نفق الشهيد أحمد حمدي

[abo_lamar]

السلام عليكم يا شباب
كنت عايز أعرف شوية معلومات عن نفق الشهيد أحمد حمدي لاني معرفش بيربط بين ايه وايه بالضبط .. كل الي اعرفه انه في سيناء .
وشكرا لحضراتكوا

[Dr Zezo]

بصفة عامة للتوضيح ...

محاور سيناء ثلاثة

في اقصي الشمال محور بورسعيد بورفؤاد الي شمال سيناء و بحيرة البردويل و هذا المحور موازي للبحر المتوسط

المحور الثاني

محور القنطرة و الفردان و هذا يأخذك الي شمال سيناء و وسطها ايضا

المحور الثالث محور السويس رأس سدر و هذا يأخذك الي جنوب سيناء

حضرتك بتأخد طريق القاهرة السويس عادي و بعد ما توصل عند الكمين في اول السويس بتأخد اول شمال و ترجع كأنك متجه مرة اخري للقاهرة

و قبل ما تعبر الكمين بتأخد يمين في طريق فرعي رايح جاي نفس الاتجاه حوالي من 15 الي 20 كم

لغاية ما تجد الكمين اللي في اول النفق و قلق شوية

النفق عبارة عن حارتين حارة رايح و احدة جاية

و هو طبعا بيعبر تحت القناة

اول ما تعدي بتأجد امامك ثلاثة محاور واحد يمين لرأس سدر - موازية للسويس و خليج السويس-

وواحد علي طول لنوبيع

و واحد علي شمالك و ده علي نخل و مناطق وسط سيناء

اسم النفق اطلق تكريما للشهيد المهندس احمد حمدي احد قيادات المهندسين في حرب اكتوبر 73 حيث استشهد اثناء محاولته ازالة الغام كانت ستنفجر لتدمر احد الكباري التي تنقل الجنود و المعدات بين الضفتين

حيث ان القيادة العسكرية المصرية كانت قد غيرت سياساتها بالتعامل الفوري مع الالغام الزمنية و ازالتها و عدم الانتظار و اصر الشهيد علي اداء مهامه حيث كان رحمه الله قدوة لمرؤسييه

و الشهيد له بطولات في 56 و 67 علي ما اتذكر لكن ليس لدي خلفية مؤكدة عنها

[abo_lamar]

شكرا لحضرتك على المعلومات القيمة دي

[Dr Zezo]

شكرا لحضرتك على المعلومات القيمة دي

العفو يا فندم

الشكر لحضرتك لاهتمامك بمعرفة مثل هذه المعلومات عن بلادنا في وقت لا يعرف فيه الكثير اين توجد سيناء اصلا او كم تبعد عن القاهرة علي سبيل المثال ...