من 6 اكتوبر إلى المنصورة

[mmans]

انا يا جماعة فى اخر سنة فى جامعة 6 اكتوبر و برجع المنصورة كل يوم خميس الساعة 4 و طبعا الطريق بيبقى زحمة جدااااا انا برجع عادى من المحور-دائرى-اسكندرية الزراعى-بنها-المنصورة بس طبعا فى المعاد ده المشوار بياخد مش اقل من 3 ساعات و نص مع انو فى الاوقات العادية باخدو فى ساعتين
المهم انى سمعت من اكتر من واحد ان فى طريق تانى من 6 اكتوبر لحد بنها من غير المحور و الدائرى و سمعت كمان انو اقصر و فاضى على طول بس الى سمعت منهم الحوار ده مش عارفين الطريق ده بالظبط بس بياكدو ان فى طريق كده فانا كنت عايز اعرف حد عندو اى معلومات عن الطريق ده ؟؟؟؟؟

[بحري]

لأ الطريق ده مش موجود والمتاح بس هو الزراعي

[yaserbasha2000]

يا ريت
انا سمعت عن الدائري الاقليمي بس ده لسه بدري عليه

[خالد خليفة]

انا يا جماعة فى اخر سنة فى جامعة 6 اكتوبر و برجع المنصورة كل يوم خميس الساعة 4 و طبعا الطريق بيبقى زحمة جدااااا انا برجع عادى من المحور-دائرى-اسكندرية الزراعى-بنها-المنصورة بس طبعا فى المعاد ده المشوار بياخد مش اقل من 3 ساعات و نص مع انو فى الاوقات العادية باخدو فى ساعتين
المهم انى سمعت من اكتر من واحد ان فى طريق تانى من 6 اكتوبر لحد بنها من غير المحور و الدائرى و سمعت كمان انو اقصر و فاضى على طول بس الى سمعت منهم الحوار ده مش عارفين الطريق ده بالظبط بس بياكدو ان فى طريق كده فانا كنت عايز اعرف حد عندو اى معلومات عن الطريق ده ؟؟؟؟؟

الطريق ده فعلا موجود لكن لسه بدرى عليه لان فيه نزع ملكية كتير وهو موازى للطريق الزراعى لحد بنها

[mmans]

الطريق ده فعلا موجود لكن لسه بدرى عليه لان فيه نزع ملكية كتير وهو موازى للطريق الزراعى لحد بنها

الطريق الى انت بتتكلم عليه ده شغال فيه القوات المسلحة و هو من بنها لغاية موقف العاشر
مش ده الى انا اقصده انا قصدى ان فى طريق شغال من 6 اكتوبر (مش القاهرة) لغاية بنها و هو مش طريق رئيسى هو طريق صغير او بمعنى ادق تخريمة لكن دايما فاضى يعنى يفيد فى اوقات الزحمة فى واحد صاحب والدى هو الى قال لوالدى عليه لكن انا مجربتوش ف معرفوش حتى مرة كنت جاى من اكتوبر مواصلات و مكنش معايا العربية و كنت راكب المنصورة من ليلة القدر فى 6 اكتوبر ف السواق طلع المحور قام واحد من الركاب قاله مرحتش من الطريق التانى ليه قام السواق قاله اصل انا لسة جديد فى الخط ده و معرفش الطريق التانى
فالاكيد ان فى طريق شغااااال من اكتوبر لبنها

[mramzy]

هو فيه طريق كنت بهرب منه من جنب امارات مصر الشارع اللى فيه غبور باخده لاخره بطع فى ابور رواش
والصليبه وبكمل واوصل الى فيصل والهرم
بس اللى اعرفه فى الصليبه دى فى طريق بيطلعك على طريق القناطر من ورا على بنها كنت جربته زمان بس مش متذكره بالظبط

[خالد خليفة]

الطريق الى انت بتتكلم عليه ده شغال فيه القوات المسلحة و هو من بنها لغاية موقف العاشر
مش ده الى انا اقصده انا قصدى ان فى طريق شغال من 6 اكتوبر (مش القاهرة) لغاية بنها و هو مش طريق رئيسى هو طريق صغير او بمعنى ادق تخريمة لكن دايما فاضى يعنى يفيد فى اوقات الزحمة فى واحد صاحب والدى هو الى قال لوالدى عليه لكن انا مجربتوش ف معرفوش حتى مرة كنت جاى من اكتوبر مواصلات و مكنش معايا العربية و كنت راكب المنصورة من ليلة القدر فى 6 اكتوبر ف السواق طلع المحور قام واحد من الركاب قاله مرحتش من الطريق التانى ليه قام السواق قاله اصل انا لسة جديد فى الخط ده و معرفش الطريق التانى
فالاكيد ان فى طريق شغااااال من اكتوبر لبنها

الطريق التانى اللى تقصده طريق ضيق ومنحنياته كتير وانا عارفه ومرضيتش اقوللك عليه لانه مزعج واللوارىعليه كتير ومدغدغ فى جوء منه لكن نقول لك عليه وامرنا لله انت جاى من 6اكتوبر هتمشى لحد منزل القناطر وتنزل منهاوتاخد طريق القناطر للاخر هيقابلك مزلقان سكة حديد تعديه وتكمل بين القرى فى طريق ضيق لحد متوصل بلد اسمها العمار بلد مشهورة بزراعة الفواكه وخصوصا المشمش وتكمل بعدها للأخر هتلاقى نفسك عند مزلقان القطار فى بنها تعدى المزلقان وتكمل على طول لايمين ولاشمال هيبقى فرع النيل على يمينكتكمل هيقايلك كوبرى تعدى من تحته تبقى انت فى اول الطريق للمنصورة بس دى فى مناطق منها زحمة جدا و لفة وبرضه هتاخد نفس الوقت

[خالد خليفة]

طبعا من 6 اكتوبر لمنزل القناطر عن طريق المحور ثم الدائرى

[mmans]

يااااه شكلو طريق رخم اوى و لو عربيتى مشت عيه مش هتوصل سليمة و الى نعرفه احسن من الى منعرفوش خلينى فى الطريق الطبيعى احسن
عموما الف شكر يا رجالة

[خالد خليفة]

يااااه شكلو طريق رخم اوى و لو عربيتى مشت عيه مش هتوصل سليمة و الى نعرفه احسن من الى منعرفوش خلينى فى الطريق الطبيعى احسن
عموما الف شكر يا رجالة

هو مرصوف بس من منزل الدائرى حتى مزلقان القطار ضيق والموتوسيكلات كتير غير التوكتوك ومن مزلقان القطار لحد متوصل بداية طريق بنها بلد مكسرة ومليانة توكتوك اسمها الحادثة وبعد كده مرصوف لكن ضيق ورايح جاى اتجاهين يعنى اذا كان تركيزك على الزراعى بتاع اسكندرية ممكن يبقى 90% فعلى الطريق ده لازم يبقى 150% يعنى تستلف تركيز من اى حد معدى جنبك والا ممكن تلاقى موتوسيكل نط أدامك توكتوك عيل صغير لانك هتعدى وسط بلاد وربنا يستر عليك وعلينا