هام وعاجل جدااا ... اتصرف ازاي مع التوكيل ؟؟؟

[doublerisk]

التوكيل اتصل بيا النهارده وقالي العربيه جاهزه بس لازم ادفع الاول واستلم ورقها بعد يومين وبيقولي هما نظامهم كده وماينفعش ادفع واخد الورق في نفس الوقت

قاللي اقتراحين :

يا اما ادفع النهارده واستلم العربيه وبعدين استلم الورق يوم السبت

يا اما ادفع النهارده واستلم العربيه والورق مع بعض يوم السبت

انا مش متخيل اني اخد العربيه من غير ورقها ولا اني ادفع فلوسي كلها وماخدش ولا العربيه ولا الورق

على فكره الكلام ده في التوكيل نفسه

اعمل ايه ؟؟؟

[party_0000]

وليه متدفعش السبت وتاذخد الورق والعربيه وتاخد بعضك وترخص !!

[doublerisk]

المشكلة في ان استلام الورق لازم يكون بعد الدفع بيومين
يعني لو دفعت يوم السبت هاستلم الورق يوم الاثنين

[amr.elsayed]

عادى ومفيش قلق ومعظم التوكيلات بتعمل كدة
ولو عايز تاخد العربية وتركنها عند البيت لحين ما تستلم ورقها
مفيش مشكلة بس غطيها اهم حاجة
عايز تسيبها هناك لحد الورق ما يوصل مفيش مشكله
انا بفضل الحل الاول عشان فى المعرض او التوكيل مش كل شوية
واحد يجى ويفتح العربية يتفرج عليها ويعفص فيها

[Ahmed Nouh]

طيب هل فى ورق هيثبت حقك انك دفعت , وصل او عقد يعنى ؟

لو فى يبقى توكل على الله وادفع

[aymansaad]

ازاى ادفع المبلغ كله وما استلمش العربية طبعا ده تهريج و استهبال من التوكيل

[doublerisk]

ان شاء الله هادفع النهاردة وهاستلم وصل بالمبلغ واحتمال اسيب العربية فالمعرض ليوم السبت لاني مش هاقدر اسوقها من غير ورقها اليومين دول
شكرا جزيلا لاهتمامكم

[nomercy22]

عادى ومفيش قلق ومعظم التوكيلات بتعمل كدة
ولو عايز تاخد العربية وتركنها عند البيت لحين ما تستلم ورقها
مفيش مشكلة بس غطيها اهم حاجة
عايز تسيبها هناك لحد الورق ما يوصل مفيش مشكله
انا بفضل الحل الاول عشان فى المعرض او التوكيل مش كل شوية
واحد يجى ويفتح العربية يتفرج عليها ويعفص فيها

كلام مظبوط وده اللي حصل معايا في توكيل رينو وفعلا بعد يومين من استلام العربيه اخدت الورق توكل علي الله ومتخافش ان شاء الله

[A.Saad]

هوة ايه التوكيل ده
اللى ممكن تتاخر شهادة البيانات
لكن خطاب المرور ما هم اللى بيكتبوة