مواقف أتوبيسات 6 أكتوبر

[ayman2009]

لو سمحتوا أنا في جامعة مصر للعلوم والتكنولوجيا وكذا يوم مش بلاقي ميكروباصات رايحة رمسيس من 6 أكتوبرفي موقف الحصري و من أمام الجامعة وبضطر أستنى باص الجامعة ساعتين عشان أركبه و بيوصل مدينة نصر بعد ما يتحرك بــ 3 ساعات !!!!!!!!!!!!!!!! يعني أنا بتكلم في حوار 5 ساعات عشان أرجع البيت!!


فبليز ممكن حد يقوللي فين مواقف ميني باصات شركة لبنان اللي لونها أخضر في 6 أكتوبر ؟ غير اللي جنب الحصري أمام جاد الناحية التانية و غير اللي أمام جامعة مصر ؟؟؟؟؟
وياريت اللي يعرف ميني باصات النقل العام الخضراء ديه بتشتغل من الساعه كام الصبح و أخرها للساعه كام بالليل ؟؟

وفين في رمسيس موقف الأتوبيسات ؟؟؟ الموقف مش المحطة أقصد بداية خط السير


سؤال أخر:-
مترو الأنفاق بيشتغل لحد الساعه كام بالليل ؟؟ (بتاع محطة الجيزة لحد محطة الدمرداش مع ملاحظة تغيير الميترو في (محطة السادات أو محطة مبارك)

سؤال أخر:-
وأنا راكب الميترو أزاي بعرف أسم المحطة اللي الميترو وقف فيها ؟؟؟ أعمل برنت لخريطة الميترو وأقعد أعد في المحطات ولا أعمل أيه

شكراً لكم

[3ateef]

لو سمحتوا أنا في جامعة مصر للعلوم والتكنولوجيا وكذا يوم مش بلاقي ميكروباصات رايحة رمسيس من 6 أكتوبرفي موقف الحصري و من أمام الجامعة وبضطر أستنى باص الجامعة ساعتين عشان أركبه و بيوصل مدينة نصر بعد ما يتحرك بــ 3 ساعات !!!!!!!!!!!!!!!! يعني أنا بتكلم في حوار 5 ساعات عشان أرجع البيت!!


فبليز ممكن حد يقوللي فين مواقف ميني باصات شركة لبنان اللي لونها أخضر في 6 أكتوبر ؟ غير اللي جنب الحصري أمام جاد الناحية التانية و غير اللي أمام جامعة مصر ؟؟؟؟؟
وياريت اللي يعرف ميني باصات النقل العام الخضراء ديه بتشتغل من الساعه كام الصبح و أخرها للساعه كام بالليل ؟؟

وفين في رمسيس موقف الأتوبيسات ؟؟؟ الموقف مش المحطة أقصد بداية خط السير


سؤال أخر:-
مترو الأنفاق بيشتغل لحد الساعه كام بالليل ؟؟ (بتاع محطة الجيزة لحد محطة الدمرداش مع ملاحظة تغيير الميترو في (محطة السادات أو محطة مبارك)

سؤال أخر:-
وأنا راكب الميترو أزاي بعرف أسم المحطة اللي الميترو وقف فيها ؟؟؟ أعمل برنت لخريطة الميترو وأقعد أعد في المحطات ولا أعمل أيه

شكراً لكم

السلام عليكم...

اولا : احنا فى نفس الجامعة :)

ثانيا: لو عندك استعداد انت ممكن تركب اى حاجه رايحه ((سادس)) ومن هناك حتلاقى ميكروباصات رايحه رمسيس,,,او ممكن تستنى شويه قدام الجامعه لحد ما تلاقى
بالنسبة لباصات شركة لبنان او غيرها مفتكرش انها موجوده علطول فى اكتوبر ,,ولو شفت واحد فده بيبقى فلته...

انا معرفش حاجه عن المترو وممكن تستنى باقى الاعضاء يوضحولك المواعيد...

[ayman2009]

أهلاً بيك يا عاطف

أحنا طلعنا زمايل بقى

أنا المشكلة أني بأخد دروس في 6 أكتوبر وده بيخلي ميعاد الباص بتاع الجامعة يفوت مني و أضطر أركب مواصلات فأنا من قدام الجامعة مش بلاقي حاجه بتروح رمسيس أو بتكون رايحه ومليانه ناس!! كله ميدان لبنان و المؤسسه

ومن الحصري في موقف الميكروباصات قليل أوي لما ألاقي حاجه تروح رمسيس

فهل السادس حيكون فيه ميكروباصات لرمسيس كتير ؟؟

سؤال تاني معلش حتعبك معايا :- لو عايز أروح التحرير أركب منين ؟بس المهم يكون مكان فيه مواصلات للتحرير كتير مش من أمام جامعة مصر أو الحصري

ولو الهرم أركب منين ؟؟

وبالنسبة للمسافة من الهرم تحديداً من منطقة نصر الدين مروراً بشارع الهرم ثم ميدان الرماية للجامعة بياخد وقت أد أيه لو تعرف ؟؟ يعني لو زحمة أوي بياخد وقت أد أيه و هل في الرجوع بيعدي من طريق المحور اللي بمشي منه وأنا رايح مدينة نصر ؟؟ ولا لأ لأن طريق المحور بتكون فيه العربيات ماشية تاتا تاتا خصوصاً بعد الساعه 5 و نص لدرجة أني بوصل البيت في 3 ساعات بالضبط !!!

معلش أسئلتي كتيره بس الفكره أني عندي شقة في الهرم في نصر الدين بس مش جاهزة وبفكر أنقل فيها بعد الميد تيرم

يا ريت حضرتك تقولي في كلية أيه

[3ateef]

انا حقولك على اللى انا اعرفه...
ليلة القدر ده تعتبر الموقف الرسمى ل 6 اكتوبر,,,يعنى هناك فى ميكروباصات رايحه كل حته.
بالنسبه للتحرير برضه فى ليلة القدر حتلاقى والهرم نفس القصة بأذن الله..

انا فى طب اسنان

[A.Saad]

لو سمحتوا أنا في جامعة مصر للعلوم والتكنولوجيا وكذا يوم مش بلاقي ميكروباصات رايحة رمسيس من 6 أكتوبرفي موقف الحصري و من أمام الجامعة وبضطر أستنى باص الجامعة ساعتين عشان أركبه و بيوصل مدينة نصر بعد ما يتحرك بــ 3 ساعات !!!!!!!!!!!!!!!! يعني أنا بتكلم في حوار 5 ساعات عشان أرجع البيت!!


فبليز ممكن حد يقوللي فين مواقف ميني باصات شركة لبنان اللي لونها أخضر في 6 أكتوبر ؟ غير اللي جنب الحصري أمام جاد الناحية التانية و غير اللي أمام جامعة مصر ؟؟؟؟؟
وياريت اللي يعرف ميني باصات النقل العام الخضراء ديه بتشتغل من الساعه كام الصبح و أخرها للساعه كام بالليل ؟؟

وفين في رمسيس موقف الأتوبيسات ؟؟؟ الموقف مش المحطة أقصد بداية خط السير


سؤال أخر:-
مترو الأنفاق بيشتغل لحد الساعه كام بالليل ؟؟ (بتاع محطة الجيزة لحد محطة الدمرداش مع ملاحظة تغيير الميترو في (محطة السادات أو محطة مبارك)

سؤال أخر:-
وأنا راكب الميترو أزاي بعرف أسم المحطة اللي الميترو وقف فيها ؟؟؟ أعمل برنت لخريطة الميترو وأقعد أعد في المحطات ولا أعمل أيه

شكراً لكم

اخر مترو بيطلع 12 او 11:30 مساء من محطته الاولى
بس اخر مترو ده عذاب فبلاش منه
المحطات بيكون فيه فوق بعض الابواب خريطة للمحطات

[A.Saad]

أهلاً بيك يا عاطف

أحنا طلعنا زمايل بقى

أنا المشكلة أني بأخد دروس في 6 أكتوبر وده بيخلي ميعاد الباص بتاع الجامعة يفوت مني و أضطر أركب مواصلات فأنا من قدام الجامعة مش بلاقي حاجه بتروح رمسيس أو بتكون رايحه ومليانه ناس!! كله ميدان لبنان و المؤسسه

ومن الحصري في موقف الميكروباصات قليل أوي لما ألاقي حاجه تروح رمسيس

فهل السادس حيكون فيه ميكروباصات لرمسيس كتير ؟؟

سؤال تاني معلش حتعبك معايا :- لو عايز أروح التحرير أركب منين ؟بس المهم يكون مكان فيه مواصلات للتحرير كتير مش من أمام جامعة مصر أو الحصري

ولو الهرم أركب منين ؟؟

وبالنسبة للمسافة من الهرم تحديداً من منطقة نصر الدين مروراً بشارع الهرم ثم ميدان الرماية للجامعة بياخد وقت أد أيه لو تعرف ؟؟ يعني لو زحمة أوي بياخد وقت أد أيه و هل في الرجوع بيعدي من طريق المحور اللي بمشي منه وأنا رايح مدينة نصر ؟؟ ولا لأ لأن طريق المحور بتكون فيه العربيات ماشية تاتا تاتا خصوصاً بعد الساعه 5 و نص لدرجة أني بوصل البيت في 3 ساعات بالضبط !!!

معلش أسئلتي كتيره بس الفكره أني عندي شقة في الهرم في نصر الدين بس مش جاهزة وبفكر أنقل فيها بعد الميد تيرم

يا ريت حضرتك تقولي في كلية أيه

هرم اكتوبر او جيزة اكتوبر
مش بيمشوا محور بيمشوا
ميدان الرماية
طريق الواحات
اكتوبر
مس بيدخلوا المحور خالص

[aliabutaleb]

فبليز ممكن حد يقوللي فين مواقف ميني باصات شركة لبنان اللي لونها أخضر في 6 أكتوبر ؟ غير اللي جنب الحصري أمام جاد الناحية التانية و غير اللي أمام جامعة مصر ؟؟؟؟؟
وياريت اللي يعرف ميني باصات النقل العام الخضراء ديه بتشتغل من الساعه كام الصبح و أخرها للساعه كام بالليل ؟؟

فيه موقف للميني باص جنب النساجون الشرقيون قبل ميدان فودافون بحاجة بسيطة
وفيه موقف ميني باص تاني في ميدان ليلة القدر في الشارع اللي وانت رايح على سنترال أكتوبر
بس بصراحة مش فاكر هو الميني باص الأخضر ولا حاجة تانية

[ayman2009]

شكرأ لكم جميعاً د.عاطف و أ.سعد و أبو حمزة

بس معلش عندي سؤال للأستاذ أبو حمزة فين الموقف اللي جنب النساجون الشرقيون قبل ميدان فودافون بحاجة بسيطة في أنهي حي يعني ؟ أو هل هو قرب الحصري أم في الحي المتميز قرب الجامعة ولا هو أقرب لميدان ليلة القدر ؟؟مع ملاحظة أني مش أعرف أي حاجة في 6 أكتوبر غير الأماكن اللي موجودة بين قوسين في السطرين التاليين

سؤال أخر :-ميدان ليلة القدر ده أقرب حاجه له هل هي (جامعة مصر ولا اكاديمية اخبار اليوم ولا ميدان جهينة ولا جامعة الأهرام ولا مدينة الثقتفة والعلوم ولا الحصري ولا هايبر وان) ؟؟؟؟؟ معلش أسئلتي غريبة شوية ورخمة بعض الشئ بس أنا بسألها عشان بأخد دروس في6 أكتوبر ويهمني أعرف المكان اللي أنا ناوي أروح له قريب من أيه

شكراً جزيلاً لكم على المساعدة

[Sh_sunsea]

النساجون الشرقيون ده في المنطقة الوسطى بين المحور المركزي والموازي - اذا قولنا ان ميدان النادي والموازي هو الميدان الأول - فيكون ميدان الحصري والموازي له هو التاني - فالميدان الثالث عند قسم الشرطة وبنزينة التعاون - فالميدان الرابع ميدان فودافون - والخامس هو ميدان ليلة القدر

انا ملاحظتش هناك مني باصات عند النساجون الشرقيون وان كانت حاجة تستحق البحث فيها بما اني من سكان اكتوبر

بالنسبة لمشوار الهرم والجيزة - اكتوبر - فغير بين الساعة 9 ص مثلا لحد 1 ظهرا - وبعد 11 مساء - هايبقى عذاب ووقت رهيب ليس له أي داعي الا ان تكون رايح مكان في الهرم او الجيزة - غير كده في أي معاد تاني المحور وانطلق

[ayman2009]

يعني أنهي اللي فيه ميكروباصات و ميني باصات لرمسيس و التحرير و الهرم بوفرة في الميادين ديه كلها ؟؟؟

هل حضرتك تقصد من بعد واحدة الظهر لحد 11 بالليل زحمة و بعد 11 بالليل طريق الهرم فاضي ؟؟

شكراً جزيلاً لك

[rockana9112007]

بص ياايمن باشا انا من سكان اكتوبر من زمان

المشكلة ان مفيش منى باص اخضر فى اكتوبر خالص والمنيباصات اللى بتشوفهاا بتحمل بتبقى تبع اهالى مش خط منتظم لشركة
اعتقد ان فية خط منى باص اخضر فى مدينة الشيخ زايد واتوبيس كمان تبع الهيئة

وقريب عملو اتوبيس للهيئة من اكتوبر مش عارف لحد فين وشوفتة بالصدفة بس الخط بتاعة اللى اخترعة يستاهل ينضرب بالنار عشان بيلف كتير وواخدها من الشرق للغرب على الفاضى ودة بيضيع وقت كتير جدااااااااااااااااا

مشكلة اكتوبر اللى لمحافظ مكبر بالة منهاااا المواصلااات الناس اتضاعفت مش اقل من 5 مرات فى اكتوبر لانى عايش فيهااا من سنة 91 والمواصلات هياااا هيااااا
فدة تقدر تقول تخلف وغباء من المسؤولين عشان مانعين تراخيص الاجرة الجديدة


المهم نصيحتى ليك من الاخر
عاوز تستخدم طريق المحور عشن تروح رمسيس او التحرير اركب اى حاجة رايحة ميدان لبنان وبعد كدة غير خصوصااااا فى اوقات الذروة

عاوز تروح الهرم او الجيزة
اولااا يااماااا تقف عند مدخل المتميز اللى جنب جامعة مصر عند هاميس مول ومطعم جاد ودة فرصتك انك تركب فى اوقات الذروة معدومة تقريباااا
يااما تاخد ميكروباص داخلى اللى هو المدغدغ دة من نفس المكان ينزلك عند طريق الواحات بس وانتا بتركب قولة نازل عند طريق الفيوم لو اة ماشى لو قالك اخرى صينية رامو يبقى متركبوش عشان مش هيوديك ودة هيبقى اخرة الحى المتميز بس

الحل الاسلم انك تركب اى حاجة رايحة ميدان الحصرى من الرصيف التانى اللى قدام الجامعة للقادم من ميدان لبنان او القاهرة ..
وبعدين فى الحصرى تحاول تركب جيزة او هرم لانهم بياخدو طريق الواحات على طول ومبيعدوش على المحور او المتميز او جامعة مصر

زمان كانت ميكروباصات الجيزة على قفااا مين يشيل بس الناس كترت والمواصلات زى ماهيااا لحد مابقت عملة نادرة جداااااااا والذهاب للجيزة او الهرم من اكتوبر فى اوقات الذروة اصعب بكتير من الذهاب لمديان لبنان وبعدين رمسيس

فى حل برضة حطة فى دماغك لو قررت تنقل نصر الدين والدنيااا وقفة
انك تركب ميدان لبنان وتنزل سلم السودان وبعدين تركب اى عربية رايحة ميدان الجيزة

واى سؤال انا تحت امرك

[3ateef]

بص ياايمن باشا انا من سكان اكتوبر من زمان

المشكلة ان مفيش منى باص اخضر فى اكتوبر خالص والمنيباصات اللى بتشوفهاا بتحمل بتبقى تبع اهالى مش خط منتظم لشركة
اعتقد ان فية خط منى باص اخضر فى مدينة الشيخ زايد واتوبيس كمان تبع الهيئة

وقريب عملو اتوبيس للهيئة من اكتوبر مش عارف لحد فين وشوفتة بالصدفة بس الخط بتاعة اللى اخترعة يستاهل ينضرب بالنار عشان بيلف كتير وواخدها من الشرق للغرب على الفاضى ودة بيضيع وقت كتير جدااااااااااااااااا

مشكلة اكتوبر اللى لمحافظ مكبر بالة منهاااا المواصلااات الناس اتضاعفت مش اقل من 5 مرات فى اكتوبر لانى عايش فيهااا من سنة 91 والمواصلات هياااا هيااااا
فدة تقدر تقول تخلف وغباء من المسؤولين عشان مانعين تراخيص الاجرة الجديدة


المهم نصيحتى ليك من الاخر
عاوز تستخدم طريق المحور عشن تروح رمسيس او التحرير اركب اى حاجة رايحة ميدان لبنان وبعد كدة غير خصوصااااا فى اوقات الذروة

عاوز تروح الهرم او الجيزة
اولااا يااماااا تقف عند مدخل المتميز اللى جنب جامعة مصر عند هاميس مول ومطعم جاد ودة فرصتك انك تركب فى اوقات الذروة معدومة تقريباااا
يااما تاخد ميكروباص داخلى اللى هو المدغدغ دة من نفس المكان ينزلك عند طريق الواحات بس وانتا بتركب قولة نازل عند طريق الفيوم لو اة ماشى لو قالك اخرى صينية رامو يبقى متركبوش عشان مش هيوديك ودة هيبقى اخرة الحى المتميز بس

الحل الاسلم انك تركب اى حاجة رايحة ميدان الحصرى من الرصيف التانى اللى قدام الجامعة للقادم من ميدان لبنان او القاهرة ..
وبعدين فى الحصرى تحاول تركب جيزة او هرم لانهم بياخدو طريق الواحات على طول ومبيعدوش على المحور او المتميز او جامعة مصر

زمان كانت ميكروباصات الجيزة على قفااا مين يشيل بس الناس كترت والمواصلات زى ماهيااا لحد مابقت عملة نادرة جداااااااا والذهاب للجيزة او الهرم من اكتوبر فى اوقات الذروة اصعب بكتير من الذهاب لمديان لبنان وبعدين رمسيس

فى حل برضة حطة فى دماغك لو قررت تنقل نصر الدين والدنيااا وقفة
انك تركب ميدان لبنان وتنزل سلم السودان وبعدين تركب اى عربية رايحة ميدان الجيزة

واى سؤال انا تحت امرك

+111111111

احنا كده نعمل رابطة سكان 6 اكتوبر على المنتدى

:)):b4_282:

[rockana9112007]

+111111111

احنا كده نعمل رابطة سكان 6 اكتوبر على المنتدى

:)):b4_282:

ياريت والله ياعاطف باشا خصوصااا اننا مش شوية فى المنتدى

انتا ساكن فين ياباشا ؟؟؟

[3ateef]

ياريت والله ياعاطف باشا خصوصااا اننا مش شوية فى المنتدى

انتا ساكن فين ياباشا ؟؟؟

قدام خير زمان....وانت ؟؟؟!!
:)

[eng.octooo]

وانا معاكم فى الحى الثالث .....بينى وبين عاطف 500 متر فقط لا غير