عايز اروح فودافون كورنيش المعادي

[EngAhmedRagab]

السلام عليكم يا شباب انا من الخلفاوي شبرا

عايز اقصر طريق اروح بيه لفودافون اللي علي كورنيش المعادي بالعربية

يا ريت وصف دقيق يا شباب عشان انا عندي انترفيو فمش عايز اتأخر عن ميعادي

و شكرا مقدما

[ahmedhilmy]

كورنيش النيل من عند حضرتك من جنب ابراج اغاخان اول يو ترن تخده و كده انت بقيت في اتجاه اللي رايح علي التليفزيون حضرتك بقى علطول و لا يمين و لا شمال تعدي تقاطع الكورنيش مع عبد المنعم رياض النيل هيلتون جاردن سيتي القصر العيني الفرنساوي كوبري الملك الصالح كل ده و انت ماشي عادي علطوووووووووووول لغاية متلاثي فودافون علي ايدك الشمال قبل مدخل المعادي الرئيسي الرحلة تاخدلها تقريبا لو الدنيا ماشية حلو من 20 - 25 دقيقة و توصل رالسلامة و موفق في المقابلة ان شاء الله

[EngAhmedRagab]

شكرا جزيلا يا استاذ احمد حلمي

[M_Marwan]

حضرتك متأكد انو على كورنيش المعادى ؟؟
أعتقد ان المكتب ده قفل من ساعه ما خادوا المبنى الجديد عندنا فى زهراء المعادى

ياريت حضرتك تتأكد

[EngAhmedRagab]

ايوه يا استاذ مروان

خلف الفا ماركت علي كورنيش المعادي

[Hermione_Grang]

طب لو من مصر الجديدة ايه المواصلات الى ممكن اخدها ؟؟
وياريت حد يرد على انهاردة عشان عندى مقابلة بكرة و مش عارفة اروحها إزااى؟؟

[M.Osman]

طب لو من مصر الجديدة ايه المواصلات الى ممكن اخدها ؟؟
وياريت حد يرد على انهاردة عشان عندى مقابلة بكرة و مش عارفة اروحها إزااى؟؟

اسهل حاجة المترو..

انزل محطة المعادي و خد تاكسي (المكان مش بعيد عن محطة المترو)