الفرق بين السرعة و التهور

[Samir Elshahawy]

يوم الخميس الماضي كنت مسافر كالعادة الي السويس (ميناء الادبية) و فجأة و انا راجع الي السويس تمهيدا للعودة الي القاهرة جائتني مكالمة غيرت مسار رحلتي تماما كي أتجه الي بورسعيد و بأقصي سرعة كي ألحق احدي السفن أثناء عبورها لقناة السويس قبل أن تغادر بورسعيد

طبعا كنت أول مرة أمشي علي طريق السويس / الاسماعيلية لذا كنت أسير بحرص و حذر شديدين خاصة أن حالة الطريق سيئة جدا و به تقاطعات و مناطق سكنية عديدة بالرغم من أني كنت أسير بسرعة (140 كم/ساعة) في معظم مراحله و طبعا لما طلعت علي طريق الاسماعيلية / بورسعيد الذي أصبحت أعرفه جيدا فتحت زيادة علشان أعوض التأخير لكن برضه بحذر و حرص

طيب أيه لازمتها المقدمة دي ؟؟
هأقولكوا حالا ...

اللي حصل أني بالرغم من كوني ماشي بسرعة عالية طول الطريق (نظرا لظروف العمل) ألا اني من النادر أني كنت اعمل غرز (ألا للضرورة برضه و حين تكون المسافة كافية) أو أزنق نفسي وسط عربيتين مثلا أو ألزق في العربية اللي قدامي علشان تعديني بسرعة أو أشد مع عربية عدت مني في حين أن كان امامي عربية ميتسوبيشي كولت سايقها شاب من الاسماعيلية (من الشباب الميكي ميكي ......) و عمال يديها في غرز يمين في شمال بداعي و بدون داعي و علي سرعات قد تصل الي 160 كم/ساعة او اكثر و بشكل يؤذي من حوله لدرجة انه كان هايلبس عربية ياريس فرملت فجأة في عربية نقل وراها بسبب الغرزة اللي عملها من يمين الياريس , و في الاخر حصلت البيه علي مدخل بورسعيد يبقي أيه لزمتها بقي الغرز و التنطيط يمين و شمال الطريق

هو ده الفرق بين السرعة و السرعة بتهور
بس ياريت الناس اللي بتمشي علي الشمال تقدر ان اللي جاي من علي الشمال و بسرعة ده ممكن يكون عنده ظروف تجبره علي السرعة دي و توسع له علشان مايضطرش يعدي من اليمين و يعمل غرزة حتي و لو المسافة كافية و الطريق واضح

أسف علي الاطالة

[Rembrandt]

القانون صريح وحضرتك خالفت القانون بتجاوزك السرعة المحددة للطريق والظروف اللى حضرتك شرحتها ليست مبرر للسرعة عذر أقبح من ذنب فأعتقد ان مفيش فرق بينك وبين الشاب الميكى ميكى اللى كان بيغرز انتو الاتنيين خالفتو القانون بتجاوز السرعة المحددة وروعتو السائقيين على الطريق
أنتو الاتنيين زى بعض ولو سئلت الشاب الميكى ميكى دة أكيد هيلاقى لنفسة المبرر هو الاخر للسرعة

[M.Mosaad]

القانون صريح وحضرتك خالفت القانون بتجاوزك السرعة المحددة للطريق والظروف اللى حضرتك شرحتها ليست مبرر للسرعة عذر أقبح من ذنب فأعتقد ان مفيش فرق بينك وبين الشاب الميكى ميكى اللى كان بيغرز انتو الاتنيين خالفتو القانون بتجاوز السرعة المحددة وروعتو السائقيين على الطريق
أنتو الاتنيين زى بعض ولو سئلت الشاب الميكى ميكى دة أكيد هيلاقى لنفسة المبرر هو الاخر للسرعة

مفيش فرق بين سرعه و سرعه بتهور الاتنين سرعه و تعريض حياه الناس للخطر لان لاقدر الله لو حضرتك عملت حادثه و السواقه ملهاش كبير كنت حضرتك مش هتروح معادك خالصصصصصصصصص مش هتتاخر و بس
ربنا يكفينا و يكفيك شر السرعه لان برضة انا فيا الداء دة و مش عارف ابطله و حاسب نفسي برضة بسوق بسرعه بس باخد بالي و عارف اني غلطان ربنا يهدينا و يهديك

[Rembrandt]

مفيش فرق بين سرعه و سرعه بتهور الاتنين سرعه و تعريض حياه الناس للخطر لان لاقدر الله لو حضرتك عملت حادثه و السواقه ملهاش كبير كنت حضرتك مش هتروح معادك خالصصصصصصصصص مش هتتاخر و بس
ربنا يكفينا و يكفيك شر السرعه لان برضة انا فيا الداء دة و مش عارف ابطله و حاسب نفسي برضة بسوق بسرعه بس باخد بالي و عارف اني غلطان ربنا يهدينا و يهديك

مش عارف انت أقتبست مشاركتى لية لان الكلام دة المفروض يوجة لصاحب الموضوع مش لية

[M.Mosaad]

مش عارف انت أقتبست مشاركتى لية لان الكلام دة المفروض يوجة لصاحب الموضوع مش لية

سوري انا بكمل علي كلامك بس لكن نسيت اشير لكدة

[Rembrandt]

سوري انا بكمل علي كلامك بس لكن نسيت اشير لكدة

حصل خير

[icehearted girl]

حضرتك تقصد بالتهور انه كان هيلبس عربيتين ببعض؟؟

يعني التهور مجرد خسائر فلسيارة وبس؟

اعتقد خسائر الارواح اهم

ودي بتحصل في حالات السرعه بكل صورها بدون استئناء

[elwad_crazy]

لا ياجماعه في فرق ان واحد بيجري بتهور وواحد بيجري عشان يلحق حاجه بس بيجري بعقل مش بتهور

[Hegazio]

لأ فيه فرق
و أمام القانون ( بالذات بره ) فيه فرق
لما تكون السرعة القصوي بره ( معلش أصل هنا القانون موجود و لكن لا يطبق ) 120 و تجيب 123ماحدش بيكلمك و لما تجيب 130 تبقي مخالف بس مخالفة بسيطة .. غير لما يمشي علي 150 ده مخالف و متهور و مخالفة غير بسيطة
و فيه تهور مخالفته الحرمان من السواقة بتاتا
.
أحيي صاحب الموضوع ..

[aymansaad]

انا شايف انهما وجهان لعملة واحدة
وربنا يسترها

[Samir Elshahawy]

لا ياجماعه في فرق ان واحد بيجري بتهور وواحد بيجري عشان يلحق حاجه بس بيجري بعقل مش بتهور

بأشكرك علي ردك لأن مهما كنت مضطر انك تجري علشان تلحق موعد مهم او تودي حد المستشفي أو تنقذ حد فبرده لأزم تجري بعقل و بدون ماتؤذي نفسك و الاخرين و ده اللي نفسي الناس تفهمه كويس

الاخوة اللي شاركوا في الموضوع بأشكرهم بشدة و بأقولهم :
معاكوا حق في النقد اللي وجهتوه ليا لأني تجاوزت السرعة القانونية و لكن اسمحوا لي أسأل حضراتكم ..
- مين بيمشي علي السرعة القانونية أصلا في مصر في غياب الرقابة و تطبيق القانون ؟؟
- و اللي بيقول انه بيمشي علي السرعة القانونية هل بيلتزم و يمشي في الحارة المخصصة للسرعة دي أو علي يمين الطريق لما يلاقي عربية جاية من وراه بسرعة و بتقلب له نور علشان يوسع ؟؟

أحب أقول للسادة المحترمين اللي بيلتزموا بالسرعة القانونية علي الطرق أنتوا السبب في الغرز و الحركات البهلوانية لأنكم ماسكين في الحارة الشمال و متبتين فيها و مش عايزين تفهوا ان الحارة دي للتخطي فقط و بعد كده ترجع لحارتك الاصلية (اللي هيا في اليمين)

و علي رأي المثل : "لا تعايرني و لا اعايرك الهم طايلني و طايلك"

مع خالص تحياتي و تقديري
م/ سمير الشهاوي

[icehearted girl]

- مين بيمشي علي السرعة القانونية أصلا في مصر في غياب الرقابة و تطبيق القانون ؟؟

أنا

[Hegazio]

أنا

يا جامد انت
طب بذمتك .. ما بتذوديش عن 60 جوه البلد زي ما القانون بيقول ؟ ولا حتة عكسي في السريع كده حتي ؟

[Samir Elshahawy]

أنا

طيب و بتمشي علي اليمين و لا الشمال ؟؟
و المرايات أخبارها أيه ؟؟ :b4_033:

[icehearted girl]

هههههههههههههههههههههههههه

بالراحة بس ناقص تقولولي هل لديك اقوال اخري

المرايات فلتمام وبمشي ديما شمال ...اهو اعتراف اهو لاني بتخنق ماليمين بصراحة لان طريقي كله ميكروباصات مجنونة

ولو حد عنده ظرف او مستعجل زي محضرتك بتقول بوسعله مش برخم يعني وامسك شمال غتاتة وخلاص

ولو عالعكسي مش هكدب عليكم هوا بس شارعنا عشان قفلوا دخلته فبمشي حوالي 30 متر عكسي بس

ومبزودش عن السرعة المقررة

اولا لان الفيات مش خدماني اوي فلموضوع دا

ربكم والحق يعني قصر ديل

ثانيا اني اعمل حسابي فوقتي احسن ميت مرة ملسربعة والجري

وبعدين علي فكرة الجري جوا البلد دا انتقاص من حق المواطن العادي اللي بيمشي موتو ليج

وبالتالي ربنا هيبعتلك اللي ينتقص من حقك انت كمان