Tweet
لو سمحتم يا شباب ازاى اروح مستشفى المقاولون العرب من السويس لان جارى محجوز هناك وعايز ازوره واسف على الاطالة.
-
-
الف سلامة عليه
لو حضرتك هتروح بالسيارة يبقي
حضرتك كده هتييجي من طريق السويس القاهرة الصحراوي و هتفضل ماشي فيه لغاية ما تعدي من تحت كوبري الطريق الدائري " اول كوبري"
و بعد كده هتطلع كوبري مع الطريق عند الكيلو اربعة و نص
و بعدين هتعدي من تحت كوبري تاني " كوبري الاتوستراد طريق المطار" اول فتحة شمال بعد الكوبري تدخلها و ترجع عكس كأنك راجع السويس و بعدين تدخل اول يمين موازي للكوبري التاني اللي عديت من تحته من شوية
كده حضرتك في طريق الاتوستراد " طريق النصر" اللي فيه المستشفي
هتمشي في الطريق ده شوية لا يمين و لا شمال
و تعدي علي المنصة و تفضل ماشي تحت كوبري اكتوبر
شوية صغيرة كده هتجد المستشفي علي ايدك الشمال خد اول فتحة شمال و ارجع ادخل للمستشفي
المستشفي عالية و تعتبر علي جبل و واضحة جدا
مجرد ما مسكت الاتوستراد " طريق النصر" تعتبر وصلت
حضرتك توصل بألف سلامة -
شكرا يا دكتور على الوصف الرائع
ربنا يشفيهComment
Comment