6 أكتوبر من رمسيس - مواصلات

[ahmad33hussein]

السلام عليكم ورحمة الله وبركاته

عاوز اروح 6 أكتوبر وبالتحديد الحى المتميز مستشفى الفؤاد

من رمسيس

ياريت اللى يعرف اسهل وانسب مواصلات يقولى
خصوصا انى مش من سكان القاهره

[A.Saad]

فيه ميكروباصات لاكتوبر من الاسعاف
يعنى اركب اى حاجة ماشية فى ش الجلاء لحد الاسعاف واركب الميكروباص من هناك
بس مش عارف بيعدى على دار الفؤاد ولا هتغير فى اكتوبر

[sh21s]

هناك موقف للميكروباصات في رمسيس في شارع الترعة البولاقية.
هناك سوف تجد ميكروباصات أكتوبر كثيرة جدا، وكل مجموعة تذهب إلي منطقة معينة في أكتوبر (ميدان ليلة القدر، الحصري، السادس ...).
أغلبهم يستخدمون المحور و بذلك سوف يمروا بكل تأكيد علي دار الفؤاد.
ولكن للتأكد اسأل السواق قبل التحرك و أكد عليه و إن شاء الله يكون الطريق سالك و تصل بالسلامة.

[د.أحمد سمير]

من رمسيس تدخل شارع الجلاء
وتدخل الشارع اللي على يمين قسم الأزبكية
هتلاقي قدامك موقف أكتوبر فوق نفق شبرا مباشرة
أي ميكروباص هيوصلك دار الفؤاد
سواء كان بيقول زايد جامعة مصر
أو جامعة حصري
أو سادس
وهو ماشي في المحور هيقابله ميدان وحيد فيه إشارة اسمه ميدان جهينة
بعد ما يعديه ويكمل المطلع قوله نزلني عند دار الفؤاد
هتلاقيها على شمالك على الطريق مباشرة بجوار جامعة مصر للعلوم والتكنولوجيا وفندق سوفيتيل
وتوصل بالسلامة

[ahmad33hussein]

متشكر جدا ليكم

وجزاكم ربى كل خير

[ahmad33hussein]

معلش سؤالين تانى

لو ركبت مترو من محطه حسنى مبارك ونزلت محطه جمال عبد الناصر ( الاسعاف ) هبقى قريب من قسم الازبكية ولا هرجع مسافه كبيره ؟

ولما احب اركب من عند مستشفى دار الفؤاد وراجع على رمسيس اركب منين؟

[د.أحمد سمير]

القسم أقرب لمحطة حسني مبارك أو أحمد عرابي فقط
لا تقلق من العودة ..
لو كنت قبل الساعة 2 هتلاقي الميكروباصات فاضية
لو بعد الساعة 2 هاتركب من قدام جامعة مصر حوالي 200 متر فقط من أمام دارالفؤاد
لو في حدود الساعة 4 مش هتلاقي حاجة توديك رمسيس أغلب الميكروباصات هتلاقيها لحد ميدان لبنان فقط ..

[A.Saad]

الازبكية بعيد عن جمال عبد الناصر - الاسعاف
وهو اقرب لرمسيس من احمد عرابى
هوة مكانه بالظبط على ناصية الشارع اللى بيودى على نفق شبرا

[ahmad33hussein]

مش عارف اقولكم ايه غير

أفضل الدعاء

جزاكم ربى كل خير

[ahmad33hussein]

دمتم فى حفظ الله وآمنه