الزقازيق-ماسبيو-حدائق المعادي والعكس طلب

[yahiahelaly]

[OVERLINE]
بسم الله الرحمن الرحيم
ان شاءالله رايح مشوارين مهمين في نفس اليوم من الزقازيق لحدائق المعادى - خلف مستشفى القوات المسلحة
وماسبيرو
وليا كام سؤال ارجو الي يعرف ميبخلش عليا
1-الدائري اقرب حاجه للموال ده صح ولا انا غلطان ؟؟ لاني مش حابب اجي زراعي الا اذا كان
الفرق كبير
2-طيب اطلع الدائري اتجاه السويس ولا الاسكندريه؟
3-انهو اقرب يعني اروح حدائق المعادي الاول ولا ماسبيرو عشان هارجع على طول ؟
4-في ردارات ع الدائري ولو في سرعتها كام؟؟
5-الوقت اد ايه من ساعه مااوصل الدائري؟؟
و اخيرا ادعولي يا جماعه ربنا يسمعني خير عن المريض الي رايحله
وشكا ليكوا وصدعتكواااا
[/OVERLINE]

[faron525]

طب حضرتك جاي من طريق بلبيس ولا منين ؟

[yahiahelaly]

اه جاي من طريق بلبيس واعرف اوصل لغايه الدائري يا ريت الرد بسرعه

[mada121977]

شوف مادام جاى من بلبيس يبقى تاخد الدائرى واول ماتوصل عند الدائرى تاخد الطريق اللى رايح على المطار (اتجاه السويس )وطبعا تنزل النفق وتكمل على طول لا يمين ولا شمال لغايه ماتوصل لكارفور المعادى على ايدك الشمال واسأل هناك على المنطقه اللى انت رايحها والمسافه دى تاخدلها تقريبا ساعه الا ربع بعد ماتخلص مشوارك فى المعادى تاخد الكورنيش لغايه ماسبيرو ودى بقى انت وحظك يعنى لو الطريق ماشى تاخد معاك حوالى نصف ساعه ولو واقف حوالى ساعه وانت فى ماسبيرو تكمل على طول برده على الكورنيش لغايه ماتمسك اول الطريق الزراعى وكده انت قدامك حلين ياتكمل زى مانتا على الزراعى يا تطلع الدائرى وتنزل نزله بلبيس

[yahiahelaly]

متشكر اوي طيب افضل اطلع صلاح سالم واخد كوبري اكتوبر وانزل نزله التحرير؟؟ معلش طولت عليكوا

[A.Saad]

لو جاى بالليل او العصر بلاش صلاح سالم
لو مش عايز تطلع الدائرى ممكن تاخد الاتوستراد
ممكن ينزلك المعادى من ورا وتسال هناك ازاى تروح كورنيش
او ممكن تاخد من هناك كوبرى اكتوبر

طيب تروح الوتستراد ازاى
كمل فى طريق الاسماعيلية هتلاقى كوبرى اطلعه وانزل شمال
اما تبقى عند سور الكلية الحربية
لو دخلت يمين
صلاح سالم
كملت طوالى ده الاوتوستراد