 فى صندوق قمامة بدركسيون

[ahmdmagdy]

في حاجه يا جماعه ف السعر بتاع النايل تك بغض النظر عن ماركة العربيه يعني الماروتي اللي هي 800 سي سي ب 38 ألف و النايل تك اللي موتورها 200 سي سي ب 25 ألف طيب ازاي

[coco511]

يعني كده خلاص مفيش أمل في تاتا خطي العتبه ديه؟
كنت عايزه اجيبها لابني بدل اللي بتتشحن ديه يلعب بيها في الشارع

[amrico]

انا اسف في اللفظ بس نايل تك نانو دي شكلها مقرف قوي
يعععععععععععععععع

[د.محمود صلاح]

حذار من شراء الصينى مجهول الهوية , ولك الله يا شعبنا يا غلبان

[M.almaghraby]

شكلها وحش اوي اوي يا جدعان بجد

دا طلع في عربيات اوحش من الماتركس اهه!!!!!!!!!!!

لا حول ولا قوة الا بالله

يا جمااااااااعة الواحد يجيب موتوسيكل ريس 400 سي سي هوندا ارحم بكتييييييييييييييييييييييير

[casperinoo]

ContactCars
/News_ViewStory.asp?NewsID=3781



فجر ملحق السيارات التابع لصحيفة "الجمهورية" مفاجأة مثيرة بالإعلان عن أن السيارة "نايل تك نانو" التي ذكر المحلق ذاته الأسبوع الماضي أنها صينية ، مصرية 100% اسمها "نانو إيجيبت" ومن إنتاج شركة حلوان ومحركات الديزل".

وقال المهندس رضا غازي رئيس مجلس إدارة المصرية للاستيراد الوكيل الوحيد للسيارة التي تم صنعها في شركة "حلوان ومحركات الديزل" إن "نايل تك نانو" هي الهدية التي تقدمها الشركة لمحدودي الدخل بسعر لم يسبق له مثيل في العالم لا يتجاوز 24.999 جنيه".

وأضاف غازي أن شركته تقدم السيارة بأقل مقدم وأقل قسط ، مشيرا إلى أنها مصممة لتفادي أضرار المطبات العشوائية ، كما أنها مصنعة من الصاج لتحمل أقصى ظروف التشغيل الممكنة.

وتوفر "نايل تك نانو" في استهلال البنزين ، إذ أنها تستهلك 3 لترات لكل 100 كيلو متر، كما تتحمل درجة حرارة عالية تصل إلى 50 درجة وهي أقصى ظروف تشغيل ، ومساحة السيارة الداخلية واسعة وبها إطارات معالجة ضد الثقوب وتلحم نفسها بنفسها ، فضلا عن فتحة سقف ، وفوانيس شبورة وجهاز كاست حديث ، كما أن قطع الغيار متوافر بأسعار رخيصة.



سيارة على الطريقة المصرية

والسيارة مصممة بالكامل من الصاج ، وتتحمل درجة حرارة عالية قد تصل إلى 50 درجة مئوية ، و"عفشتها" تتمتع بنفس مواصفات سيارات "سوزوكي" اليابانية ، وبها فتحة سقف و"سبويلر" خلفي.

وكشف غازي عن أن قيمة "عمرة" الموتور كاملة لا تتعدى 250 جنيها ، مشيرا إلى أن جميع العملاء يمكنهم مشاهدة السيارة من خلال الوكيل الحصري أو أحد موزعي الشركة.

وكانت شركة "تاتا موتورز" الهندية قد أنتجت "تاتا نانو" الذي وصفتها حينها بأنها أرخص سيارة في العالم ، وذلك بعد طرحها مقابل 2500 دولار أمريكي.

يذكر أن أول سيارات "نانو" قد صُنعت في مصنع بشمال الهند، وتقدر قدرتها الإنتاجية بـ60 ألف وحدة سنويا ، وكانت "تاتا موتورز" قد سلمت في يوليو الماضي أول 3 سيارات من طراز " نانو"، في احتفال بمدينة مومباي.












نفترض انها مصريه 100% زي مابيقولوا...طيب كانو مخبيين ليه ..يمكن خايفين من الحسد

[the-hero]

على فين يا بلد