والدتى عندها كشف عن دكتور فى ميدان تريمف فى مصر الجديدة (ش. محمد رمزى) ، ازاى أروحه بعربيتى سواقة من كورنيش المعادى من فضلكم.
X
-
ده بعتمد على الوقت
عموماً ممكن أقصر الطرق هو صلاح سالم
حتى الكلية الحربية
ثم يوتيرن من جنب سور الكلية الحربية
وبعد ما السور على شمالك يخلص
خش يمين لحد ما تلاقي ميدان عثمان بن عفان
لف الميدان شمال قاطع وحاد في شارع عثمان بن عفان
أول ميدان هيقابلك هو ميدان تريومف
لكن توصل نهاية صلاح سالم إزاي من كورنيش المعادي ليها شوية طرق حسب الوقت اللي هاتطلع فيه
يعني ممكن من الدائري إلى مخرج السلام وطوالي في شارع جوزيف تيتو حتى الكلية الحربية .. وده طبعاً زحمة جداً
ممكن من الأوتوستراد طوالي حتى ميدان الكلية الحربية واعمل حسابك هاتقف كتير في أول عباس وأول مكرم ورابعة
ممكن من الدائري حتى مخرج طريق السويس ومن بعد بنزينة شل يمين حتى طريق الأوتوستراد عند سور المطار
لكن نصيحتي لو أنا كنت هاخد المشوار ده يكون كالآتي :
من الدائري حتى مخرج مدينة نصر المقطم العين السخنة (مخرج رقم 9 حالياً ) (28 سابقاً )
انزل النفق وكمل في اتجاه مدينة نصر طريق الشهيد
عند أول صينية خد تاني يمين
طوالي حتى جامع السلام قبل سوق السيارات
خد اليوتيرن ثم أول يمين كأنك بتكمل في نفس الشارع اللي خرجت منه
مع تقاطع مصطفى النحاس نفس المسألة يوتيرن وأول يمين
لحد ما تخرج على الأوتوستراد من جنب النادي الأهلي
كمل طوالي
هتلاقي كوبري اطلعه
انزل كمل طوالي وخللي بالك من الملفات والسرعة
هتلاقي نفسك تحت كوبري المطار
حضن شمال وأول يوتيرن وخلي الكلية الحربية على شمالك
وخلاص كدة
وتوصل بالسلامة وألف سلامة على الوالدة[CENTER][COLOR="DarkRed"][SIZE="4"]ما عاد يجدي الكلام ..[/SIZE][/COLOR][/CENTER]
-
معلش يا دكتور أحمد ، أنا حاولت أذاكر الوصفة بتاعة حضرتك بس للأسف اصطدمت بأسماء معالم لا أعرفها وحاسس انى مش هاعرف أوصل ..
عشان كده هاخدها من قصيرها واطلع بوالدتى يوم الجمعة على الدكتور على طول وهاخلى مشوار المعادى ليوم تانى.
أنا بابقى جاى على مصر اسكندرية الزراعى وبعد كده باخش الدائرى ، وأنا باعرف أروح المطار من الدائرى ، بالخروج من مخرج السلام حتى الوصول إلى سور الكلية الحربية .. ممكن حضرتك لو تكرمت وتكمل لى الوصفة من هنا؟[LEFT]The only alternative to coexistence is codestruction - [I]Nehru[/I]
[/LEFT]
[LEFT][COLOR=#000000][LEFT]
[/LEFT]
[/COLOR][/LEFT]
Comment
-
وحشنى يا دكتور زيزو كان نفسى اجى اخدك بنفسى واوديك اى مكان انت عيزهالمشاركة الأصلية كتبت بواسطة egyzizo مشاهدة المشاركةوالدتى عندها كشف عن دكتور فى ميدان تريمف فى مصر الجديدة (ش. محمد رمزى) ، ازاى أروحه بعربيتى سواقة من كورنيش المعادى من فضلكم.
Comment

Comment