اسكندرية - مطروح صيف 2010 ملاحظات

[Islam_galal]

بسم الله الرحمن الرحيم
السلام عليكم ورحمة الله وبركاته

- الطريق في تحسن كجودة بشكل عام و لكن تحسن بطئ
- علامات الطريق و التي كانت جيدة جدا تم طمسها من واحد بعمة كبيرة و الآخر بشنب و المفروض إن واحد منهم ممثل للشعب ، كفاية عليهم الحركة دي عشان يتمنعوا من الترشح لعضوية مجلس الشعب و الشوري لمدة دورتين ، في محاولات لإعادته العلامات للخدمة بس التدمير كبير جدا جدا و طال كل العلامات التابعه لمحافظة مطروح (حواليي 200 كم) ز
- الرادار و المرور ، إعمل حسابك علي لجنتين علي الأقل علي السرعه و الأمن العام (النقل و الميكروباصات و العربيات الخاصة الممتلئة بالشباب)
- السرعه 100 و لكن بمجرد ما تدخل حدود مدينة مطروح السرعه 60 بجد لأن فيه علي الأقل لجنتين
- المرور داخل مطروح شديد علي طريق البحر -الكورنيش- و مش موجود بعد كده ، كان في أتوبيس قافل علي عربيتي و باللجوء لضابط شرطة ملازم أول قاللي بالنص (أتوبيس!!!! طيب حاعمله إيه) مع إن الكلام ده علي بعد 10 متر من الكورنيش.
- البلد جميلة و محافظة علي نفسها من بعد المحافظ الشحات و في تطور أيضا ، لا زلت بارشح كوك دور كأفضل مطعم وجبات سريعه في مطروح و طبعا حسني للمشويات.

[meemo]

ربنا يخليك ياباشا علي المعلومات اصل مسافر يوم 23 الي الجاي انشا الله بعربية ماروتي وربنا يستر بس بالنسبة لطريق العلمين ايه ظروفه وبالنسبة للركنات في مطروح ايه الظروف

[Islam_galal]

تروح و تيجي بالسلامة إن شاء الله
بالنسبة لطريق العلمين ، أعتقد قصدك من الصحراوي للساحل الشمالي و ده أنا ممشيتش فيه لأني كنت جاي من اسكندرية
أما الركنات في مطروح فكلما كنت قريبا من البحر كلما كانت الركنة أصعب و حاول تركن بعيد عن أي حد بيأجر عجل و الملعون الدنجل

[meemo]

ربنا يخليك انا جاي من فيصل الهرم وطريق العلمين اللي بعد البوابات اللي في اول الطريق بحوالي 100كم

[misoalex]

حمد الله على السلامه يا باشا

بس هى حدود مطروح الى بيبتدى عندها سرعه 60 دى من او فين بالظبط بعد المزلقان المشهور بتاع القطار ولا من قبله كمان