Tweet
زميلى سالنى ازاى اروح الوكالة من السويس لانه عايز يشترى شوية حاجات من هناك وبالمرة اشترى غطاء للسيارة انا واخويا لورحنا انا وهو نروح ازاى ؟ ونركن فين ؟
واسف للاطالة
واسف للاطالة
-
-
هاعتبر انك جاى من السويس بالسيارة الخاصة بعد بدر والشروق هاتلاقى الدائرى فى وشك هاتطلع يمين فى اتجاه الهرم والجيزة
هاتكمل على طول على الدائرى على طوووول هايقابلك نفق السلام وتكمل ويقابلك نزلة المرج ومؤسسة الزكاة والخصوص وبهتيم انت كده كاشى على الدائرى اتجاه الهرم والجيزة و 6 اكتوبر بعد نزلة بهتيم هاتلاقى انزلة او نزلتين صغيرين سيبك منهم هاتلاقى نزلة شبرا الخيمة وطريق اسكندرية الزراعى هى ديه اللى هاتنزلها بص انت هاتعدى النزلة وتاخد المنزل اللى يمينك ونزل انت كده رايح على المؤسسة وتمشى على طول فى ميدان المؤسسة هاتعدى الاشارة هاتلاقى الشارع يمين وشمال خفيف هاتخش اليمين وتكمل على طول الطريق هايود بيك شمال احود معاه وتكمل على طول هاتلاقى كوبرى المظلات هاتطلعه وفى اخره هاتلاقى كمين رخم لو معاك حاجة ارميها قبليه وهاتكمل على طول انت كده ماشى على كورنيش النيل فى اتجاه التحرير والمعادى بعد ما تنزل من كوبرى المظلات هاتكمل على طول هاتلاقى كوبرى الساحل مش هاتطلعه وكمل على طول هاتلاقى كوبرى امبابة الحديد هاتعدى من تحتيه بعد كده هاتلاقى كوبرى 15 مايو مش هاتطلعه وهنا هاتلاقى النيل على يمينك والوكالة على شمالك
لو جاى مواصلات هاتنزل موقف المرج وتركب المترو الانفاق خط المرج - حلوان وتنزل محطة جمال عبدالناصر(تسمى بالخارج الاسعاف) هاتنزلها وتطلع فوق واسال على الوكالة هناك الف مين هايدلك
ارجو ان اكون اوضحت -
لو هتشترى غطا
فاصل كويس
ابو 140 يخلص على 80 او 100
ابو 100
حلو فييه 70
كمان لبس انت الغطا بايدك
وتخليش البياع يغطى عربيتك لانه بيغشوا فى الحركة دى ويبقى غطا عربية تانيوة ويشدوا الحزام جامد بحيث يبان انه بتاعكA.SaadComment
-
شكرا للاستاذ /عمرو و الاستاذ احمد سعدComment
-
هو الاسهل لو تكمل على الدائرى وتنزل نزله المحور اتجاه ميدان لبنان ودى هتكمل فيها علوى هاتوصلك لكوبرى 15 مايو
وفى نهايه الكوبرى هتلاقى نزله يمين على التحرير ونزله علاطول الى شارع 26 يوليو وهى دى اللى انت هاتنزل منها وبمجرد نزولك هتلاقى جراج على اليمين او ركنه تحت الكوبرى على الشمال
اركن عربيتك وطبعا ماتسيبش مفتاحها مع حد وارجع فى الطريق العكسى هتلاقى تحت الكوبرى على اليمين الوكاله سنتر ههههههههه وبعدها بتوع قطع الغيار وبعدها بتوع الفرش والغطاءComment
Comment