استفسارات عن احلال التاكسـي

[ahmed_177]

السلام عليكم

انا عندى شوية استفسارات عن احلال التاكسي
ويارب الاقى اجابات عند حضراتكم

1- ما هو الموديل الذى يبدأ عنده الاحلال
انا سمعت ناس بتقول السيارات اللى مر على تصنيعها 30 سنه وناس تانيه بتقول 25 وناس بتقول 20
فياريت اعرف اى موديل بالتحديد

موديل 78 وما قبله
موديل 83 وما قبله
موديل 88 وما قبله

2- تكلفة التاكسى القديم حوالى 35000 الى 40000
المبلغ ده معايا الحمدلله

بعد شراء التاكسى وعند ارادتى للاحلال
هل ساقوم بدفع مقدم للسياره الجديده للبنك
ام القسط الشهرى فقط هو الذى سأتحمله

3- وردية التاكسى الجديد 8 ساعات كام
بمعنى اوضح انا لما اديها لسواق 8 ساعات اتفق معاه على انه يدينى كام فى ال 8 ساعات
والبنزين هيكون على السواق

4- افضل نوع سياره فى السيارات الموجوده بالمشروع
انا محتار بين
هيونداى فيرنا ومش عارف الافضل البنزين وله الغاز
وبين شيفروليه لانوس ودى بنزين بس

واستبعدت البيجو ياريس 405 لان الموجود اكيد الايرانى مش الفرنساوى

5- الضرائب بتكون فى حدود كام

6- موضوع تجديد الرخصه كل 3 شهور ده هل هو مكلف

7- من الاوراق المطلوبه للبنك للاحلال
وصل تليفون ونور وغاز وكهرباء

انا مش فاهم هما عايزين كل والوصولات دى
وله وصل واحد بأسم صاحب الرخصه وبنفس العنوان يكفى

انا اسف جدا بس الرد على الاستفسارات دى هيريحنى من كام مشوار
فياريت الاقى ردود وانشاء الله بلاقى

السلام عليكم

[lada2010]

بص انا اقول لك انت بتشترى التاكسى القديم وتغيروا باسمك وتدخل بة التكهين وبتاخد عربية جديدة تمام بالنسبة للتامين هو مومن على التاكسى لمدة 5 سنوات ومفيش مقدم ولو هتجيب لانوس 750 شهريا حتى 5 سنوات دا غير هيضع لك اعلانات على العربية وبلاش تفكر فى غاز لانة هيهالك لك العربية ولا عايز تجيب حد يشتغل على العربية الوردية 100 والبنزين علية ويستسحين تجيب حد معرفة علشان ما يهالك لك العربية لان من خلال كلامك انت جايب العربية نوع من الاستثمار صح الكلام

[solycar]

1-20 سنة يعنى موديل 88

2- القسط الشهرى بس اللى هاتتحمله

3-معنديش فكرة

4-راى الشخصى شيفروليه لانوس

5-معرفش كام بس متهايألى فى حدود 800 او 1000 جم

6- بتجيب جواب من البنك انك منتظم فى دفعالقسط و جواب من التوكيل انك منتظم فى الصيانة و بكدة يديك التصريح بدون مليم

7-فى البنك هيقولك على كل الورق

[ahmed_177]

بص انا اقول لك انت بتشترى التاكسى القديم وتغيروا باسمك وتدخل بة التكهين وبتاخد عربية جديدة تمام بالنسبة للتامين هو مومن على التاكسى لمدة 5 سنوات ومفيش مقدم ولو هتجيب لانوس 750 شهريا حتى 5 سنوات دا غير هيضع لك اعلانات على العربية وبلاش تفكر فى غاز لانة هيهالك لك العربية ولا عايز تجيب حد يشتغل على العربية الوردية 100 والبنزين علية ويستسحين تجيب حد معرفة علشان ما يهالك لك العربية لان من خلال كلامك انت جايب العربية نوع من الاستثمار صح الكلام

اشكرك جدا جدا على ردك
وانا دلوقتى تقريبا عرفت كل حاجه بلا استثناء عن موضوع الاحلال
اللى فاضل بس موضوع الورديه
والسواق اللى هجيبه انشاء الله معرفه بس معرفه سطحيه

حضرتك بتقول ان الغاز بيهلك العربيه هو الكلام طبعا صحيح
بس البنزين عن الغاز تقريبا بيفرق من 25 الى 30 جنيه فى الورديه

المهم كده كده بنزين وله غاز بيكون على السواق

وانشاء الله انا ناوى اجيب هيونداى فيرنا غاز
انا شايف انها انسب وافضل عربيه معروضه فى المشروع
وبعدين عادى العربيه بتشتغل الاتنين بنزين وغاز
عايز اعرف رأى حضرتك فيها

السؤال المهم بقى هنا

ورديه - بنزين - 8 ساعات = كام
ورديه - غاز - 8 ساعات = كام

واشكرك جدا جدا جدا

السلام عليكم

[ahmed_177]

1-20 سنة يعنى موديل 88

2- القسط الشهرى بس اللى هاتتحمله

3-معنديش فكرة

4-راى الشخصى شيفروليه لانوس

5-معرفش كام بس متهايألى فى حدود 800 او 1000 جم

6- بتجيب جواب من البنك انك منتظم فى دفعالقسط و جواب من التوكيل انك منتظم فى الصيانة و بكدة يديك التصريح بدون مليم

7-فى البنك هيقولك على كل الورق

solycar الف الف شكر

حضرتك فضلت الشفروليه لانوس
بس هى 1500 cc وبدون غاز عكس الفرينا 1600 cc وبغاز

وانا كنت عايز عربيه فيها غاز علشان مضطرش انى اركب غاز

على العموم قسط العربيتين متقارب

شيفروليه لانوس جميع الكماليات بنزين = 735
هيونداى فيرنا غاز = 790

لو حضرتك شايف فى فرق كبير بين الاتنين فى الشغل كتاكسى
فياريت حضرتك تنصحنى

وربنا يجازيك خير انشاء الله

[akram2010]

مشروع التاكسى فى مصر فاشل , الدنيا زحمه والمشوار بياخد من نصف ساعه الى ساعه فى احسن الاحوال وخبط وحرق اعصاب وزبون مش هايدفع لك حق الساعه واهلاك عربيه بسرعه وخنقها بسرعتها البطيئه طول النهار . شوف لك مشروع تانى وانت حر

[ahmed_177]

مشروع التاكسى فى مصر فاشل , الدنيا زحمه والمشوار بياخد من نصف ساعه الى ساعه فى احسن الاحوال وخبط وحرق اعصاب وزبون مش هايدفع لك حق الساعه واهلاك عربيه بسرعه وخنقها بسرعتها البطيئه طول النهار . شوف لك مشروع تانى وانت حر

شكرا على ردك و رأيك يحترم طبعا
بس انا مش معاه
وشكرا مره تانيه

[solycar]

solycar الف الف شكر

حضرتك فضلت الشفروليه لانوس
بس هى 1500 cc وبدون غاز عكس الفرينا 1600 cc وبغاز

وانا كنت عايز عربيه فيها غاز علشان مضطرش انى اركب غاز

على العموم قسط العربيتين متقارب

شيفروليه لانوس جميع الكماليات بنزين = 735
هيونداى فيرنا غاز = 790

لو حضرتك شايف فى فرق كبير بين الاتنين فى الشغل كتاكسى
فياريت حضرتك تنصحنى

وربنا يجازيك خير انشاء الله

على فكرة الغاز مش كويس على الموتور هو فعلا اوفر بس مش كويس
وبما ان الوقود على السواق فخليها بنزين افضل

و بالنسبة لموضوع فيرنا و لانوس ف الفرق مش شاسع بينهم بالعكس هما متقاربين جدا و فى مقارنه بينهم عملها سبعاوى فى قسم المقارنات

عموما انا ميال لللانوس و شوف انت مرتاح لايه و ربنا يوفقك إن اشاء الله

[solycar]

مشروع التاكسى فى مصر فاشل , الدنيا زحمه والمشوار بياخد من نصف ساعه الى ساعه فى احسن الاحوال وخبط وحرق اعصاب وزبون مش هايدفع لك حق الساعه واهلاك عربيه بسرعه وخنقها بسرعتها البطيئه طول النهار . شوف لك مشروع تانى وانت حر

ده لو تاكسى ابيض و اسود فعلا

لكن التاكسى الجديد مكيف و العداد هو اللى بيقول كام الاجرة و السواقين بيبقوا راضيين و الناس مش بتعترض على حاجة لان دة العداد بتاع الحكومة

[ahmed_177]

على فكرة الغاز مش كويس على الموتور هو فعلا اوفر بس مش كويس
وبما ان الوقود على السواق فخليها بنزين افضل

و بالنسبة لموضوع فيرنا و لانوس ف الفرق مش شاسع بينهم بالعكس هما متقاربين جدا و فى مقارنه بينهم عملها سبعاوى فى قسم المقارنات

عموما انا ميال لللانوس و شوف انت مرتاح لايه و ربنا يوفقك إن اشاء الله

مش عارف والله اشكر حضرتك ازاى على المتابعه
وردوك اللى طبعا هاخدها بعين الاعتبار
واشكرك على دعوتك الحلوه دى
وليك منى 1000 مثلها

ويارب الاقى حد يجاوبنى على موضوع الورديه ده

[lada2010]

تسمع راى هات لادا اول قطع غيار معمرة تانيا بتضع بنزين 80 ثالثا تستحمل هلاك الشوارع فى مصر

[ahmed_177]

تسمع راى هات لادا اول قطع غيار معمرة تانيا بتضع بنزين 80 ثالثا تستحمل هلاك الشوارع فى مصر

اه طبعا لازم تشجع اسمك

بس والله فكره برضه اكيد اليوميه هتتوازن مع القسط القليل بتاعها
وتبقى زى الفيرنا او اللانوس

بس الواحد مستحرم يجيب تاكسى قديم فى حدود 38 الف 40 الف
وياخد بداله لادا
فالواحد بيفكر لقدام فى عربيه الموديل بتاعها يقعد اكبر فتره ممكنه

[maka]

اه طبعا لازم تشجع اسمك

بس والله فكره برضه اكيد اليوميه هتتوازن مع القسط القليل بتاعها
وتبقى زى الفيرنا او اللانوس

بس الواحد مستحرم يجيب تاكسى قديم فى حدود 38 الف 40 الف
وياخد بداله لادا
فالواحد بيفكر لقدام فى عربيه الموديل بتاعها يقعد اكبر فتره ممكنه

بلاش لادا دريكسونها تقيل و بيضها بيملص بسرعة , انا لسه من 3 ايام راكب تاكسى بونى و طلع داخل احلال

قريب واتناقشت مع السواق فى العربيات اللى نازلة فى الاحلال وقال لى انه ناوى يجيب الفيرنا علشان غاز وكان نفسه

اللانوس تنزل بغاز اما اللادا بيقول عيوبها اكتر من مميزاتها وانه ساقها سنة واحدة فى حياته وكانت اسوء سنة

بالنسبة له . ويارب اكون افدتك

[ahmed_177]

بلاش لادا دريكسونها تقيل و بيضها بيملص بسرعة , انا لسه من 3 ايام راكب تاكسى بونى و طلع داخل احلال

قريب واتناقشت مع السواق فى العربيات اللى نازلة فى الاحلال وقال لى انه ناوى يجيب الفيرنا علشان غاز وكان نفسه

اللانوس تنزل بغاز اما اللادا بيقول عيوبها اكتر من مميزاتها وانه ساقها سنة واحدة فى حياته وكانت اسوء سنة

بالنسبة له . ويارب اكون افدتك

هو انا سألت كتير على موضوع ايه افضل عربيه نازله الاحلال
اتوصلت ان اللانوس افضل من الفيرنا
لان العربيه مش هتتحمل تشتغل كتاكسى ورديتين مثلا وتكون ماشيه بالغاز
هو الغاز كويس فى حالة الملاكى لان استخدامه بيكون قليل طبعا مش زى التاكسى

وبرضه مش هتفرق ممكن اجيب الفرينا واشغلها بنزين
واللى عايز يجيب اللانوس ويشغلها غاز عادى ممكن تتحول
عند التوكيل

بشكرك على ردك جدا جدا

السلام عليكم