من المطرية لمدينة الشيخ زايد

[nubera97]

السلام عليكم ورحمة الله وبركاته ،،،
كل عام والجميع بخير وسلام
كنت حابب اعرف الطريق من المطرية لمدينة الشيخ زايد وبالتحديد عند هايبر الشيخ زايد سواء بالمواصلات او بالسيارة
ولكم تحياتي ،،،،

[A.Saad]

بالمواصلات
ممكن تاخد ميكروباص من عبد المنعم رياض
بالعربية خد دائرى او كوبرى اكتوبر
ثم المحور
وهتلاقى الهايبر يمينك يعد اسكندرية الصحراوى بشوية

[amrfox2002eg]

لو بالسيارة هاتمشى فى شارع الكابلات اتجاه السواح اخر الشارع يمين يمين ش ترعة الاسماعيلية وهاتخد على طول هاتعدى من تحت كوبرى مسطرد وتكمل على طول لغاية الدائرى هاتعدى من تحتيه وتطلع المطلع اليمين على طول دكه انت على الدائرى اتجاه الهرم هاتخليك عليه على طول هاتلاقى نزلة اسمها القومية العربية انت هاتنزل النزلة اللى بعديها نزلة طريق مصر الاسكندرية و 6 اكتوبر كده انت على المحور هاتخده على طول لغاية لما تعدى من فوق طريق مصر اسكندرية الصحراوى تبدى تاخد يمين وهاتلاقى الهايبر فى وشك على اليمين ومدخل الشيخ زايد تخش يمين
ارجو ان اكون وضحت

[abo_lamar]

الاخ العزيز Amrfox
ايه يا عم بسم الله ما شاء الله انت موسوعة في الطرق المصرية ... انت بتشرح كأن مسار الطريق قدامك وبتوصفه .. شكرا لحضرتك

[amrfox2002eg]

الاخ elakawy هذ جهد المقل صدقنى يا اخى انا باحاول افيد حبيابيى اعضاء المنتدى باللى اعرفه وده سر ما تقولش لحد عليه انا لفيت القاهرة الكبرى على دراجة عادية قبل ما الفها على دراجتى البخارية الحالية وان شاء الله هالفها على عربيتى خليك فاكنى لحد ما نتقابل فى اقرب مقابلة للمنتدى علشان عانتكلم مع بعض اكيد

[abo_lamar]

الاخ elakawy هذ جهد المقل صدقنى يا اخى انا باحاول افيد حبيابيى اعضاء المنتدى باللى اعرفه وده سر ما تقولش لحد عليه انا لفيت القاهرة الكبرى على دراجة عادية قبل ما الفها على دراجتى البخارية الحالية وان شاء الله هالفها على عربيتى خليك فاكنى لحد ما نتقابل فى اقرب مقابلة للمنتدى علشان عانتكلم مع بعض اكيد

انا ليا الشرف لمعرفة حضرتك

[nubera97]

الاخوة الاعزاء شكرا جزيلا علي الاهتمام واخص بالشكر الاخ : amrfox2002eg ودة مش غريب علي جهدي معنا في المنتدي بارك الله فيكم جميعا وشكرا وكل عام وانتم بخير

[mohamed_kta]

هناك طريق آخر ربما يكون أسهل ممكن تطلع من جسر السويس على غمره و هناك تطلع كوبرى اكتوبر و تدخل ثالث فتحه يمين و تفضل على طول لحد ما هتلاقى نفسك على المحور ثم هايبر .

- لكن برجاء أحذر السرعة على المحور علشان أكيد حضرتك متعرفش مكان الرادار فيه (3) و كمان خلى بالك من المطب اللى بعد المحور و الفتحه يمين اللى بعديه على طول اللى هتدخل مهنا على زايد 1 و هايبر و توصل بالسلامه إنشاء الله .