إعـــــــلان

Collapse

.

,
See more
See less

الى سيناء: كوبرى السلام، نفق أحمد حمدى أم عبارة من الغردقة؟

Collapse
X
 
  • Filter
  • الوقت
  • Show
Clear All
new posts

  • الى سيناء: كوبرى السلام، نفق أحمد حمدى أم عبارة من الغردقة؟


    أى هذه الطرق أفضل و أأمن و أقصر للذهاب الى شرم الشيخ: كوبرى السلام أم نفق أحمد حمدى أم عبارة من الغردقة؟ و كم تتكلف العبارة و كم يتكلف عبور الكوبرى؟
    الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

  • #2
    عبور الكوبرى يا سيدى بجوز جنيهات بس و هو جميل جدا خصوصا و إنه يابانى حتى الأسفلت فهتحس إنك ماشى فى دولة تانية بس المسافة كده هتزيد حوالى 100 كم عن لو رحت من نفق أحمد حمدى لو رايح من القاهرة أما لو رايح من إسكندرية فهتاخد الطريق الدولى لغاية ماتعدى دمياط و ماتدخلش بورسعيد و تطلع من الدائرى لحد القنطرة و من هناك تطلع كوبرى السلام و رحلة سعيدة إن شاء الله يا هندسة وخد بالك إن السرعة عليه 80 كم فقط و الكاميرات متثبتة على العواميد و بتشتغل طويل اليوم بسطبعا بيفوتوا موضوع السرعة فى بعض الأوقات زى الصبح بدرى و بالليل و رحلة سعيدة. :mrgreen:
    :lol: 8) :lol:

    :
    [SIZE="3"]م / هانى أبو عبدالرحمن [/SIZE]
    :satelite:

    Comment


    • #3

      ألف شكر على المعلومات الجميلة دى ... أنا بأفكر أروح شرم ان شاء الله أول الشهر القادم بس لسة محجزتش و ربنا يسهل.
      الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

      Comment


      • #4
        أنا رأيي طالما حضرتك ساكن في القاهره يبقى تروح عن طريق النفق أقصر

        Comment


        • #5
          يا باهر واضح جدا إن الراجل من إسكندرية هو كاتب كده فى خانة المكان فى الأفاتور بتاعه فأحسن له الكوبرى :mrgreen:
          [SIZE="3"]م / هانى أبو عبدالرحمن [/SIZE]
          :satelite:

          Comment


          • #6
            بصراحة افضل وآمن وسيلة للذهاب الى شرم الشيخ هى الطيارة

            مع نوعية الطريق المفرد وضعف الخدمات بشدة وكمائن المرور وما ادراك ما كمائن المرور (لعل قصة الشاب"اللى كان ابن ناس اوى" اللى معجبش امين الشرطة اللى كان طالع يفتش الاوتوبيس وتلقى من صنوف وواجبات الإحترام فى كمين الشرطة ما تلقاه لحد ما اهله انقذوه عن طريق العديد من الوسايط لا تزال ماثلة فى اذهاننا) ، انا ارى ان طالما الواحد رايح شرم الشيخ للفسحة بيقى افضل وسيلة هى الطيارة والواحد يرحم نفسه من البهدلة
            [SIZE=5][COLOR=navy]سبعاوى[/COLOR][/SIZE]
            _______________________________________________

            Comment


            • #7
              الطياره

              انا مع سبعاوي في موضوع الطياره
              اي وسيله تانيه حتبوظ طعم الرحله نهائي
              هوه بديل مكلف في ظل اسعار الطيران الداخلي الجديده بس هوه اامن و اكثر الطرق احتراما
              و اجازه سعيده يا ابوحميد
              [SIGPIC][/SIGPIC]

              Comment


              • #8

                أشكركم جميعاً على ردودكم الرائعة و أنا فعلاً من اسكندرية فأعتقد حأجرب كوبرى السلام و أهى تبقى فرصة الواحد يشوف الحاجات النظيفة دى ... بالنسبة لموضوع الطائرة هو أنا بصراحة بأحب الرحلات الطويلة بالسيارة و كمان حتديلى فرصة أروح لكذا مكان داخل شرم و حولها بسهولة ... دة غير ان مريم بنتى آخر مرة ركبت الطائرة فى رمضان اللى فات كانت فضيحة بمعنى الكلمة لأنها مبطلتش صريخ طول السكة :(

                و ربنا يستر و يسلم ان شاء الله ...
                الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

                Comment


                • #9
                  دة غير ان مريم بنتى آخر مرة ركبت الطائرة فى رمضان اللى فات كانت فضيحة بمعنى الكلمة لأنها مبطلتش صريخ طول السكة
                  و بالكوبرى برضه ممكن تيقى فضيحه يا باشا علشان الكوبرى عالى موت و يقلق بجد .... انا وقفت تحته و حسيت انى مرعوب من المنظر ..... احسن حاجه النفق و اديك بتتفرج على الطريق .

                  a7'ook
                  Sherif
                  [CENTER][img3]http://img227.imageshack.us/img227/1358/elantra.jpg[/img3][/CENTER]
                  [CENTER] I don't drive fast , but i fly low[/CENTER]

                  Comment


                  • #10

                    طيب قوللى يا شريف أنا فاكر أيام كونتاكت انك كنت بتناقش فكرة انك تروح لشرم بالعبارة من الغردقة ... يا ترى جربت الموضوع دة؟ و ايه نظامه؟ أنا خوفى فعلاً زى ما قال سبعاوى ان الطرق داخل سيناء خطرة جداً فالعبارة ممكن تحل المشكلة دى
                    الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

                    Comment


                    • #11
                      باشا انا ماخدتش العباره و سافرت بالعربيه من شرم للغردقه .... انما بخصوص العباره انا فاكر ان العربيه ب 350 جنيه و كل فرد ب 250 جنيه و بتاخد ساعتين فى البحر .......
                      و انا سافرت شرم و الغردقه كتير جدا و الطريق بتاع شرم مش وحش بس الطريق رايح جاى يعنى تسافر الصبح بدرى احسن حاجه ..... انما طريق الغردقه بقى حلو قوى و عملوه طريق رايح و طريق راجع منفصل عن بعضه و ده من عند الزعفرانه و هى بعد القاهره بحوالى 160 كيلو .
                      بالنسبه لشرم اخر الطريق يعنى بعد حوالى 360 كيلو من القاهره يوجد مجموعه جبال لا تتعدى 40 كيلو بس لازم تبقى مهدى سرعتك و مصحصح على الأخر.

                      a7'ook
                      Sherif
                      [CENTER][img3]http://img227.imageshack.us/img227/1358/elantra.jpg[/img3][/CENTER]
                      [CENTER] I don't drive fast , but i fly low[/CENTER]

                      Comment


                      • #12

                        شكراً يا شريف على المعلومات القيمة و معاك حق كدة لازم أطلع من اسكندرية وقت الفجر عشان أفضل ماشى فى النور طول الطريق ....
                        الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

                        Comment


                        • #13
                          أنا أقترح عليك السفر برا و تأخذ معك كاميرا جيدة وخذ رحتك في الطريق و لن تندم يوجد كثير من المناظر الجميلة و قبل رأس صدر يوجد عيون موسي و يوجد تبه عيون موسي متبقية من خط بارليف متفوتهاش فهي فخر لكل مصري كيف أستطاع أخترقها و رحلة سعيدة إن شاء الله
                          [

                          Comment


                          • #14
                            عندي سؤال من الأسكندرية للشرم كام كيلو تقريبا وشكرا
                            [

                            Comment


                            • #15
                              المسافه من الأسكندريه الى شرم (sherif)

                              من الأسكندريه الى القاهره حتى اول طريق السويس = 260 كيلو
                              من اول طريق السويس و حتى نفق الشهيد احمد حمدى= 100 كيلو
                              من بعد النفق الى شرم = 350 كيلو
                              حوالى 710 كيلو
                              و مش لازم تنزل من الفجر , لو طلعت من الأسكندريه الساعه 9 صباحا توصل شرم الساعه 6 مساءا (وطبعا ده حسب سواقتك فى الأخر) مع وقوفك للراحه مرتين مره و انت بتحط بنزين فى اون زا ران اللى اول طريق القاهره , و مره تانيه فى موبيل اللى فى الغراندل و دى بعد النفق بحوالى 200 كيلو و دى من احسن الأستراحات على الطريق و بتقعد فى مكان محترم و مكيف و فيه كل طلباتك من شرب او اكل و صاحبها راجل محترم جدا .
                              و عموما بعد الغراندل بحوالى 100 كيلو لازم تبتدى تهدى علشان الجبال و الملفات و هى مش خطيره بس لازم الحذر (مرفق صوره للجبال مع الموضوع) .
                              و اى استفسار ان تحت امركم فى شرم او الغردقه لأنى سافرتهم كتير جدا .
                              a7'ookom
                              Sherif
                              [CENTER][img3]http://img227.imageshack.us/img227/1358/elantra.jpg[/img3][/CENTER]
                              [CENTER] I don't drive fast , but i fly low[/CENTER]

                              Comment

                              Working...
                              X