اللي اختشوا ماتوا

[DR.M]

من سنه وكام شهر بعت عربيه لتاجر ( اقل ما يوصف به انه حرامي)
المهم كانت فيها رخصه سنه و باسمي
عملت له عقد مسجل (على حسابي) و صورته

الباشا جالي الشغل النهارده يطلب منى تجديد الرخصه باسمي
(اللي اختشوا ماتوا) مثل قديم
قلت له روح جددها قالي مش فاضي ومحتاجه شغل وخليها بأه كدة(تهديد)

السؤال :ممكن يجي تبديد لوحات ليا ؟؟وايه المفروض عمله؟؟
شكرا لتعبكم في القراءة

[Abo_Lina]

أنت لو معاك اقرار استلام سيارة يبقى و لا تسأل فيه
بيكون مكتوب فيه ان السيارة الفلانية انتقلت من حوزة فلان لفلان في يوم كذا الساعة كذا و يكون هو ماضي عليه

[yahiahelaly]

مش عارف بس بيتهيئلي بلعقد الي معاك ده مسؤليتك انتهت عن العربية زي بلضبط لقدر الله هوة خبط واحد بيها وراح بلغ هيجبوك وبعد كدة هيعرفوة انك بعتهالوه

[aymansaad]

حسال محامى صاحبى عن الاجراء واقولك ان شاء الله

[freez]

بص حضرتك قانونا انت من لحظة البيع وتوقيعه على عقد البيع اللى المفروض انه بيقر فيه بأستلامه للسياره بالحاله اللى ترضيه وخلوها من العيوب يبقى + تسجيل العقد انت كده مش عندك اى مسؤوليه تجاه السياره ولو حضرتك بصيت فى بنود العقد المفروض هتلاقى الكلام ده

[DR.M]

الف شكر للأخوه الأعضاء بجد حسيت انكم معايا ومش لوحدي
متشكر لmr.Tyler ,mr.Yahia,mr Ayman and mr.Freez

[icehearted girl]

وماله

الناس لبعضيها

[sha2e]

يعنى هوا فاضي يجيلك الشغل ومش فاضي انه يروح يجدد عربيته
مكان الاولى بدل ما يجيلك الشغل يروح يجدد ترخيص عربيته

اعتقد ان العيب من عند حضرتك لأن واضح انك اتساهلت معاه كتير قبل كده وده اللى خلاه توصل درجة البجاحه بتعته لحد كده

انا لو منك اشوف موقفي القانوني ايه الاول وبعد كده لو مرحش هوا جددها ابلغ انا فيه بنفسي

[جمال]

اذا كان معاك عقد بيع مسجل كما ذكرت , فملوش عندك حاجة و انت كده خالى المسئولية عن السيارة تماما , واعتقد ( و التأكيد على القانونيين ) ان انت ليس لك الحق فى تجديد السيارة باسمك لانك بعتها خلاص و لو جددتها باسمك تكون مخالفة قانونية عليك
كل اللى عليك انك تروح المرور التابع له السيارة و تضع صورة العقد المسجل بالملف بتاعها كتأكيد لاخلاء المسئولية

[بحري]

حتى إنه بفرض جالك محضر تبديد لوحات فده يعتبر كلام فارغ، حضرتك بيتحددلك جلسة في المحكمة وبتروح بنفسك والأفضل إنك تعمل توكيل لمحامي وبيظهر للقاضي عقد البيع وبس خلاص وخليه يلبس في حيطة لما يجي يجدد، وحتى لو جت عليك غرامة بتبقى حاجة بسيطة بتدفعها وخلاص بتنتهي علاقتك بالسيارة طالما مش حتجدد تاني وبالتالي تتحول العربية لحتة حديدة
وممكن تعمل مذكرة إثبات حالة في القسم
هو عاوز يخوفك ويضغط عليك إنك تدفعله شوية فلوس يزقوا معاه زقة في تكاليف الصيانة عشان الفحص زي ما دفعلته تكاليف التسجيل على أساس إنك راجل طيب ومحترم ومش بتاع مشاكل
سيبك منه ولما يكلمك قوله خلاص العربية بتاعتي وباسمي وحابعت آخدها ولو مجبتهاش حاخدها بالشرطة ويا سلام لو كان معاك نسخة من المفتاح فلو قلتله كده حيلم نفسه
أنا عن نفسي لما بابيع عربية باحتفظ بنسخة من المفتاح وإقرار استلام بخط إيد المشتري

[YaSSerwIN]

نفس الى حصل معايا كنت بايع عربيتى لواحد بس هو قليل الذوق شوية
وقبل ما الرخصة ما تخلص لقيته بيكلمنى ويقولى جددلى الرخصة علشان مش فاضى
قولتله أعتبر دة انه من عاشر المستحيلات

كل دة علشان يوفر مصاريف نقل الملكية والمخالفات والنمر الجديدة وخلافه

قوله أخبط دماغك فى الحيط

[mkhalifa73]

اقولك حاجه خد منه الرخصه وكام يوم كده وقله ضاعت

[Mohamed.Fawzy]

ولا تسأل فيه ....ده ابتزاز و حضرتك معلكش اى مسؤليه قانونيه

و قولوا اخبط دماغك فى الحيط

[DR.M]

متشكر يااخواني الأعزاء على ردودكم

[A.Saad]

اقولك حاجه خد منه الرخصه وكام يوم كده وقله ضاعت

والعربية كمان