إعـــــــلان

Collapse

.

,
See more
See less

دليلك الى محور القاهره العرضى الجديد ( محور منشيه الجمل أو سكه الوايلى )

Collapse
X
 
  • Filter
  • الوقت
  • Show
Clear All
new posts

  • دليلك الى محور القاهره العرضى الجديد ( محور منشيه الجمل أو سكه الوايلى )

    ملحوظه : اعتذر عن مساحه عرض الصور الكبيره حيث ازدحام المنطقه ورغبتى فى توضيح خط السير قدر الامكان وتقليل عدد الخرائط المعروضه لعدم اللبس

    بعد 5 سنوات ونصف من العذاب قضاها سكان حدائق القبه والزاويه الحمراء وشارع بورسعيد عموما فى صحبه اعمال الانشاء العقيمه لمحور القاهره العرضى الجديد اخيرا حدد محافظ القاهره الافتتاح الخميس 21/1/2010 لتشهد الاجيال على صرح عملاق مكون من 750 متر تخبرنا الحكومه انه الحل المثالى لأزمه منتصف العاصمه

    وحيث ان حكومتنا العزيزه لا توفر اوبشن اليافطات او حملات التوعيه عن الطرق الجديده وحيث انى من سكان منطقه هرم مصر الرابع الجديد اقدم لكم افضل الطرق للأستفاده من المحور العرضى

    1 - كورنيش النيل بالخلفاوى - اشاره الخلفاوى - كوبرى ابو وافيه - الزاويه الحمراء - حدائق القبه - مدينه نصر



    ملحوظه : خطر السير الموازى للخطوط البرتقاليه والزرقاء , حيث الخط البرتقالى يشير الى شارع عادى والازرق يشير الى كوبرى

    تبدأ رحلتك من اليسار بالدخول من الكورنيش الى اشاره الخلفاوى ومن ثم قطعها فى خط مستقيم وبإمتداد دوليتان الى شارع جسر البحر , ستجد امامك ميدان عليك بقطعه لتستكمل سيرك الى شارع معمل الالبان ومن ثم تصعد كوبرى ابو وافيه الموضح باللون الازرق




    عليك بإستكمال كوبرى ابو وافيه الى اخره بدون استعمال اى منزل فرعى , ومن ثم ستجد نفسك فى شارع منشيه الجمل ( 1 ) , ينقلك بعدها الكوبرى الجديد المسمى كوبرى منشيه الجمل ( 2 ) من اعلى شارع بورسعيد الى شارع سكه الوايلى فى اليمين بطول 750 متر




    تستكمل سيرك على كوبرى منشيه الجمل ( 2 ) ومن ثم شارع سكه الوايلى ( 3 ) لتجد امامك مطلع كوبرى سكه الوايلى , امامك الان اختيارين اما ان تستكمل سيرك من تحت الكوبرى لتصل الى حدائق القبه وشارع مصر والسودان أو ان تصعد الكوبرى المتصل بكوبرى سراى القبه ( 4 ) فى طريقك الى معهد اللغات للقوات المسلحه ثم صلاح سالم او الفنجرى فأرض المعارض ثم قاعه المؤتمرات واخيرا الاوتوستراد لمدينه نصر او فى اتجاه حلوان


    يوفر لك هذا الطريق عناء الالتفاف حول شارع بورسعيد وعناء الدخول فى زحام حدائق القبه لتصل الى مدينه نصر فى زمن قياسى ان كنت تلحق بسياره المحافظ يوم الافتتاح الا انه زمن ليس بالقياسى ان كنت فى يوم عادى حيث ستقتل الميكروباصات متعتك فى الطريق طوال شارع منشيه الجمل وسكه الوايلى




    القادم من شارع بورسعيد من مسطرد عليه بالعبور من تحت الكوبرى ثم الاستكمال حوالى 500 متر للدوران للخلف من امام مصنع بيبسى كولا ( 1 ) , ومن ثم نستكمل الطريق مع القادم من اتجاه غمره كذلك حيث يمكنك استكمال شارع بورسعيد ومن ثم الدخول من تحت الكوبرى يمينا فى اتجاه سكه الوايلى ومن ثم السير حسب الخريطه المشروحه مسباقا

    ولكن ارشح لك دخول شارع يمين صغير قبل بنزينه موبيل ( 2 ) والتى ستجدها بعد الدوران للخلف بحوالى 200 متر ومن ثم الى شارع الخليج المصرى يسارا ( 2 ) والذى سيخرجك يمينا الى شارع سكه الوايلى وهو اسرع من شارع بورسعيد حيث اتخذ اخوانا سائقى الميكروباصات مساحه الدخول من تحت الكوبرى كمحطه لهم مما جعل العبور منها مهمه شبه مستحيله فى اوقات الذوره



    واخيرا للقادم من مدينه نصر ومتجه الى مسطرد او غمره

    لمسطرد عليك بإستكمال سكه الوايلى للنهايه ومن ثم الدخول يمينا مباشره الى شارع بورسعيد فالوايلى فمسطرد

    ومن يريد الجانب الاخر من شارع بورسعيد لتتجنب السير فى الزحام ومن ثم العوده كل تلك المسافه , ستسلك شارع سكه الوايلى الى اخره ومن ثم الدوران للخلف ودخول اول شارع يمين والمسمى شارع الخليج المصرى ( 3 ) , او ان تدخل اليه مباشره من تحت الكوبرى ( 2 ) وهو اقصر فى المسافه الا انه قد لا يكون واضحا للغير خبراء بتلك المنطقه حيث الزحام هناك شديد , ومن ثم الاستكمال فى شارع الخليج ودخول ثالث يمين , تأكد من عدد الشوراع الجانبيه حيث لا تضطر الى سؤال اى من سكان المنطقه فمعظمهم يهوى التسليه بتضليل سائقى السيارات

    ومن ثالث شارع ( 4 ) ستجد نفسك قد خرجت على شارع بورسعيد وعلى يسارك مباشره دوران للخلف ( 5 ) لتسكله وتعود فى طريق الى غمره


    اتمنى ان يكون الشرح واضح لإستخدام الطريق الجديد , واتمنى ان كان اى حد عنده استفسار عن طريق يمر من المنطقه او تخريمه يقولى بحيث يبقى الموضوع دليل فعلى لأستخدام المنطقه الغير سالكه على الاطلاق
    [CENTER]
    [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
    [/CENTER]

  • #2
    الف شكر على التوضيح...وجاري الدراسة

    Comment


    • #3
      الله ينور عليك يا أستاذ أحمد

      وصف تفصيلي رائع :)
      [FONT=Courier New]تحياتي ..[/FONT]
      =====
      [FONT=Courier New][URL="http://www.islamway.com/?iw_s=Quran&iw_a=view&id=636"]القرآن الكريم كاملاً بصوت الشيخ/ عيد حسن أبو عشرة[/URL][/FONT]
      =====[URL="http://www.nilemotors.net/Nile/151539-114-2013-a.html"]
      [CENTER][/URL][B][SIZE=7]الحمد لله[/SIZE][/B][/CENTER]

      Comment


      • #4
        الف شكر
        فعلا كنت مستني حد يشرح خط السير للإستخدم الأمثل لكل منا
        جزاكم الله خيرا
        [CENTER][SIZE=5][COLOR=DarkRed][B]يا رجالَ الليلِ جدّوا ... رُبَ صوتٌ لا يردٌ
        لا يقومَ الليلِ إلا ....من لهُ عزمٌ وجدٌ[/B][/COLOR][/SIZE][SIZE=4][COLOR=Navy][B][SIZE=4]
        [/SIZE] [/B][/COLOR][/SIZE][/CENTER]

        Comment


        • #5
          الف شكر على التوضيح
          وان شاء الله الكوبرى ده يحل مشاكل مروريه كتير
          ابـــــو هــــــــــاشـــــــــم [sor2]http://nileup.com/up/uploads/nilemotors_13674136111.jpg[/sor2]

          Comment


          • #6
            الف شكر يا باشا شرح ممتاز
            [SIGPIC][/SIGPIC]

            Comment


            • #7
              شكراً...وصف أكثر من رائع...
              [CENTER][SIZE=4][URL="http://www.nilemotors.net/Nile/97775-a.html"]:3_3_102[1]:http://www.nilemotors.net/Nile/97775-a.html[/URL][/SIZE][SIZE=4][COLOR=DarkRed]
              [COLOR=#d10202][URL="http://www.nilemotors.net/Nile/97775-a.html"] [COLOR=DarkRed]شبهـــــــــــــــات و الـــــــــــــــــــرد عليها...[/COLOR][/URL][/COLOR][/COLOR][/SIZE][/CENTER]

              Comment


              • #8
                مشكور جدا على الشرح الوافي

                و ليا عودة فى ساعة تركيز ان شاء الله علشان اشوف التفاصيل
                [RIGHT][B][I]Mohamed Samir[/I][/B]
                :sleeping:
                [CENTER]'
                [/CENTER]
                [/RIGHT]

                Comment


                • #9
                  شكرا على مجهودك
                  [CENTER][shr71=http://dostor.org/sites/default/files/10/Feb/05/gallery/ent.jpg]مـــــــصـــــــــر[/shr71]
                  :majd(4):
                  [/CENTER]

                  Comment


                  • #10
                    يعنى كدة كوبرى القبة هيبقى زحمة؟؟؟؟؟؟؟؟؟؟؟؟؟؟؟؟؟
                    [CENTER]:brn:
                    [/CENTER]

                    Comment


                    • #11
                      طيب انا لي سؤال علشان افهم
                      انا لو جي من الزراعي ودخلت من شبرا وعديت كوبري عبود هبقي كده عند كوبري ابو وافيه اكمل ازاي علشان اوصل البيت في مدينه نصر
                      وكده اقصر ولا كوبري اكتوبر
                      اتمني الرد سريعا
                      [SIZE=5][B][I][COLOR=Blue]
                      [/COLOR] [/I][/B][/SIZE]

                      Comment


                      • #12
                        شكرا جزيلا لتشريفكم الموضوع وردودكم ويارب يكون خط السير واضح

                        المشاركة الأصلية كتبت بواسطة mezzotherock مشاهدة المشاركة
                        يعنى كدة كوبرى القبة هيبقى زحمة؟؟؟؟؟؟؟؟؟؟؟؟؟؟؟؟؟
                        حتى الان الوضع عادى بس مفتكرش ان المحور الجديد هيجذب مستخدمين جدد للطريق ده وهيقتصر على اللى كان بيمشى من تحت اساسا وبقا ياخده من الكبارى الجديده اسرع

                        بس طبعا العادى فى مصر انه هيتزحم مع الوقت

                        المشاركة الأصلية كتبت بواسطة osamaos20022 مشاهدة المشاركة
                        طيب انا لي سؤال علشان افهم
                        انا لو جي من الزراعي ودخلت من شبرا وعديت كوبري عبود هبقي كده عند كوبري ابو وافيه اكمل ازاي علشان اوصل البيت في مدينه نصر
                        وكده اقصر ولا كوبري اكتوبر
                        اتمني الرد سريعا
                        كدا اقصر بكتير طبعا من كوبرى اكتوبر

                        بص يا استاذ اسامه انت بعد ما تنزل من كوبرى عبود هتمشى على طول لحد ما تلاقى كوبرى ابو وافيه معدى من فوقك ادخل من تحته يمين اللى هو جنب موقف الاوتوبيس

                        وبعدين تمشى على طول لأن كان فى يوتيرن واتقفل لحد ما تلاقى صينيه هتلف حواليها وترجع تانى للشارع اللى انت جاى منه وتطلع كوبرى ابووافيه وتكمل باقى الوصفه عادى هى ولا شمال ولا يمين علطول وتطلع كل الكبارى اللى تقابلك هتلاقى نفسك عند قاعه المؤتمرات

                        [CENTER]
                        [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
                        [/CENTER]

                        Comment


                        • #13
                          متشكرين للايضاح
                          [SIZE=5][B][I][COLOR=Blue]
                          [/COLOR] [/I][/B][/SIZE]

                          Comment


                          • #14
                            شكرا للشرح والتوضيح

                            Comment


                            • #15
                              مشكوووووور والله يعطيك الف عافيه
                              [CENTER][B][SIZE=4][COLOR=#000000]اللهم يسر لنا امورنا في دنيانا [/COLOR][/SIZE][/B][/CENTER]

                              Comment

                              Working...
                              X