Tweet
من المعادي الي الماظة
كنت عايزة اعرف ازاي اروح من اتوستراد المعادي الي مستشفي حميات القوات المسلحة بالماظة
-
-
صباح الخير اولاالمشاركة الأصلية كتبت بواسطة noreen مشاهدة المشاركةكنت عايزة اعرف ازاي اروح من اتوستراد المعادي الي مستشفي حميات القوات المسلحة بالماظة
بصى يا ستى انتى هتطلعى من المعادى من عند شارع النصر على الاوتوستراد وتفضلى ماشيه على طووووووول بلاد تشيلك وبلاد تحطك,هتعدى على ثلاث كبارى كبار منهم اللى حصلت عليه الحادثه بتاعت العربيه اللى اتقلبت من كم يوم اسمه كوبرى التونسى وبعده هتعدى على القلعه هتكون على شمالك تفضلى برضو على طول وبعدها مستشفى المقاولين العرب على يمينك تفضلى برضو على طول ولا تحودى يمين ولا شمال زى مانتى على طول بعد كدا هتعدى على النصب التذكارى تفضلى برضو على طول ومن بعده جامع رابعه العدويه برضو زى مانتى على طول بعد كدا سينما طيبه على اليمين ومن بعدها بشويه شارع عباس العقاد تفضلى ماشيه على طول واول ملف شمال من بعد شارع عباس العقاد تلفى منه وتمشى شويه تدخلى يمين من عند ميدان الساعه هتلاقى ساعه كبيييره اوى المكان ده اسمه ميدان الساعه,دخلتى يمين الشارع ده يبقى شارع النزهه تفضلى ماشيه هتلاقى على شمالك الرقابه الاداريه تفضلى ماشيه برضو ومن بعدها دار الدفاع الجوى تفضلى ماشيه برضو هيقابلك كوبرى تنزلى من تحته متطلعيهوش وتفضلى ماشيه تحت الكوبرى الشارع لوحده هيحودك يمين بعد ماتحودى يمين تفضلى ماشيه على طول هيقابلك على يمينك سفاره الامارات تفضلى على طول وبعد كدا دار الاشاره تفضلى برضو على طول ومن بعدها هتلاقى المستشفى على اليمين بشويه وبس كدا,هو مشوار طويل شويه بس الطريق سهل مش صعب معظمه طرق طوالى
لو هتكون اول مره تروحى الشوار ده اعملى حسابك فى ساعه مسافه الطريق لانه طويل شويه بيكون زحمه شويه
لو فى اى حاجه مش واضحه او اى استفسار تانى اتفضلى انا ساكن قريب من المنطقه دى وحافظ المشوار
تحياتىGeorge
[CENTER]فى كل صباح تذكر ان الرب الهك يحبك ويحرسك ويدبر كل امورك,فقط قل لتكن مشيئتك[/CENTER] -
شكرا جداعلي الوصف الدقيق و انا الحمد لله فهمتها كويسComment
-
ممكن برضك تاخدي الطريق الدائري يعني خالي كارفور علي يمينك و امشي مع الدائري لغيت لما تلاقي تفتى مكتوب عليها طريق السويس ألماظة بس تنزلي يمين وتخشي في طريق السويس الكيلو 15 يمكن وتاخدي طريق القاهرة هم يادوبك 10 ك هتبقي هناك[CENTER][SIZE=3][COLOR=DarkRed][B]أستمع لأحلى تلاوات القران[/B][/COLOR][/SIZE][COLOR=DarkRed]
[/COLOR] [/CENTER]
[CENTER][COLOR=DarkRed][URL]http://www.tvquran.com[/URL]
[B][SIZE=3]من مواضيعى[/SIZE][/B]
[URL="http://www.nilemotors.net/Nile/156346-a.html"][B]الفيرنا اوتوماتيك ولا الساجا اوتوماتيك[/B][/URL]
[URL="http://www.nilemotors.net/Nile/155548-a.html"][B]الفيرنا عاوز رأى قاطع[/B][/URL][/COLOR] [/CENTER]
[CENTER][SIZE="4"][B][COLOR="Blue"]اللهم اغفر لي و لوالدي[/COLOR][/B][/SIZE][/CENTER]Comment
-
شكرا للرد وجزاك الله خيراComment
Comment