يا اهل الزقازيق ازاى اروح هناك

[mahamedaraby]

عايز اعرف ازاى اروح الزقازيق من صلاح سالم او العباسيه بالعربيه

[Hany A Fattah]

صلاح سالم لغايه الاخر عند الكليه الحربيه
وتطلع الكوبرى وتنزل اول شمال هاتلاقى الكليه الحربيه علي شمالك والمطار على اليمين
هاتلف يمين مع سور المطار بعد حوالى كيلو هاتلاقى كوبرى تطلعه
هاينزلك على اول طريق مصر الاسماعيليه
تمشى حوالى 2 كيلو ومع اول يوتيرن هاتلف وتدخل شمال من طريق بلبيس وتكمل علطول على الزقازيق
وتوصل بالسلامه ان شاء الله

[mahamedaraby]

طيب بص انا فهمت لحد طريق مصر الاسماعليه هطلع كوبرى يوصلنى للموقف العاشر وبعديه سوق العبور مش كده

انا اعمل يوترن فين بقى ؟

وشكرا ليك

[ENG\AHMED]

اول كوبرى هيقابلك بعد كوبرى المطار كوبرى الحرفيين ودة هينزلك على اول طريق مصر اسماعيلية
افضل ماشى على طول وعدى من موقف العاشر والهايكستب (منطقة التجنيد) بعد شوية هتلاقى مدينة العبور على شمالك هتدخل مدخل العبور (دخلة يمين بنفق هيعديك من تحت طريق مصر اسماعيلية علشان تدخل العبور)
افضل مكمل على طول على الطريق الرئيسى بتاع العبور اخر هتلاقى نفسك طلعت على طريق بلبيس الصحراوى
هتفضل مكمل على الطريق دة على طول هتلاقى الصحراوى خلص ودخلت على طرق بتعدى على قرى (هتمشى تبع الطريق يلف يمين يلف شمال تلف معاة)

او ممكن بدل لما توصل العبور تلف اول دوران شمال بعد موقف العاشر وبعدين تدخل او دخلة يمين هتقابلك علشان تدخل على مدينة السلام وبعدين تكمل (دة كدة اول طريق بلبيس الصحراوى , سواء من هنا او العبور مش فارقة)

[mahamedaraby]

هو الموضوع ده عامل كام كيلو كده

واللى فهمت انا همشى لحد سوق العبور انا عارف منطقه التجنيد هعدى عليها هلاقى يمين ادخله يطلعنى عالطريق الصحراوى مش كده بتاع الزقازيق

بس هو اول يمن بعد التجنيد ولا ايه ومكتوب عليه ايه وشكرا لمساعدتى

[ENG\AHMED]

هو الموضوع ده عامل كام كيلو كده

واللى فهمت انا همشى لحد سوق العبور انا عارف منطقه التجنيد هعدى عليها هلاقى يمين ادخله يطلعنى عالطريق الصحراوى مش كده بتاع الزقازيق

بس هو اول يمن بعد التجنيد ولا ايه ومكتوب عليه ايه وشكرا لمساعدتى

المسافة كلها حوالى من 80 الى 85 كلم لحد الزقازيق
بعد التجنيد هتلاقى يافطة كبيرة على يمين الطريق مكتوب عليها العبور وسهم للنفق والمدينة نفسها هتشوفها على يمينك
انت كدة لما تطلع من النفق دخلت مدينة العبور
هتفضل بقى مكمل على الطريق اللى انت فية دة لغاية لما تلاقى نفسك طلعت على الطريق الصحراوى بتاع بلبيس (نهاية الطريق دة طريق بلبيس فا متقلقش هتطلع علية )

على فكرة الطريق سهل ميتوهش بس علشان انت مروحتش قبل كدة فا مش متصور الطريق
من الكلام حاول تعمل تصور للطريق فى دماغك وافتكر الكلام وانت ماشى وان شاء الله خير متخافش مش هتتوة
توصل بالسلامة ان شاء الله

[mahamedaraby]

ان شاء الله مش هتتوه بس انا عايز اعرف بس الدخله وامشى عالطول ولا يمين ولا شمال بس هى دى المشكله وان شاء الله ربنا مايجبش مشاكل خلاص اللى فهمتوا دلوقتى ان بعض التجنيد هلاقى يفطه تودينى مدخل مدينه العبور هدخل فيها واكمل عالطول هطلع الطريق الصحراوى واوصل للزقازيق صح كده

[michohat]

من الكليه الحربية امشي فى اتجاه السندباد و اطلع كوبري الحرفين وانزل هتلاقى نفسك عند موقف العاشر كمل طوالى فى اتجاه العبور (بس خلى بالك من الاسفلت قدام شركه العربيات والمدرسة اللى هناك علشان فيه حفره)وانت ماشي بعد ما عديت موقف العاشر وماشي فى طريق العبور حاول تخليك على اليمين هتلاقى منطقة عسكرية (هناك المنطقة كلها عسكرية بس المنطقة دى ليها ملحق بيها مكان واسع لركن العربيات فهى مميزة)على اليمين اظن انها تجنيد او حاجه زى كده بعديها بشوية هتلاقى نفق العبور (على اليمين) متفرع من الطريق الاساسي وخلى بالك مش تسرع فيه لانه النفق فيه منحنى خطر هتطلع من النفق هتلاقى نفسك داخل على صينيه خليك طوالى هتلاقى على يمينك ملاهى و كارفور خد الطريق ده(طريق واسع وحلو كان زمان بتاع جري بس دلوقت ملوه مطبات) للاخر هتلاقى كارته ادفع للراجل جنيه واحد (المفروض تدفع 2 جنيه بس انت هتستعمل نص الطريق بس فادفع جنيه) دلوقتى انت بقيت على طريق القاهرة بلبيس الصحراوى امشيه للاخر هتلاقى الكارته التانيه (مش تدفع حاجه طبعا) هتعدى الكارته وهتكمل هتلاقى نفسك قدام نموذج طيارة (بيسموه ميدان الطيارة) لف معاه وامشي وخلي الجامع على يمينك وكمل الطريق ده هتدخل على ملف لليمين وكمل الطريق هتمر بمنحنى شمال بعده كوبري وبعده تبقى دخلت بلبيس (طريق داخل مدينه)هتكمل وهتمشي من فوق كوبري على رشاح (بس اقفل الزجاج وانت معدى افضل لك علشان الريحه ) و خلي بالك قدامك اسفلت متموج فامشي براحه لان فيه عالى وواطى كمل الطريق هتلاقيه بيلف يمين تانى ويدخلك على طريق (بره المدينه ) كمل فيه الطريق طويل وبيغري بالسرعه بس فيه مطبات كل شوية مطب اخره هتلاقى كوبري بيعدى بيك فوق شريط قطر (بلده بردين) وهينزلك على بدايه طريق بردين - العصلوجي كمل الطريق هتلاقي فى اخر الطريق مزلقان سكه حديد هتعديه وتكمل طريقك تبقى هتكون انت كده ناحيه مرور الزقازيق وحمد الله على السلامه وصلت مدينه الزقازيق

ولو عاوز اوصف ليك السكه لحد المكان اللى هتروحه اخوك جاهز

[michohat]

و اظنها تبقى عيبه انك تبقى عندنا فى المحافظة ومنعملش معاك اى واجب فايه هتكون ظروفك وامتى هتكون فى الزقازيق

[mahamedaraby]

و اظنها تبقى عيبه انك تبقى عندنا فى المحافظة ومنعملش معاك اى واجب فايه هتكون ظروفك وامتى هتكون فى الزقازيق

والله انت كده عملت معايا الواجب بزياده

بس معلش استفسار هو انا لما اوصل للكارته التانيه هل انا كده فى الزقازيق ولا لسه فى بلبيس

وبعد ما دخل ميدان الطياره اللى بتقوله عليه انا بقيت فى المدينه ولا لسه فى الصحراء

[michohat]

والله انت كده عملت معايا الواجب بزياده

بس معلش استفسار هو انا لما اوصل للكارته التانيه هل انا كده فى الزقازيق ولا لسه فى بلبيس

وبعد ما دخل ميدان الطياره اللى بتقوله عليه انا بقيت فى المدينه ولا لسه فى الصحراء

بعد الكارته التانيه انت كده فى بلبيس وهيكون حواليك كافتيريات ومبانى لحد ما توصل لجوه البلد (عندها هتلاقى بنزينه على يمينك)

ميدان الطيارة ده على طول بعد الكارته وهوا حواليه الكافتيريات

وبجدد الكلام مينفعش تكون فى الزقازيق ومش نتقابل ده لازم ( فى حاله ان ظروفك تسمح )

[mahamedaraby]

بعد الكارته التانيه انت كده فى بلبيس وهيكون حواليك كافتيريات ومبانى لحد ما توصل لجوه البلد (عندها هتلاقى بنزينه على يمينك)

ميدان الطيارة ده على طول بعد الكارته وهوا حواليه الكافتيريات

وبجدد الكلام مينفعش تكون فى الزقازيق ومش نتقابل ده لازم ( فى حاله ان ظروفك تسمح )

طيب يعنى بلبيس دى بلد والزقازيق دى بلد طيب معلش اوصفلى من ميدان الطياره اروح ازاى بلبيس

وابعتلى نمرتك وانا ان شاء الله هكلمك لما اكون هناك او تهت حاجه من الاتنين

[michohat]

طيب يعنى بلبيس دى بلد والزقازيق دى بلد طيب معلش اوصفلى من ميدان الطياره اروح ازاى بلبيس

وابعتلى نمرتك وانا ان شاء الله هكلمك لما اكون هناك او تهت حاجه من الاتنين :e_braces[1]:

بلبيس دى مدينه والزقازيق مدينه تانيه والاتين جنب بعض والمسافه بينهم 24 كيلو والمسافه من الزقازيق للقاهرة 84 او 85 كيلو واللى يزيد فى الزقازيق انها عاصمه المحافظة

هتعدى الكارته التانيه وهتكمل هتلاقى نفسك قدام نموذج طيارة (بيسموه ميدان الطيارة) لف معاه وامشي وخلي الجامع على يمينك وكمل الطريق ده هتلاقى الطريق بيلف لليمين ( الملف من واسع لضيق فخلى بالك ) وكمل مشي فى الطريق هيكون جنبك بعد شوية الكليه الجوية (اظن اسمها كده) و بعدها الطريق هيلف للشمال بس خلى بالك خدها على مهلك و حاول تخليك فى اليمين لان فى حاجز خرسانى من اللى فاصلين بينهم الطريق مجنح شوية وبارز هوا واسياخ فيه فى نهر الطريق بعده بشوية كوبري وبرضه متخدهوش بسرعه لان وصلات الكوبري بترزع فى الكاوتش وخصوصا اخر وصله تنزل من الكوبري تبقى انت كده دخلت بلبيس (طريق داخل مدينه)هتكمل وهتمشي من فوق كوبري على رشاح (بس اقفل الزجاج وانت معدى افضل لك علشان الريحه ) و خلي بالك قدامك اسفلت متموج فامشي براحه لان فيه عالى وواطى كمل الطريق هتلاقيه بيلف يمين تانى ويدخلك على طريق (بره المدينه ) كمل فيه الطريق طويل وبيغري بالسرعه بس فيه مطبات كل شوية مطب اخر الطريق هتلاقى كوبري بيعدى بيك فوق شريط قطر (بلده بردين) وهينزلك على بدايه طريق بردين - العصلوجي كمل الطريق هتلاقي فى اخر الطريق مزلقان سكه حديد هتعديه وتكمل طريقك تبقى هتكون انت كده ناحيه مرور الزقازيق وحمد الله على السلامه وصلت مدينه الزقازيق

نمرتي على الخاص بس ادينى نمرتك لانى الايام دى مش برد على النمر الغريبة لظروف فى الشغل عندى