حد يقولي اروح العريش ازاي و بكام

[Amrelabody]

حد يقولي والنبي اروح العريش ازاي و بكام و تكون اسعار معقوله و اركب منين
انا من القاهره

[هيثم]

اكيد فى معاد اتوبيس من القاهره
بس ممكن تركب اسماعيليه
ومن هناك هتلاقى اتوبيس و بيجو

[Amrelabody]

حد يعرف؟؟؟؟؟؟؟؟؟؟؟؟

[Amrelabody]

شكرا لكن انا عايز اعرف من القاهره منين و بكام

[mohd2]

في العربية المرسيدس بتاعتهم
ودي تقريبا يا 22 أو 24 جنيه في الحدود دي مش فاكر
الموقف مش فاكر اسمه بس هو عند اخر خط المترو و اعذرني اسم الموقف مش عارف افتكره

[mohd2]

اظن موقف عبود بس مش متأكد

[Dr Zezo]

السلام عليكم

الذهاب الي العريش بسيط جدا

افضل و اسرع طريقة هي التاكسي المرسيدس السبعة او الثمانية راكب

موقف السيارات الاجرة يقع في المرج الجديدة بجانب المترو بالضبط

الاجرة تقريبا 20 او 22 جنيه لكن في الغالب علي ما اذكر 20 جنيه

المسافة في المتوسط تأخذ 3 ساعات و نصف و نصف ساعة استراحة بالكافتريا

و من الممكن اقل من ذلك او اكثر من ذلك حسب قيادة سائق السيارة

هناك طريقة اخري و هي ركوب الاتوبيس - بتوع شرق الدلتا - و الاتوبيسات برضه موجوده في نفس الموقف في المرج الجديدة

تقريبا اول ميعاد الساعة 8 او 8 و نصف اخر مرة ركبته من كذا سنة كان ب 16 جنيه و مش مكيف و بطئ جدا ممكن توصل في 5 او 6 ساعات

و في كذا ميعاد تاني بالتقريب كدا الساعة 12 و الساعة 4

و بتاع الساعة 4 مكيف و كويس و تقريبا ب 26 جنيه بس برضه بطئ زي بقية اخواته

اضافة الي ان الاتوبيسات بتقف في كافتريا خدمتها وحشة

خلاف السيارات المرسيدس بتقف في كافتريات نضيفة و اكلهم جميل سواء مشوي او مطبوخ

مواعيد الاتوبيسات اللي انا قلتها بالتقريب لأنها بتتغير و انا اصلا محبش اركبه فمعرفش نظامه ايه دلوقت

و توصل بالسلامة ان شاء الله

[Amrelabody]

شكرا ليكوا اوي علي الافاده ,و نردهالكوا قريب ان شاء الله.اصل انا كنت هاطلع مع صحابي كده يومين قالولي المواصلات 60 جنيه و ارقام جامده كده.و شكرا تاني

[Amrelabody]

السلام عليكم

الذهاب الي العريش بسيط جدا

افضل و اسرع طريقة هي التاكسي المرسيدس السبعة او الثمانية راكب

موقف السيارات الاجرة يقع في المرج الجديدة بجانب المترو بالضبط

الاجرة تقريبا 20 او 22 جنيه لكن في الغالب علي ما اذكر 20 جنيه

المسافة في المتوسط تأخذ 3 ساعات و نصف و نصف ساعة استراحة بالكافتريا

و من الممكن اقل من ذلك او اكثر من ذلك حسب قيادة سائق السيارة

هناك طريقة اخري و هي ركوب الاتوبيس - بتوع شرق الدلتا - و الاتوبيسات برضه موجوده في نفس الموقف في المرج الجديدة

تقريبا اول ميعاد الساعة 8 او 8 و نصف اخر مرة ركبته من كذا سنة كان ب 16 جنيه و مش مكيف و بطئ جدا ممكن توصل في 5 او 6 ساعات

و في كذا ميعاد تاني بالتقريب كدا الساعة 12 و الساعة 4

و بتاع الساعة 4 مكيف و كويس و تقريبا ب 26 جنيه بس برضه بطئ زي بقية اخواته

اضافة الي ان الاتوبيسات بتقف في كافتريا خدمتها وحشة

خلاف السيارات المرسيدس بتقف في كافتريات نضيفة و اكلهم جميل سواء مشوي او مطبوخ

مواعيد الاتوبيسات اللي انا قلتها بالتقريب لأنها بتتغير و انا اصلا محبش اركبه فمعرفش نظامه ايه دلوقت

و توصل بالسلامة ان شاء الله

هو انت متاكد من السعار دي ,لو كده با ريت عشان انا طالع الاسبوع الجاي

[Dr Zezo]

اسعار التاكسي متأكد منها لن تزيد عن 22 و في الغالب 20 جنيه

و علي فكرة 60 جنيه ده تمن تذكرة الاتوبيس من القاهرة لجنوب سيناء مش للعريش

و المسافة بين الاتنين كبيرة عشان كده التذكرة غالية

العريش اقرب هما 300 كم بس

[ahmedfathi]

فعلا احسن حاجه للعريش هو العربيات الاجره فى اخر خط مترو الانفاق (المرج الجديده)
بس ما اعرفش الاجره كام لانى ما سافرتش العريش قبل كده بس عارف الموقف ده لانى ساكن جنبه وبشوف ناس كتير بتركب من هناك

[AAAH]

زى ما الاخوه الافاضل ذكروا كده
وجزاهم الله خيرا
تروح وتيجى بالسلامه ان شاء الله
بس ليا عندك رجاء
بلاش تحلف بغير الله

حكم الحلف بالنبي صلى الله عليه وسلم
السؤال : اعتاد بعض الناس الحلف بالنبى صلى الله عليه وسلم . وأصبح الامر عاديا عندهم ولا يعتقدون ذلك اعتقادا فما حكم ذلك ؟
الجواب : الحلف بالنبى صلى الله عليه وسلم أو غيره من المخلوقات منكر عظيم ، ومن المحرمات الشركية ولا يجوز لاحد الحلف إلا بالله وحده وقد حكى الامام ابن عبد البر رحمه الله الاجماع على انه لا يجوز الحلف بغير الله وقد صحت الاحاديث عن النبي صلى الله عليه وسلم بالنهى عن ذلك وأنه من الشرك كما في الصحيحين عن النبي صلى الله عليه وسلم انه قال : (( ان الله ينهاكم ان تحلفوا بآبائكم فمن كان حالفا فليحلف بالله أو ليصمت )). وفى لفظ آخر ((فلا يحلف إلا بالله أو ليسكت)) .
وخرج ابو داود والترميذى باسناد صحيح عن النبي صلى الله عليه وسلم انه قال : ((من حلف بغير الله فقد كفر أو أشرك ))وصح عنه صلى الله عليه وسلم انه قال : (( من حلف بالامانة فليس منا )) والاحاديث في هذا الباب كثيرة معلومات ، والواجب على جميع المسلمين إلا يحلفوا إلا بالله وحده ولا يجوز لاحد ان يحلف بغير الله كائنا من كان للاحاديث المذكورة وغيرها ويجب على من اعتاد ذلك ان يحذره وان ينهى أهله وجلساءه وغيرهم عن ذلك لقول النبي صلى الله عليه وسلم : (( من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الايمان)).
والحلف بغير الله من الشرك الاصغر للحديث السابق وقد يكون شركا أكبر اذا قام بقلب الحالف ان هذا المحلوف به يستحق التعظيم كما يستحقه الله ، أو انه يجوز ان يعبد مع الله ونحو ذلك من المقاصد الكفرية ...
نسأل الله أن يمن على المسلمين جميعا بالعافية من ذلك وأن يمنحهم الفقه في دينه والسلامة من أسباب غضبه انه سميع قريب .

كتاب الدعوة ، ج2ص28-29 ، الشيخ ابن باز .

وصلى الله على نبينا محمد وعلى آله وصحبه أجمعين

[limo]

ممكن كمان بالاضافه لمرسيدس بتاع المرج هوه بالمناسبه ب20 جنيه وافضل وسيله للذهاب للعريش
شرق الدلتا من محطه الماظه والترجمان فيه ميعاد الساعه 8 الصبح وميعاد تانى الساعه 5 المغرب سعره لو عادى 22 جنيه ولو بلمان 26 مكيف وبياخد الطريق فى حدود من 4 ونصف الى 5 ساعات
فيه كمان سوبر جيت بس مش عارف المواعيد بتاعته بالضبط

[migo9898]

تاكسى مرسيدس من المرج بجوار محطة مترو الانفاق 20 جنيه حوالى تلات ساعات ونصف بالظبط وفى اتوبيس من المرج بس منصحكش لان مفيهوش خدمة اساسا ممكن تاخد الاتوبيس 8 صباحا من الماظة او العباسية او الترجمان وفى ميعاد تانى الساعة خمسة بس معرفش مواعيد التوقيت الصيفى ايه الاتوبيس تقريبا التذكرة ب 30 مكيف وفيديو وحمام من اربع ساعات الى اربعة ونصف انا من رايى المرسيدس احسن ولو عايز اى استفسار تانى تحت امرك

[Amrelabody]

هو كده التاكسي احسن عشان ارخص و بردوا الاتوبيس مكيف بس اغلي .و شكرا ليكم علي طرح الاسعار