تجربة مريرة على الدائري و المحور !!!

[ahmedsrs]

المشكلة ان الشعب المصرى فهلوى... ليه تقف فى الطابور لما ممكن تخرم من جنبة؟؟

:shock: :shock: :shock: :shock: :shock:

[tutankhamoun]

أنا لا أسمي هذه فهلوة ........... بل أسميها قلة أدب و أنعدام ضمير للأسف و لا أحد ينزعج و يزعل إذا شعر أن كلامي قوي

[OsKaR]

و في مشكله بتنتج من المشكله ديه و هي ان الواحد في الاخر بيضطر يعمل زيهم عشان يخلص مع اني بحب النظام والاحترام و اما بسوق في مكان منظم و محترم -البحرين مثلا بحكم سفري الدائم هناك - ببقى ماشي عدل و بتقي ربنا لكن في مصر اذا معملتش كده مش هتروح صدقوني غصب عني

[الريس]

من يهن يسهل الهوان عليه ما لجرح بميت ايلام

احنا (الناس المتعلمة المتربية اللي تعرف العيب) نستحق كده و اكتر كمان
علشان شفنا و سكتنا
لحد ما بقت عادة
ثم حق
و اخبط دماغك في الحيط
يا راجل
دي بلد تخنق

[aboalm]

فكرتنى بموقف مشابه تماما حدث معى فى السعوديه اثناء أداء العمره كنت بأشترى خبز من أحد الآفران و كان طابور منظم و كالعادة دخل واحد مصرى فى اول الصف مره واحده عايز يشترى الاول البائع رفض و قال له اقف فى الصف انت مش احسن منهم بمنتهى............ ان خلاص سألتهم و الناس وافاقت طبعا من غير ما أحد يلحق يقول أه أو لاء طبعا الراجل برضه رفض تماما و خرج صاحبنا و هو طبعا مش عاجبه

[hatem_badawe]

اة من نزلة المهندسين المعاناة اليومية لغاية التحرير

الطريق كلة واقف ويا سلام لو رئيس الوزرا معدي الي في الدائري مش هينزل قبل ساعة


الشرطة هتعمل اية في الاخلاق


:? :? :? :?

[tutankhamoun]

اة من نزلة المهندسين المعاناة اليومية لغاية التحرير

الطريق كلة واقف ويا سلام لو رئيس الوزرا معدي الي في الدائري مش هينزل قبل ساعة


الشرطة هتعمل اية في الاخلاق


:? :? :? :?

الشرطة في أيديها تعمل كتير ........ يعني مثلا يكون في ظابط هناك و اللي يحاول دخول الفتحة من فير أقصى الحارة اليسرى محاولا تخطي السيارات كما يحدث اﻵن يتم سحب رخصته
و يكون في رادارات منتشرة على الطرق السريعة لتقليل سرعة المتهورين
يجب أن تتعود الناس على السرعات المناسبة الآمنة التي لا تسبب الحوادث و لا تسبب تعطل حركة المرور مثل 90كم/ساعة
و إليك الآتي عندما يكون هناك رادار على الطريق الكل يهدي و يمشي على مهله علشان خايفين
و ده يثبت أن لو في قانون رادع لأنصلح الحال
و الشعب المصري ما بيجيش غير بالدق على دماغة [smilie=pdt_aliboro: [smilie=pdt_aliboro: :rock:

[m74mansour]

هى فعلا مشكلة النشأة والتربية لكن نشئة وتربية مجتمع وبلد كامل.
من خمسينات القرن الماضى والهم الأوحد للحكام هو تغييب الشعب من خلال تجفيف منابع التربيه وقتل كل مظاهر الإيجابية المتأصلة فى أولاد البلد ومن خلال الدين (إسلامي ومسيحي) ، وده بكل الطرق الممكنه من أول وسائل الإعلام وطبعا ربنا يورينا يوم فى صفوت اللى مش شريف وللا حاجه وعادل إمام وهو فعلا إمام فى الفساد والفهلوه وتهميش وتسطيح كل ماله قيمه وعلى الجانب الأخر يتم التعامل الأمنى مع كل من يحاول البناء والإصلاح .... حسبنا الله ونعم الوكيل

[badblood]

مش حقول غير كلمة واحدة حسبي الله ونعم الوكيل

[TAREK ZIAD]

إقتباس
هى فعلا مشكلة النشأة والتربية لكن نشئة وتربية مجتمع وبلد كامل.
من خمسينات القرن الماضى والهم الأوحد للحكام هو تغييب الشعب من خلال تجفيف منابع التربيه وقتل كل مظاهر الإيجابية المتأصلة فى أولاد البلد ومن خلال الدين (إسلامي ومسيحي) ، وده بكل الطرق الممكنه من أول وسائل الإعلام وطبعا ربنا يورينا يوم فى صفوت اللى مش شريف وللا حاجه

فعلا هى دى المشكلة عندنا فى مصر .....للأسف الشعب لوحده مش غلطان..... الطفل من صغره لو لم تتم تربيته سيشب عاق و عديم الأخلاق.... الشجرة عندما تنبت لو لم يتم تشذيبها ستنمو معوجة و غير مستقيمة..... إحنا فى مصر الحكومات المتعاقبة نظرا لعدم قدرتها على توفير الحد الأدنى من مقومات المدنية قامت برفع يدها تدريجيا عن تطبيق القوانين إن وجدت.... وبالتالى ليس أمامك سوى المخالفة أو تصبح الشاذ وسط الجميع.
الصورة الجميلة الموجودة فى توقيع أخونا توت هى تجسيد حى لمشاكلنا - شعب و حكومة - كل دول العالم تضع قوانين و نظم و على الجميع إحترامها... فى الصورتين الفرق واضح تماما: بالصورة الأوروبية أو الأسيوية (الدول المحترمة يعنى) توجد خطوط واضحة للحارات بالطريق، ويوجد عندهم نا يسمى قانون مرور كما يوجد عندهم وعى و ثقافة مرورية، يعنى ممنوع مثلا السير فى غير الحارات الموضحة بالطريق أو التخطى وتوجد عقوبات رادعة لذلك....قانون مرورى، علامات ويفط وإرشادات مرورية، الجدية الشديدة فى إجراءات الحصول على رخصة بعد دورات دراسية جادة مش بالكوسة......إحنا بقى و الحمدلله : الرخص بالكوسة وإنت قاعد حاطط رجل على رجل و بدون حتى معرفة مبادئ القيادة فما بالك بالعلامات و أداب المرور، لا يوجد قانون مرور مطبق، لا توجد إشارات أو علامات أو ........ يبقى نتوقع إيه........ شعب برى نما و تكون بدون محددات أدبية أو أخلاقية.....وربنا يرحمنا برحمته......كل ما أشوف الصورة أقول لسة بدرى قوى وفعلا الله لا يسامحك يا مش شريف إنت و أمثالك....
تحياتى
م/طارق زياد

[محمدايهاب]

ليه حضرتك ما تعاقبش غلي بيغلط علشان يتربى بجد والله هو ده الحل انا لو حد كسر علي أو شتمني أو اخذ حارتين أو وقف في نص الطريق يا ويله يا سواد ليله والله ما بسبهوش و كتيير بنزل اتخانق معاه هو مرة على مرة هيتعلم ذي الحيوانات ( التعلم عن طريق التعود)
أنا مثلا بتجنب جدا إني أكسر على حد بس لو حصل و كسرت0 حد كسر عليا - مش مركز -....) بفتح الشباك و ارفع ايدي و استنى أما إلي كسرت عليه يبقى جنبي و اعتذر ممكن يقبل الاعتذار و ممكن يبصلي بحتقار طبعا على حسب التربية و الأخلاق

[tutankhamoun]

ليه حضرتك ما تعاقبش غلي بيغلط علشان يتربى بجد والله هو ده الحل انا لو حد كسر علي أو شتمني أو اخذ حارتين أو وقف في نص الطريق يا ويله يا سواد ليله والله ما بسبهوش و كتيير بنزل اتخانق معاه هو مرة على مرة هيتعلم ذي الحيوانات ( التعلم عن طريق التعود)
أنا مثلا بتجنب جدا إني أكسر على حد بس لو حصل و كسرت0 حد كسر عليا - مش مركز -....) بفتح الشباك و ارفع ايدي و استنى أما إلي كسرت عليه يبقى جنبي و اعتذر ممكن يقبل الاعتذار و ممكن يبصلي بحتقار طبعا على حسب التربية و الأخلاق

أنا بعمل كدا و الله لغاية ما دمي اتحرق خالص و قرب يبقى معنديش دم :D :D :D :D :D
و لكن نحن نسبح ضد التيار يا سيدي الفاضل ........... إن لم تفعل الحكومة شئ فأنسى يا عمرو :? :? :?

[BASHAR]

Re: تجربة مريرة على الدائري و المحور !!!

من الحقوق الإنسانية و القوانين العمول بها بين الناس هو احترام الدور بمعنى من يأتي أولا يذهب أولا .......... إلا في مصر
:twisted: :twisted: :twisted: :twisted: :twisted:
الشعب لا يحترم الدور و الطابور نهائيا نهائيا نهائيا نهائيا نهائيا
:? :? :? :? :? :? :? :? :? :? :? :?
نرجع لعنوان الموضوع
أقود على الطريق الدائري و في طريقي إلى نزلة المهندسين التي تلحم مع المحور توقف المرور حوالي 45 دقيقة للسير بالسيارة 500 م لأني كنت بجانب اليافطة التي تقول ذلك -- 500 على المحور --
و لكن كعادة هذا الشعب الفوضوي ........... يأتي السائقون من كل الاتجهات للدخول إلى اليمين أي نزول فتحة المحور المتجهة إلى المهندسين
تخيلوا 45 دقيقة بسبب الفوضى و عدم أحترام حقوق غيرك
حتى أن الطريق أنسد تماما في طريق السيارات المتجهة طوالي
من الناحية الدينية تعتبر هذه سرقة :twisted: :twisted:
لأن من تخطاني ليدخل قبل مني سرق حقي في الدخول بما أني كنت قبله في الوصول إلى الطريق أو الفتحة و ما أعنيه هنا أنه كسر الطريق علي ليأخذ ما لا يستحقه .
و هذا ليس له أي مبرر على الأطلاق كأن يقول الناس أصل أنا مستعجل !!!
الناس كلها مستعجلة و عندها أعمال تريد الذهاب إليها .....
و هذا ليس في السيارات فقط و لكن في شتى نواحي الحياة
فمثلا تكون واقف تتحدث مع بائع في محل و يأتي شخص ما فوضوي و منهم كثيرون و يقطع حديثك مع البائع ليسأل سؤال حتى بدون أن يستأذن و في مرة أوقفت شخص من هؤلاء الفوضويين و قلت له ...... " لماذا قاطعتني و أنا أتحدث ......... ألا ترى أني أكلمه ........ فنظر لي و كأني حشرة حقيرة و قال لي ......... هذا ليس شأنك أنا لا أكلمك أنا أتحدث مع البائع ....... فقلت و لكني من كان يتحدث و قمت بمقاطعته ........ فقال لي هو أنت هاتشتري المحل لحاسبك " و المصيبة أنه كان طبيب !!!!!!!!!!!!!!!!!!!!!!!!!!!!!!!
و هذا يدل على أن الأخلاق هي ملك للإنسانية و ليس المتعملين فقط و تكون شئ مرتبط بالأمة
و للأسف الأخلاق في أيامنا هذه لا توجد إلا قليل
أخلاق يوك ........ ادب يوك .......... تربية يوك
و لا أملك إلا أن أقول فيمن أخذ دوري و يأخذه كل يوم
حسبي الله و نعم الوكيل فيهم و في الشرطة الذين هم مسؤلون عن ذلك و لا يفعلون شئ :-? :-? :-?

يكفي اسم الموضوع بدون مضمون هائل هائل هائل واضم صوتي الي صوتك حسبنا الله ونعم الوكيل

بشار