كارفور المعادي مواصلات

[midomansour]

سؤال رخم شويه لخبراء المواصلات في القاهره
من مترو الانفاق محطه المؤسسه مثلا لكارفور المعادي

مش مهم التنقلات جوه المترو المهم انزل محطه ايه واركب ايه بعديها لحدت كارفور المعادي؟؟!

[د.أحمد سمير]

محطة زهراء مصر القديمة المترو القديم
تخرج من مخرج الكورنيش
ترجع لورا حوالي 100 متر
تطلع الدائري
أو تتمشى لمطلع الدائري من الأوتوستراد
واي مواصلة طالعة الدائري هاتنزلك كارفور
ممكن تاخد تاكسي ياخد 5 جنيه
المسافة أصلاً حوالي 4 كم فقط من الأوتوستراد حتى كارفور
وتوصل بالسلامة

[HeMa_LanCeR]

وباردو لو عرفت تركب اي حاجه للسيده عائشه
ومن هناك تاخد ميكروباص القطاميه هينزلك قدام كارفور

[midomansour]

متشكر اوي يا جماعه انا كنت فاكر العمليه هتبقي صعبه

بصراحه ردكوا اكتر من رائع!