ملاهي السندباد

[nubera97]

السلام عليكم ،،

كنت عاوز اروح ملاهي السندباد من طريق ميدان المطرية
ولكم تحياتي

[hugan]

بل العربيه ولا مواصلات اصل المشضواركله مايجيش 10دقائق

[faron525]

حضرتك لو جاي من ميدان المطرية المطرية بالعربية يبقي تمسك شارع جسر السويس من ميدان التجند اتجاة السلام وعند الحرفيين هتلاقي كوبري علوي قاطع الشارع لف يمين ثم يمين تاني هتفضل ماشي في الشارع ده هتلاقي الملاهي السندباد علي يمينك

[Ahmed Galal]

لو مواصلات: هاتركب من ميدان المطرية عربيات موقف العاشر و هاتنزل الجراج هاتلاقى عربيات بتقول الشيراتون أو المطار هاتركبها هاينزلك اقرب نقطة للسندباد و هاتمشى 5 دقايق من المطرية 1.5 و من الجراج 0.75 حل تانى بردك عربيات موقف العاشر و تنزل سوق القنال الدولى تعدى الناحية التانية و تركب عربيات السلام صلاح سالم او عربيات رابعة و السيدة عائشة دول هاينزلوك قدام السندباد من المطرية 1.5 و من سوق القنال 1.25 لما تيجى ترجع بقا فيه ملف بعد السندباد بشوية هاتلاقى فيه اتوبيسات رايحة الجراج ترجع فيها و من الجراج الناحية التانية تركب مطرية بالعربية: هاتطلع على الحلمية و منها كوبرى التجنيد و تلف شمال تحت الكوبرى تدخل جسر السويستدنك ماشى فيه لغاية ما تلاقى بافاريا على شمالك و بعدها بتوع زرع على يمينك هاتمسك يمين لغاية ما تلاقى فتحة تدخلك على جوزيف تيتو الموازى لجسر السويس تمشى فيه لاخره هاتلاقى السندباد على يمينك طبعا هاتعدى على الف مسكن و العرب و الجراج و كل ده زحمة و مكروباصات بعد الجراج هاتلاقى الدنيا بتخف شوية يبقا كده انت ماشى صح

[nubera97]

شكرا لجميع الاخوة علي التجاوب علي استفساري ولكم جميعا جزيل الشكر