دريم بارك

[ahmedalshora]

الاخوة الأعزاء
عايز اروح دريم بارك ضرورى خلال هذه الايام لأن الأولاد مصممين عليها خلال اجازة نصف العام علما بأننى من مدينة طنطا واعلم الطريق جيدا حتى الطريق الدائرى اللى قبل مدينة شبرا فبرجاء الدخول لأهل الخبره . وكمان يا ريت لو حد يعرف أسعار التذاكر هناك كام ؟ وشكرا جزيلا ...

[Sh_sunsea]

بص ياسيدي - هاتطلع الدائري في الاتجاه الى المحور وميدان لبنان والهرم - كلهم نفس الاتجاه - هاتفضل ماشي على الدائري لحد ما الدائري يخلص - لا تنزل يمين - ولا شمال

بمجرد ما الدائري يخلص - هتلاقي دريم بارك على يمينك واضحة لا تخظئها عين - النصيحة بس تخلي بالك من أوقات دخول وخروج الموظفين علشان الزحمة

ورحلة سعيدة

[bishoy02010]

اعتقد التذاكر ب 50 جنية وممكن تجيبها من وسط البلد ارخص كتير

[A.Saad]

الدائرى بعد وصلة المريوطية الجديدة مش بيخلص
انت بعد المحور هتلاقى كوبرى فوق الدائرى بعدها يفط بتقولك
اتجاه المعادى

اتجاه اكتوبر وطريق الفيوم والواحات
هتاخد الاتجاه ده

[menocomp]

بص ياسيدي - هاتطلع الدائري في الاتجاه الى المحور وميدان لبنان والهرم - كلهم نفس الاتجاه - هاتفضل ماشي على الدائري لحد ما الدائري يخلص - لا تنزل يمين - ولا شمال

بمجرد ما الدائري يخلص - هتلاقي دريم بارك على يمينك واضحة لا تخظئها عين - النصيحة بس تخلي بالك من أوقات دخول وخروج الموظفين علشان الزحمة

ورحلة سعيدة

+11111111111111
صح كدة أنا لما بروح الهرم سيتى فى أكتوبر بمشى فى الطريق دة.
وعموما اللوحات اللى موجودة فى الطريق دة متوهش.

[ahmedalshora]

شكرا سيدى الفاضل وشكرا جميع الاخوه الافاضل وجزاكم الله خيرا. بس ليا استفسار يعنى انا لما أطلع على الدائرى من الطلعه اللى على يمين الزراعى أفضل ماشى طوالى على الدائرى لحد ما أوصل لأخره . كده صح ولا ايه ؟ وماليش علاقه باى نزله من الدائرى وافضل ماشى على طول لحد نهايته ؟

[Sh_sunsea]

بالضبط كده - وانت جاي من كأنك قادم من اسكندرية - تاخد أول مطلع يمين للدائري - وماتنزلش من عليه - هاتعدي مخرج الهرم والرماية - هتلاقي الدائري خلص خلاص - ودريم على يمينك

[waelwael]

أدخل على موقع دريم بارك على النت وأعرف مين وكيل دريم فى طنطا وروح أشترى منه أنا لسه شارى خمسين تذكرة فى بورسعيد سعر التذكرة 30 جنيه فقط من الوكيل اللى يقولك أكتر من كده يبقى حرامى أشترى من الوكيل اللى إسمه على الموقع ولا تشترى من شخص أخر

[waelwael]

يوجد نوعان من التذاكر التوتال اللى بخمسين جنيه والنوع الثانى vip وده غالى والوكلاء مش بيبعوا

[waelwael]

التوتال فى المدينه بخمسين جنيه عند الوكيل ب 30 ج

[ahmedalshora]

شكرا جزيلا يا جماعه وبجد مش عارف اقولكم ايه . بس بجد تسلموا يا أصدقاء أحلى منتدى . وعشت يا أجمد منتدى فى مصر