سيارة كهربائية تقطع 400 كم في الشحنة الواحدة

[itsonlyme]

شركة BYD الصينية انتجت سيارة كهربائية عائلية تقطع مسافة 400 كم في الشحنة الواحدة.

السرعة القصوى للسيارة 160 كم/ساعة و التسارع من صفر لـ 60 ميل/ساعة (95 كم/ساعة) في ثمانية ثوان.

الشحن الكامل يأخذ 7 الى 8 ساعات من مخرج الكهرباء المنزلي.
لكن يمكنك شحنها في محطة خاصة في ساعة واحدة أو نصف شحن في 10 دقائق.

الخبر من بي بي سي

YouTube - BYD Electric Car

YouTube - BYD E6

فاضل بس ان احنا نتكلم عن سعرها.

العربية سعرها 30 ألف جنيه استرليني = 50 ألف دولار = 270 ألف جنيه.
هي موجهه مبدئياً لسوق كاريفورنيا حيث مشاهير هوليوود وأثرياء بفرلي هيلز المعروف عنهم ولعهم بالسيارات الصديقة بالبيئة.
في حال انشارها وانخفاض تكلفة الانتاج سوف تدخل السوق الصينية وربما بقية الأسواق العالمية.

[itsonlyme]

صفحة السيارة على موقع الشركة

[Terrible_DaRsH]

ساعة شحن !! فى محطات خاصة !

كتير اوى ساعة شحن , يعنى الواحد يقعد فى المحطة ساعة يشحن و لو فى بيته يقعد 8 ساعات .

كمان سعرها هيتحط عليه جمارك بالفولت مش ب ال cc :)

[Ahmed Nouh]

على فكره ساعه شحن مقارنه بالعربيات الكهرباء اللى موجوده حاليا رقم رااااااائع وسريع جدا جدا

byd من بين كل شركات الصين فعلا واخده خطوات ثابته فى الجوده والتقنيات , انا سوقت ال f3 الهايبرد اللى كانت فى اوتوماك اللى فات والعربيه كانت اكتر من رائعه وكل اللى جربها مكنش مصدق انها صينى

[itsonlyme]

على فكره ساعه شحن مقارنه بالعربيات الكهرباء اللى موجوده حاليا رقم رااااااائع وسريع جدا جدا

byd من بين كل شركات الصين فعلا واخده خطوات ثابته فى الجوده والتقنيات , انا سوقت ال f3 الهايبرد اللى كانت فى اوتوماك اللى فات والعربيه كانت اكتر من رائعه وكل اللى جربها مكنش مصدق انها صينى

الظاهر ان شركة byd هي ثاني أكبر مصنع للبطاريات في العالم.

أنت سوقت الـ f3 الهايبرد ولا ركبتها بس؟ احكلنا عن التجربة.

[د.محمود صلاح]

كتير جدا ساعة , لسه بدرى على العربية الكهربائية لما تبقى عربية اعتمادية

[itsonlyme]

كتير جدا ساعة , لسه بدرى على العربية الكهربائية لما تبقى عربية اعتمادية

أنا رأيي ان لسة شوية مش كتير على العربية الكهربائية لما تبقى اعتمادية.

قبل العربية دي كان زمن الشحن وطول المسافة المقطوعة في الشحنه الواحدة غير عملي. لكن العربية دي قربت اليوم اللي تكون فيه العربية الكهربائية عملية.

فاضل بس السعر والوزن. العربية وزنها 2 طن!

مشكلة العربيات الكهربائية في حجم البطارية ووزنها وسعرها وقصر عمرها.

[bishoy02010]

ويا ترى هتستحمل تتشحن كام مرة مهى اكيييد ليها مدة زى بطرية الموبيل مثلا مبتكملش سنة وتتغير

[Ahmed Nouh]

الظاهر ان شركة byd هي ثاني أكبر مصنع للبطاريات في العالم.

أنت سوقت الـ f3 الهايبرد ولا ركبتها بس؟ احكلنا عن التجربة.

ركبتها فى المعرض وبعد المعرض كان فى تست درايف وجربت العربيه , احساس رهيب انك سايق عربيه ملهاش صوت مجرد زنه خفيفه كدا واستجابه فظيعه فعلا تحس ان الموتور بيقرى انت عايز ايه قبل ما تدوس بس طبعا مجرد ما تحاول تشد الحته البنزين تقوم تفوقك من الهدوء

طبعا انا مجربتش عربيات هايبرد محترمه علشان احكم هى فين من اداءهم لكن بشكل عام العربيه كان باين عليها ملامح التطور أوى وحتى لما قريت عنها بعد كدا وشوفت التقنيات عرفت انها فعلا عربيه مصروف عليها فى التطوير كتير وماشيه فى الطرق الصح البطاريه تقدر تمشى العربيه 100 كم بدون شحن ولو استخدمت الموتور البنزين العربيه بتشحن منه وحسب كلام الشركه ان العربيه تقدر توصل لسرعه 150 كم فى الساعه بدون استخدام محرك البنزين بس يعنى لازم يبقى التسارع بالهداوه

[itsonlyme]

ويا ترى هتستحمل تتشحن كام مرة مهى اكيييد ليها مدة زى بطرية الموبيل مثلا مبتكملش سنة وتتغير

فعلاً دي مشكلة كبيرة في البطاريات. البطارية لها عمر افتراضي وبعديها أداءها بيقل وتحتاج تغيير.
والبطارية مش حتبقى رخيصة.

[bishoy02010]

فعلاً دي مشكلة كبيرة في البطاريات. البطارية لها عمر افتراضي وبعديها أداءها بيقل وتحتاج تغيير.
والبطارية مش حتبقى رخيصة.

أكيد مفيش اختلاف على كده ده غير اننا بنتكلم على بطرية موبيل ملهاش لزمة شوف هنا هيحتاجو بطاريات عاملة إزاى بقى

[mimo4019]

بس ممكن لو مستعجل تشحن نصف البطارية في 10 دقايق اعتقد 10 دقايق كويس.
وانا قريت على موقع الشركة ان بعد 2000 دورة كاملة البطارية كفائتها بتبقى 80% يعني (2000*400=800000كم) وده حاجة اعتقد كويسه اوي يعني بدل ما تمشي 400كم في الشحنة الواحدة هتمشي (400*0.8=320كم وده بعد 800000كم).
ولا رأيكم ايه؟؟

[itsonlyme]

ايه يا جماعة، مفيش حد بيقول رأيه في العربية دي ليه؟
لو المواصفات اللي بتدعيها الشركة الصينية دي صحيحة، تبقى العربية دي ثورة في عالم السيارات.

يا ريت حد يقارن لنا بينها وبين الـ Chevrolet Volt و Tesla Model S

[D . a .\ AYMAN]

بس ممكن لو مستعجل تشحن نصف البطارية في 10 دقايق اعتقد 10 دقايق كويس.
وانا قريت على موقع الشركة ان بعد 2000 دورة كاملة البطارية كفائتها بتبقى 80% يعني (2000*400=800000كم) وده حاجة اعتقد كويسه اوي يعني بدل ما تمشي 400كم في الشحنة الواحدة هتمشي (400*0.8=320كم وده بعد 800000كم).
ولا رأيكم ايه؟؟

لو الكلام ده مظبوط تبقى العربية كده قربت انها تكون فعلا إعتمادية زي محرك البنزين

ولو هاتعمل نص عدد الدورات دي في الشحن على إعتبار إنك مش كل مرة شحن هاتكون كاملة يعني هاتبقى مرة كاملة ومرة نص شحنة فقط .. لأن الواحد دلوقتي في المتوسط بيعمل في الإسبوع حوالي من 500 ـ 700 كيلو في الإسبوع ... يعني تقريب شحنة ونص

يبقى البطارية برضه هاتعمل رقم كويس وهوة 400،000 كيلو على الأقل قبل أن تنقص قدرتها وتبدأ في الإحتياج للتغيير بعد فترة غير قصيرة أيضا

[M!NA]

أول مرة أشوف الأرقام ديه في عربية كهربائية.... !!!

لو صدقوا في كلامهم ... تبقا فعلا حاجة تحفة ...