أصدقائى القاهريين طلب من أخوكم السكندرى

[bishoo33]

بأذن الله
عندى meeting فى فندق concord elsalam بهليوبليس فى الفترة ما بين 1/12/2009 الى 4/12/2009 وسوف أسافر بالسيارة من أسكندرية يوم الأثنين 30/11/2009 بعد العصر على الطريق الصحراوى
لو سمحتم وبالتفصيل الممللللللل
1- أقصر وأقرب الطرق من بوابة الصحراوى وحتى الفندق
2- هل توجد أية أعمال على الطريق الصحراوى للأنتباه لها
3- شكرا للمساعدة
4- ممكن رقم تليفون لأى منكم على الخاص وذلك للأستعانه به فى حالة التوهان لقدر الله

[جمال]

نعم توجد اعمال صيانة كثيرة على الصحراوى
ولكن معمول لها وصلات جيدة جدا و بها علامات واضحة ليلا و نهارا ومع بعض الانتباه لاتوجد مشاكل باذن الله
بالنسبة للطريق اللى انا اعرفه هو بعد البوابة تطلع المحور ثم الدائرى الى طريق الاسماعيلية , وطبعا الاخوة القاهريون ممكن يدلوك احسن منى

[HeMa_LanCeR]

احسن طريق من وجه نظري
انك تطلع من البوابات وتاخد الطريق الدائري
وبعد حوالي 5 كيلو هتلاقي وصله علي اليمين بتقولك المعادي\ القطاميه
هتدخلها وتفضل ماشي زي ما انت علي طول وبعد حوالي 30 كيلو هتلاقي نزله المطار سيبك من اول واحده انزل التانيه اللي هي واخد لفه
لما تنزل هتفضل ماشي في طريق السويس ده لحد ماتلاقي كوبري اسمه الكيلو 4.5 تروح داخل من تحتيه يمين يعني تخلي الكوبري فوق
وانت تاخد من قبله علي طول يمين
اخر الطريق ده علي اليمين فندق السلام
انا شايف ان حتي لو الطريق ده طويل شويه بس ده اسلك حاجه بدل الزحمه
وشوف باردو رأي الاعضاء ايه

[bishoo33]

thanks alot
لو سمحت ممكن الطريق من وسط البلد

[HeMa_LanCeR]

منين من وسط البلد بالظبط

[Abdo_Eldesokey]

احسن طريق من وجه نظري
انك تطلع من البوابات وتاخد الطريق الدائري
وبعد حوالي 5 كيلو هتلاقي وصله علي اليمين بتقولك المعادي\ القطاميه
هتدخلها وتفضل ماشي زي ما انت علي طول وبعد حوالي 30 كيلو هتلاقي نزله المطار سيبك من اول واحده انزل التانيه اللي هي واخد لفه
لما تنزل هتفضل ماشي في طريق السويس ده لحد ماتلاقي كوبري اسمه الكيلو 4.5 تروح داخل من تحتيه يمين يعني تخلي الكوبري فوق
وانت تاخد من قبله علي طول يمين
اخر الطريق ده علي اليمين فندق السلام
انا شايف ان حتي لو الطريق ده طويل شويه بس ده اسلك حاجه بدل الزحمه
وشوف باردو رأي الاعضاء ايه

إيه التعقيد ده

مش عارف يا جماعة انتوا بتمشوا في القاهرة دي ازاي

أنا حاسس حتى لو عشت فيها 100 سنة بردوا مش هعرف أمشي فيها

أنا مش بحسد ولا حاجة يا باشا .. ربنا يباركلك

وكل عام وانت بخير

[bishoo33]

شكرا لتفاعلكم معى
وكل عام وانت بخير
من المحتمل أن أصطحب الأسرة معى وانتم عارفين أكيد هم يريدون ان يتعرفوا على شوارع القاهرة بدلا من الدائرى اللى ورانا ورانا فى الأسكندرية والقاهرة
فلو سمحتم اريد أن أسلك الطريق من وسط البلد يعد نهاية المحور
وشكرا

[HeMa_LanCeR]

طيب ده طريق جميل جدا بس انا مش مسؤل لو اتعقت من القاهره
حضرتك هتطلع المحور
وتكمل علي طول لحد ماتطلع كوبري 15 مايو
وتفضل ماشي علي طول لحد ماتلاقي الكوبري خلص
كده يبقي انت في شارع اسمه 15 مايو
هتلاقي شارع بالعرض في وشك واجباري هتدخل يمين الشارع ده بقي اسمه شارع الجلاء
هتمشي شويه وتدخل اول دخله يمين وتلف وترجع الاتجاه العكس
بس خلي بالك ان الاتجاه العكس ده بيكون شارع موازي للي انت فيه يعني مش في نفس الشارع
المهم لما تلف وترجع هتكون انت كده في شارع رمسيس
هتفضل تمشي لحد ماتلاقي كوبري في الشمال اطلعه (ده اسمه كوبري احمد سعيد) وكمل زي ما انت
هتفضل ماشي باردو لحد ما تلاقي مطب صناعي
بعد المطب ده هتلاقي الشارع بقي فيه يمين وشمال وكوبري وجنبيك جامع كبير (اسمه جامع النور بالعباسيه)
حضرتك هتطلع الكوبري ده وتنزل منه وتكمل علي طول بس خلي بالك علشان انت ممكن تتلغبط في الجزء ده علشان باردو فيه يمين وشمال وعلي طول
انت كمل علي طول يعني تدخل شارع امتداد رمسيس 2
وتفضل ماشي فيه لأخره
هتلاقي شارع بالعرض ده بقي اسمه طريق الاستوراد
اول ما تدخل هتلف من اول فيتحه شمال وترجع (هتلاقي الفتحه تحت الكوبري اللي جنبك علي طول)
اول ما تلف يبقي انت كده في اتجاه مدينه نصر
هتفضل واخد الشارع ده لأخره ولا يمين ولا شمال هتعدي اشارات وشوراع كتير سيبك من ده وكمل
لحد ما تلاقي الطريق خلص وبقي في يمين وفي شمال
بس شمالك ده كوبري اسمه كوبري الكيلو 4.5 هتطلعه وتنزل منه يبقي انت كده في طريق المطار
تفضل ماشي زي ما انت لحد قبل اخر الشارع بكيلو تقريبا هتلاقي الفندق علي ايديك اليمين
الف مبروك
بس نصيحه خد الدائري d:

[bishoo33]

أخى وعزيزى hema
مش عارف أشكرك ازاى والله العظيم وأنا بقرأ الوصف أكنى على الطبيعة وحاسس انى ماشى فى القاهرة
ربنا يكرمك
وبأذن الله حأعمل برنت للوصف حت يكون تحت ايدى وانا فى القاهرة
واليك سؤال تانى أصعب من الأولانى بس أستحملنى
سوف أكون free بعد الساعة سابعة مساءا كل يوم ولمدة 3 أيام عايزك تقولى على أحسن ثلاث أماكن للفسحة ليلا وتكون عائلية وممتعة وطبعا متنساش وصف الطريق وللتسهيل عليك فى أختيار الأماكن
أسرتى مكونة من 5 أفراد
العبد لله وأهوى الأماكن المفتوحة
زوجتى وتهوى الأماكن المغلقة جبدة التهويه
عمر 8 سنوات يهوى السيارات ذى ابوه بل أحسن وبطل فى الجودو و حاصل على الحزام الأخضر
يوسف 4 سنين خالف تعرف (أنا أنكد اذن أنا موجود ) بس حبيبى ومحبش أزعله ...... نقطة ضعفى
حبيبة أبوها جودى 10 شهور ولسه يا دوبك مخلصة المضاد الحيوى من دور أحتقان فى الزور
وأخيرا لو عايز حاجة من أسكندرية اطلب النهاردة ستجد طلبك يوم الأثنين بين أيدك
والسلام عليكم ورحمة الله وبركاته

[HeMa_LanCeR]

أخى وعزيزى hema
مش عارف أشكرك ازاى والله العظيم وأنا بقرأ الوصف أكنى على الطبيعة وحاسس انى ماشى فى القاهرة
ربنا يكرمك
وبأذن الله حأعمل برنت للوصف حت يكون تحت ايدى وانا فى القاهرة
واليك سؤال تانى أصعب من الأولانى بس أستحملنى
سوف أكون free بعد الساعة سابعة مساءا كل يوم ولمدة 3 أيام عايزك تقولى على أحسن ثلاث أماكن للفسحة ليلا وتكون عائلية وممتعة وطبعا متنساش وصف الطريق وللتسهيل عليك فى أختيار الأماكن
أسرتى مكونة من 5 أفراد
العبد لله وأهوى الأماكن المفتوحة
زوجتى وتهوى الأماكن المغلقة جبدة التهويه
عمر 8 سنوات يهوى السيارات ذى ابوه بل أحسن وبطل فى الجودو و حاصل على الحزام الأخضر
يوسف 4 سنين خالف تعرف (أنا أنكد اذن أنا موجود ) بس حبيبى ومحبش أزعله ...... نقطة ضعفى
حبيبة أبوها جودى 10 شهور ولسه يا دوبك مخلصة المضاد الحيوى من دور أحتقان فى الزور
وأخيرا لو عايز حاجة من أسكندرية اطلب النهاردة ستجد طلبك يوم الأثنين بين أيدك
والسلام عليكم ورحمة الله وبركاته

أولا ربنا يخليهوملك وتجوزهم كده يارب
وبالنسبه للأماكن انا هقترح عليك اماكن جميله
وبما ان حضرتك عايز مكان مفتوح يبقي تتفضل وتقوم بزياره الازهر بارك بجد انا بحب المكان ده جدا
هو عباره عن حديقه كبيره في منطقه الازهر ويوجد بها كافيهات عديده منها المفتوح ومنها المغلق ويوجد ايضا اماكن عامه يعني بدون كافيهات
عموما لو عايز تعرفها هي اللي اتصور فيها اغنيه بوحه
الدخول للفرد تقريبا 5 جنيه وللسياره في البارك 5 باردو وعيش حياتك جوه وسيب الاولاد يلعبو براحتهم بقي
بالنسبه للوصف
حضرتك لما تخرج من الفندق زي الوصف اللي انا وصفته تسيب الفندق وبعدها ب 500 متر هتلاقي شارع بالعرض فا اجباري هتدخل يمين (هتلاقي علي الناصيه بنزينه كلتاكس)
حضرتك هتكمل وانت ماشي هتلاقي علي بعد 500 متر علي ايديك الشمال الاتجاه الاخر من الطريق الكليه الحربيه
هتلف من اول لفه وترجع علشان تخلي الكليه علي ايديك اليمين وتدخل من جنبها يمين
الشارع ده اسمه صلاح سالم من اشهر شوراع القاهره كلها لأ ومن اشهر شوراع مصر
أصل هتلاقي عنوان بطاقه الرئيس في الشارع ده
هتدخل صلاح سالم وتفضل ماشي فيه لأخره هتلاقي فيه كوبري علي ايديك الشمال ودخله من اليمين اطلع الكوبري وكمل
هتفضل ماشي هتلاقي كوبري تاني اطلع وكمل
وبعد كده هتلاقي مدخل نفق علي اليمين وتكمله الطريق علي الشمال خليك في الشمال وكمل
وبعد 1 كم ابتدي هدي علشان هتلاقي الازهر بارك علي ايديك اليمين هتدخل وتركن وتستمتع بس خلي بالك انك تهدي علشان لو الازهر عدتك هتلف لفه كبيره علشان ترجع عموما هي هتلاقيها قريبت لما تلاقي جنبيك صور رمادي الفاصل بينك وبين الطريق الاخر

تاني مكان هو مول تجاري واكيد سمعت عنه اسمه سيتي استارز وطبعا ده في غايه الروعه بس مكان مقفول (علشان مبني تجاري)
مكانه في مدينه نصر وهيكون قريب منك جدا
لما حضرتك تخرج من الفندق هتلف وترجع تاني لنفس الطريق يعني هتخلي الفندق علي ايديك الشمال
وتفضل ماشي هتمشي حوالي 6 كيلو وهتلاقي كوبري اطلعه الكوبري اسمه (الكيو 4.5 فاكر الاسم ده )
اول ما تنزل من الكوبري كمل باردو علي طول هتمشي حوالي 2 كيلو وهتلاقي شارع عليه لوحه اعلانيه كبيره مكتوب عليها سيتي استارز لو ما اخدتش بالك يبقي علي ناصيه الشارع مبني اسمه دار الحرب الالكترونيه هتدخل انت الشارع ده (نصيحه اول ما تنزل من الكوبري وتلاقي زحمه أسأل علي الشارع فين)
هتدخل الشارع وتلف وترجع من عند بنزينه وطنيه هتلاقي المول علي ايديك اليمين اتفضل حضرتك تركن في البارك او بره زي ما تحب
والدنيا جوه زي الفل
هفكرلك في اماكن تانيه علشان تقدر تختار بس انت عارف بقي ان الاماكن العائليه دي قليله بالنسبالي

[mr_sameh]

الاخ HeMa_LanCeR عملك كل حاجه وفعلا اختار مكانين تحفه