محطة بنزين موبيل - اسكندرية عند جامع سيدى بشر على البحر

[hobby10]

السلام عليكم ورحمة الله وبركاته

انا ياجماعة من يومين دخلت البنزينة دى وكنت عاملة حسابى انى ححتاج حوالى 20 لتر تقريبا على التفويلة ... قولتله فول لاول تكة ....... هوب لاقيت الماكينة بتقول 36 لتر ( بنزين 92) بحوالى 66 جنيه .... المهم حاسبت ومشيت ... واقعدت اضرب اخماس فى اسداس لانى كنت مشيت بالعربية ( اللوجان الجديدة ) حوالى 216 كيلو وال 36 ليتر دول معناهم ان ال 100 كيلو بياخد 16 لتر ............ وده طبعا مستحيل بجميع المقايس ........ ده ملوش الا معنى واحد ان البنزينة دى لاعبين فى الماكينة بتاعة البنزين او ان البيه مصفرش العداد وفى جميع الاحوال هم حراميه .............. انا حبيت بس احذر كل الناس من البنزينة دى لانى طبعا كده دفعت بتاع 25 جنيه بلوشى ده غير الخضة والقلق لاتكون العربية لا قدر الله فيها حاجة ....... شكرا

[a7mode]

اه فعلا البنزينه دى مش كويسه ابدآآآآآآآآآآآ

بصراحه انضف بنزينات عالبحر هما موبيل الشاطبى والبنزينه اللى جمب سيتى بنك دول انا بروحلهم مخصوووووص

[homme49]

نصيحة لكل من يملأ سيارته فول تانك أن يقوم بالنزول من السيارة و مراقبة عامل المحطة و عداد اللترات و لا تترك له المفتاح ليقوم بذلك من تلقاء نفسة (النفس أمارة بالسوء) و يستحسن تتبع كلامك بعد كلمة "فول لأول تكة "
هى حا تاخد تقريبا 19 أو عشرين لتر علشان يعرف إنك متابع و لا تحدثه نفسة بالسوء .

[Beam28]

غريبة جدا!!! آنا كنت فاكر ان هوجة السرقة في بنزينات موبيل في اسكندرية خلصت من كام سنة فاتوا!! انا في زيارة واحدة لاسكندرية اتسرقت في بنزينتين موبيل بس الكلام ده من سنين.. سبحان الله في الناس اللي ماعندهاش ضمير دي

[fadyspot]

بصراحة يا جماعة بجد حاليا فى اسكندرية انضف محطة الواحد بتعامل فيها مصر الامارت اللى بعد الموقف الجديد انا عارف انها بعيدة شوية بس بجد معاملة رائعة و ناس كلهم عليهم رقابة و عموما ربنا يرحمنا برحمته و معلش يا باشمهندسه محدش بيتعلم بالساهل للاسف

[hossam_elwani]

عايز توضيح لتقطة هما ممكن يلعبو فى عدادت الطرمبة بتاعت البنزينه وتعد خلاف ما هو واقع !!!!!!

[hobby10]

عايز توضيح لتقطة هما ممكن يلعبو فى عدادت الطرمبة بتاعت البنزينه وتعد خلاف ما هو واقع !!!!!!

الله اعلم هم بيعملوا ايه بالظبط بس الاكيد ان فى لعب اعتقد اما لعب فى العدادات او عدم تصفيره مثلا

[hobby10]

بصراحة يا جماعة بجد حاليا فى اسكندرية انضف محطة الواحد بتعامل فيها مصر الامارت اللى بعد الموقف الجديد انا عارف انها بعيدة شوية بس بجد معاملة رائعة و ناس كلهم عليهم رقابة و عموما ربنا يرحمنا برحمته و معلش يا باشمهندسه محدش بيتعلم بالساهل للاسف

يالله الحمد لله ... عموما انا دلوقتى بتعامل اما مع بنزينة موبيل سموحة او احيانا موبيل اللى فى جمال عبد الناصر اللى عند الاكاديمية وبسسس

بقول لحضرتك تعرف بنزينة شل جوه اسكندرية ( مش على الطريق يعنى ) ؟؟

[frhateg]

ياريت تقوليلي رايك في اللوجان الجديدة

[the-hero]

خلاص قوله عدد اللترات اللى هتحتاجها ال الالعداد عندك بيعمل اية

[bishoo33]

بصراحة يا جماعة بجد حاليا فى اسكندرية انضف محطة الواحد بتعامل فيها مصر الامارت اللى بعد الموقف الجديد انا عارف انها بعيدة شوية بس بجد معاملة رائعة و ناس كلهم عليهم رقابة و عموما ربنا يرحمنا برحمته و معلش يا باشمهندسه محدش بيتعلم بالساهل للاسف

فعلا بنزينة الأمارات هى أنظف بنزينه سواء اللى بعد الموقف الجديد أو اللى فى وادى القمر قبل سى جل

[ابوهاشم]

انا اى مره اروح البنزينه
لازم انزل بنفسى واتابع الماكينه بعينى
فعلا النفس اماره بالسوء

[hobby10]

ياريت تقوليلي رايك في اللوجان الجديدة

جميلة جدا الحمد لله .... وسع وثبات وعفشة وسحب جميل

[Youssef.Awad]

تعيش وتأخد غيرها يا باشمهندس
يلا ما حدش بيتعلم بلاش
وأصلهم متعودين على النصب كده دايما عشان جنب فندق maritim أو رامادا وع البحر يعنى الزبون طيارى مرة واحدة ومش راجع تانى
وبعدين بصراحة كده حضرتك وأنا وأى حد داخل أى بنزينة المفروض يبقى محدد هو عاوز كام لتر بالزبط وحاسب هايدفع كام
إنما الاستسهال وكلمة فوُل التانك دى معناها بتقول للراجل فى البنزينة خد راحتك ع الآخر واسرقنى مش فارقة معايا الفلوس
وبعدين إيه لازمة كومبيوتر الرحلات وحساب معدل استهلاك البنزين والمسافة المتبقية لنفاذ التانك فى اللوجان إن شاء الله لما بتقوله فول التانك؟!!!
ياريت نغير سلوكنا أولا قبل أن نلوم الآخرين على سلوكهم