شغلي في الدقي

[esraa29]

لو سمحتم حد يدلني عن جراج او اماكن مضمونه عشان اركن فيها بالدقي وبالتحديد بالقرب من ( شارع الكويت متفرع من شارع التحرير-الدقي)
عشان انا مضطرة كل يوم اتبهدل في المواصلات بسبب اني مش بلاقي ركنه
مع ان عربيتي مركونه تحت البيت في الهرم
كمان نفسي اعرف ازاي اعرف الطرق واقدر اروح كل الاماكن منغير ما اتوه ه ه ه عشان بجد الموضوع ده عاملي مشكلة وبيخليني استخدم المواصلات واسيب العربية راكنه تحت البيت ودي حاجه مضايقاني جدا بس عماله اصرف عليها ومش مستفيدة منها ...... اشي صيانه واشي تلميع علي الفاضي

[metenawy]

لو سمحتم حد يدلني عن جراج او اماكن مضمونه عشان اركن فيها بالدقي وبالتحديد بالقرب من ( شارع الكويت متفرع من شارع التحرير-الدقي)
عشان انا مضطرة كل يوم اتبهدل في المواصلات بسبب اني مش بلاقي ركنه
مع ان عربيتي مركونه تحت البيت في الهرم
كمان نفسي اعرف ازاي اعرف الطرق واقدر اروح كل الاماكن منغير ما اتوه ه ه ه عشان بجد الموضوع ده عاملي مشكلة وبيخليني استخدم المواصلات واسيب العربية راكنه تحت البيت ودي حاجه مضايقاني جدا بس عماله اصرف عليها ومش مستفيدة منها ...... اشي صيانه واشي تلميع علي الفاضي

فين شارع الكويت داه الهو فيه شركة الكويت والبلاد العربية؟؟؟

[أبو إياد]

شارع الكويت ده المقابل لعمر افندى شارع التحرير
عموما المنطقه دى كلها جراجات عامه ياعنى تقولى لاى واحد ماسك جراج على مواعيدك وهو هايقولك قيمه الاشتراك وعلى فكره مش غالى لان المنطقه دى كلها هيئات حكوميه وكلهم موظفين هاتلقيها فى حدود من 30 الى 50ج فى الشهر

اما بالنسبه للاماكن عليكى وعلى القسم ده لغايه ماتعرفى جميع المناطق وهنا مليون واحد بيخدم

[esraa29]

متشكرة يا جماعة علي المساعدة
بس انا سألت في 2 جراج في الشوارع الي موديه علي ميدان المساحه
اولا قالولي 400 جنية في الشهر وانا شايفه ان ده كتير وكمان عايزيين ياخدوا المفتاح وانا بصراحة مش بحب ادي المفتاح لو حد مجرب جراج هناك معين يدليني عليه

[أبو إياد]

بصى لو انتى جايه من ميدان الجلاء (الشيراتون) وانتى فى اتجاهك للدقى فى شارع التحرير هتلاقى على يمينك بنزينه مصر فى شارع بعديها صغير اوى ادخلى فى الشارع ده اخره هتلاقى جراج على اليمين ده سعره رخيص علشان فى جانبه الهيئه العامه للخدمات الحكوميه وكل العربيات دى بتاعه موظفين

[esraa29]

متشكره جدا جدا هاروح للجراج ده واتفق معاه من اول الاسبوع الجاي انشاء الله
ربنا يخليك انت ماتعرفش انت خدمتني خدمة كبيرة جدا ربنا يجازيك عليها خير

[A.Saad]

الطرق
انا بستعمل جوجل ايرث
مفيد

[أبومعاذ]

أهم حاجة لو في جراج متاح متركنيهاش في الشارع عشان انا كان شغلي في الدقي وكنت كل مرة بركن في الشارع لازم انزل الاقي علامة جديدة في العربية

[m_waheed]

المنطقة دي فعلا زحمة
جربي الشوارع الجانبية وخصوصا الشارع الجانبي اللي عند مركز البحوث

[أبومعاذ]

المنطقة دي فعلا زحمة
جربي الشوارع الجانبية وخصوصا الشارع الجانبي اللي عند مركز البحوث

حضرتك كدا روحت بعيد اوي هي مكان شغلها في اول الشارع قريب من ميدان شيراتون

[M.Mosaad]

و اوعي تسيبي مقتاح العربيه لحد يعني تتفقي معاه من الاول انك بتركني عربيتك بنفسك و تعشقيها

[rateb79]

في جراجين كويسين

بصي يا اسراء انا اختي بتشتغل في تي اي داتا اللي في شارع التحرير و لسه قيلاالي علي جراج هتركن بيه ب 5 جنيه في اليوم جنب الشركه عالطول و في سايس هناك ممكن يحجزلك مكان ب 3 جنيه

[venomixus]

أنا ساكن في المنطقة دي .. ممكن تتفقي مع الجراج بتاع ألفا ماركت وحتلاقي مكان عندهم أو تجربي الجراج اللي في الشارع الصغير اللي قصاده مكتبة اسألي عن سايس اسمه محمود أو سايس اسمه عبد المحسن وهما حيظبطولك مكان انشاءالله

[Mo.Kareem]

انا كمان شغلى فى المكان ده وبتعذب فيه بصراحه ، واقرب مكان بلاقى فيه مكان يا عند مستشفى الكاتب يا عند المركز الثقافى الاسبانى ، ودلؤت ربنا كرمنا بجراش جنبى عند سيموندس ، ناس محترمة وبـ 150 جم فى الشهر

[loay]

انا شغلى فى شارع مصدق الدقى- ودايما اركن فى الباركنج بتاع وزارة الزارعة - بيبقى فاضى وواسع