أروح مرور عين الصيرة اللى في مصر القديمة ازاى

[amrelsaqqa]

السلام عليكم يا شباب

كنت عاوز اروح المرور اللى في عين الصيرة - مصر القديمة
عشان تجديد رخصة العربية

العربية كنا شاريينها من سنة كدة وماشية بالرخصة القديمة بتاعت صاحبها الاولانى

والرخصة قربت تتجدد و المفروض اروح هناك عشان ننقلها للمرور عندنا في المنوفية


عايز اعرف اروح ازاى وياريت بأسهل الطرق ( من الدائرى وكدة)
وشكرا مقدما

[M.Elsheikh]

مرور عين الصيرة موجود امام حديقة الفسطاط
لو انت ماشي على الدائري ممكن تنزل المعادي على الكورنيش و تمشي في اتجاه التحرير و لما توصل كوبري الملك الصالح ماتطلعش الكوبري و تاخد يمين
ملحوظة لو اخذة شمال من تحت الكوبري حتروح المنيل عند سينما فاتن حمامة
المهم بعد ما تاخد يمين حتنزل النفق و بعدين حتمشي على طول لغاية ما تلاقي حديقة الفسطاط على ايدك اليمين و مرور عين الصيرة على ايدك الشمال حتاخد اول يوترن وتركن في الشارع الي قبل سور المرور على طول
و بالتوفيق مقدما

[amrelsaqqa]

الف شكر ياباشا
وربنا يخليك