طريق مصر اسكندريه

[alzwawy]

صباح الفل علي احلي رجاله رجاله كيا
انا انشاء الله يا رجاله مسافر اسكندريه النهارده بعد صلاه الفجر يعني بعد كام ساعه ف عاوز اعرف يا رجاله ايه ظروف الطريق حلو وحش نقر وكده علشان اول مره هطلع علي طريق سفر و انا سايق و تاني مره اروح اسكندريه في حياتي ف مش عارف ظروف الطريق و عاوز اعرف ظروفه بليل برده علشان هرجع في نفس اليوم بس بليل عاوز اعرف الطريق منورولا ظلمه ولا ايه الظروف يعني و امشي براحه و لا اجري مفيش نقر ولا حاجه انا بجري عادي بس طريق اول مره همشي في ف خايف اجري يطلعلي حاجه ياريت تقولولي كل حاجه عن ظروف الطريق و الردارات موجوده فين و كده

[ابو ليلى]

الحق ارد قبل ما نورمال يجى علشان كل مرة هو اول رد بيكون منه

يا زواوى يا حبيبى رايح اسكندرية تعمل ايه اعترف

الطريق فى اصلاحات وانت رايح فى مناطق معينة بس خلى بالك من النقل وخصوصا باليل وبالراحة على العروسة كده ومتعديش ال 120 ك واصلا الطريق مش هيساعد وانت رايح

وانت جى بقى الطريق احلا بكتير جدا واسع وسريع وابقى جيب يا عم ال 140 بس حضر فلوسك علشان مخالفة الردار

[MostafaMegahid]

هوه أنا مسافرتش كتير برضه على الطريق ده .. بس لسة مسافر فيه قريب ..
هوه الطريق فيه تحويلات كتير علشان بيصلحوا فيه و بيوسعوه .. فهتلاقى بعد ما أخدت سرعتك بتهدى تانى و تجيب أول و ديه حاجة كانت بتضايقنى قوى و الطريق بيوسع و يضيق من 4 حارات(أو 5 مش متذكر قوى) لحارتين بس
فيه حتت كده هتحس إن الطريق لسة جديد .. الحتت ديه جميلة جدا كنت بمشى فيها 140 مستريح قوى و مفيش نقر ولا أى حاجة .. فيه حتت تانية لسة متصلحتش ديه حاول تمشى فيها على مهلك علشان فيها نقر و الطريق ساعات مبيكونش مستوى

بالنسبة لفترة بالليل .. أنا مكنتش سايق .. فمكنتش مركز قوى .. بس حسيت إن الطريق فيه ضلمة كتير طول الطريق و إعتمادك بيبقى على نور عربيتك بس أو عين القطة (معرفش إسمها كده ولا لأ ) فى الحتت اللى لسة متجددة

أكيد فيه ناس من الأعضاء هايفيدوك أكتر منى .. و تروح و ترجع بالسلامة إن شاء الله :)

[alzwawy]

الحق ارد قبل ما نورمال يجى علشان كل مرة هو اول رد بيكون منه

يا زواوى يا حبيبى رايح اسكندرية تعمل ايه اعترف

الطريق فى اصلاحات وانت رايح فى مناطق معينة بس خلى بالك من النقل وخصوصا باليل وبالراحة على العروسة كده ومتعديش ال 120 ك واصلا الطريق مش هيساعد وانت رايح

وانت جى بقى الطريق احلا بكتير جدا واسع وسريع وابقى جيب يا عم ال 140 بس حضر فلوسك علشان مخالفة الردار

ههههههههه حلوه الحق ارد دي ههههههههههه
رايح اقضي يوم افك يا عم بقالي كام اسبوع في مشاكل لما هطق عاوز ابعد عن المشاكل شويه
اه انا سمعت عن الاصلاحات دي
يادي ام الردار طيب اعرف مكانه منين و المخالفه بكام طيب

[alzwawy]

هوه أنا مسافرتش كتير برضه على الطريق ده .. بس لسة مسافر فيه قريب ..
هوه الطريق فيه تحويلات كتير علشان بيصلحوا فيه و بيوسعوه .. فهتلاقى بعد ما أخدت سرعتك بتهدى تانى و تجيب أول و ديه حاجة كانت بتضايقنى قوى و الطريق بيوسع و يضيق من 4 حارات(أو 5 مش متذكر قوى) لحارتين بس
فيه حتت كده هتحس إن الطريق لسة جديد .. الحتت ديه جميلة جدا كنت بمشى فيها 140 مستريح قوى و مفيش نقر ولا أى حاجة .. فيه حتت تانية لسة متصلحتش ديه حاول تمشى فيها على مهلك علشان فيها نقر و الطريق ساعات مبيكونش مستوى

بالنسبة لفترة بالليل .. أنا مكنتش سايق .. فمكنتش مركز قوى .. بس حسيت إن الطريق فيه ضلمة كتير طول الطريق و إعتمادك بيبقى على نور عربيتك بس أو عين القطة (معرفش إسمها كده ولا لأ :c_laugh[1]:) فى الحتت اللى لسة متجددة

أكيد فيه ناس من الأعضاء هايفيدوك أكتر منى .. و تروح و ترجع بالسلامة إن شاء الله :)

يعني برده ظلمه ربنا يسهل بقي الواحد هيبقي صاحي من الصبح و مش شايف ربنا يسهل و الطريق يظبط

[ayman2]

الطريق سىء للغايه ماعدا الأماكن التى تم اصلاحها والرادار منتشر حتى فى التحويله السرعه 60 كم وفيها رادار والأماكن التى انتهت فيها رادار بين الحواجز الأسمنتيه والسرعه 100 كم وبالليل فى تصوير فكن مستعد نفسيا وخليك هادى وتروح وترجع بالسلامه

[alzwawy]

الطريق سىء للغايه ماعدا الأماكن التى تم اصلاحها والرادار منتشر حتى فى التحويله السرعه 60 وفيها رادار والأماكن التى انتهت فيها رادار بين الحواجز الأسمنتيه وبالليل فى تصوير فكن مستعد نفسيا وخليك هادى وتروح وترجع بالسلامه

طيب المخالفات يا جماعه بتاعت الردار دي بكام طيب

[Hosam_Optrawy]

ب 150 جنيه

[alzwawy]

ب 150 جنيه

شكرا يا حسام باشا علي الرد السريع ربنا يستر و مناخدش مخالفه مش ناقصه 150

[mrsailor]

بالنسبة للحالة الرديئة للطريق ده فانا مقاطعه لحين انتهاء الاصلاحات .. و دلوقتى الزراعى احسن منه 100 مرة باستثناء الجزء من بنها القاهرة بسبب سواقين القليوبية .. و الزراعى كمان منور من اسكندرية للقاهرة

[alzwawy]

بصراحه معرفش طريق الزراعي انا عارف العادي ف مش هطلع علي طريق اول مره اروحه كده و اسافر

[Hosam_Optrawy]

شكرا يا حسام باشا علي الرد السريع ربنا يستر و مناخدش مخالفه مش ناقصه 150

الرادار بيبقى موجود بنسبة 90 % بالنهار

بليل عمرى ما لقيت رادار

[alzwawy]

الرادار بيبقى موجود بنسبة 90 % بالنهار

بليل عمرى ما لقيت رادار

لو كده يبقي شغال الصبح هحاول امشي براحه و امشي ورا الميكروباصات الي طالعه هما بيبقو عارفين اماكن الردارات

[M7amD_7amDy]

تروح وتيجى بالسلامة يامعلم

وأمشى على مهلك مدام أول مرة انا بعمل كده مش بجرى لما أكون ماشى فى طريق مش عارفه

بس مش هقدر أفيدك فى سؤالك عشان معرفش الطريق ده

طبعا أكيد مش هتبقى لوحدك

وأبقى ركز فى الطريق هااااا فاهمنى طبعا

[hobaz]

انا اخر مرة مشيت فيه من شهرين 3 وكان اوحش حاجة فيه التحويلات الكتير لاكن بالنسبة للنقر وكده بتهيقلي كان تمام اوي لاكن في التحويلات وكده ممكن تلاقي حتت مش متزبطة وتروح وترجع بالسلامة وربنا يستر طريقك ان شاء الله...