من الكيلو 4.5 الى اسكندرية الصحراوى ..؟

[kewies]

افيدونى لو سمحتم .. ازاى اروح اسكندرية على الطريق الصحراوى .. فى ناس قالتلى خذ الدائرى بس بيتهيالى انة طويل اوى ... ارجو نصيحة اهل الخبرة .. و شكرا

[AlmAhAtmA]

الدائري 30 كم + المحور 13 كم تلاقي نفسك قدام البوابات
انا من خبرتي كده احسن بكتير
و لو الوقت مش مهم تجنب فترات التكدس و الزحمه و غالبا هيه اوقات خروج الموظفين و العمال
و ان شاء الله تروح و تيجي بالسلامه

[kewies]

شكرا يا باشا على الرد .. فى انتظالر المزيد من الاراء .

[faron525]

الدائري 30 كم + المحور 13 كم تلاقي نفسك قدام البوابات
انا من خبرتي كده احسن بكتير
و لو الوقت مش مهم تجنب فترات التكدس و الزحمه و غالبا هيه اوقات خروج الموظفين و العمال
و ان شاء الله تروح و تيجي بالسلامه

+111

[خالد خليفة]

طبعا انت تقصد الكيلو 4.5 طريق السويس اقر بلك الدايرى طبعا لانك هتمشى حوالى 10 كيلو لحد متوصل الدايرى او اقل شوية ثم مسافة حوالى 45 كيلو حتى بوابات الرسوم اول مصر اسكندرية الصحراوى والمشوار ده كله بالكتير ساعة الا ربع لكن بقى لو حبيت تدخل اتوستراد فكوبرى اكتوبر ثم كوبر ى 15 مايو ثم المحور يعنى ودنك منين ياجحا فدى فيه سنة بقى على متوصل هههههههههههه توصل بالسلامة

[abdo_general]

طيب داخلة سريعة معلش

انا لو طلعت علي الدائري
الي هو وانا فيه بعدي علي كارفور ؟؟

طيب واكمل ازاي
واطلع المحور منين

ياريت لو حد يوضحلي ببعض التفصيل